Tottenham និង West Ham ស្ថិតក្នុងចំណោមក្លឹបដែលចង់បានខ្សែប្រយុទ្ធ Olivier Giroud

        ក្លឹប​ Tottenham និង​ West Ham ស្ថិតក្នុងចំណោម​ក្លឹបមួយចំនួន​ដែល​កំពុង​តែ​បង្ហាញចំណាប់អារម្មណ៍​លើ​ខ្សែប្រយុទ្ធ Olivier Giroud របស់​ក្លឹប Chelsea ។

        ខ្សែប្រយុទ្ធ​សញ្ជាតិបារាំង​រូបនេះ​មាន​បំណង​ចាកចេញពីពហុកីឡាដ្ឋាន Stamford Bridge នៅ​ខែមករា​ ដើម្បី​ស្វែង​រក​ឱកាស​ចូលក្នុងក្រុមជម្រើសជាតិ​បារាំង​សម្រាប់ការ​ប្រកួត​ Euro 2020 នៅ​រដូវក្តៅឆ្នាំ​ក្រោយ​។

        លោក Frank Lampard បានអះអាងថា Giroud នៅតែជា​ផ្នែក​មួយដែល​ត្រូវ​លេង​ បន្ទាប់ពី​កីឡាករ​រូបនេះ​រក​បានគ្រាប់បាល់ចុងម៉ោង​ អំឡុង​ពេល​ប្រកួត​ឈ្នះ​ក្រុម Rennes ២-១ នៅ​ក្របខណ្ឌ Champions League ។

        ប៉ុន្តែតាម​ព័ត៌មាន​ថា ក្លឹប Spurs និង​ West Ham ចង់​ពង្រឹងតំបន់ប្រយុទ្ធ​របស់​ខ្លួន​ដោយគ្រោងនឹង​ចុះកិច្ច​ព្រមព្រៀងផ្ទេរ​កីឡាករ​វ័យ​៣៤ឆ្នាំ​រូបនេះ។

        ទោះបីជា​យ៉ាងណា ពួកគេអាចនឹងប្រឈម​ការ​ប្រកួត​ប្រជែង​ផងដែរ ស្របពេល​ក្លឹប PSG, Inter Milan និង​ Inter Miami សុទ្ធតែតាមឃ្លាំមើល​ស្ថានភាពរបស់​ខ្សែប្រយុទ្ធរូបនេះ។

        Giroud រំពឹងថា នឹង​ចាកចេញពី​ពហុកីឡាដ្ឋាន Stamford Bridge នៅ​រដូវក្តៅនេះ​ ដោយសារពិបាក​ក្នុងការ​ស្វែង​រក​ឱកាស​លេង​ បន្ទាប់ពី​ការ​តែងតាំងលោក Frank Lampard ជាគ្រូបង្វឹក​។

        ខ្សែប្រយុទ្ធរូបនេះ​ចាប់ផ្តើម​មាន​ទម្រង់លេងល្អ​នៅចុងរដូវកាល​មុន ហើយ​ត្រូវ​បាន​ផ្តល់​កិច្ច​សន្យា​១២​ខែទៀត។ ប៉ុន្តែ​ដោយក្លឹប Chelsea មាន​ជម្រើស​ខ្សែប្រយុទ្ធច្រើន​កាល​ពីរដូវក្តៅ​ ដូច្នេះ ​Giroud បាន​បាត់បង់លំដាប់រៀង​នៅពហុកីឡាដ្ឋាន Stamford Bridge ៕

adverise with khmeread