Chelsea បើកកិច្ចពិភាក្សាជាមួយកីឡាករ Thiago Silva ជុំវិញការពន្យារកិច្ចសន្យាដល់ឆ្នាំ២០២២

        ក្លឹប Chelsea កំពុង​ចរចាជាមួយ​តំណាងរបស់​កីឡាករ Thiago Silva ជុំវិញ​ការ​ពន្យារកិច្ច​សន្យា​នៅពហុកីឡាដ្ឋាន Stamford Bridge ដល់​ឆ្នាំ​២០២២។

        ក្លឹប Chelsea បាន​ផ្ទេរកីឡាករ​វ័យ​៣៦​ឆ្នាំ​រូបនេះ​ដោយ​ឥតតម្លៃ​ខ្លួន​​កាល​ពីរដូវក្តៅ​បន្ទាប់ពី​កីឡាករ​រូបនេះចប់កិច្ច​សន្យា​ជាមួយ​ក្លឹបយក្ស​បារាំង PSG ក្រោយពេល​ប្រកួត​ចុងក្រោយ​ក្របខណ្ឌ Champions League ។

        ក្លឹប Chelsea បាន​ផ្តល់​កិច្ចសន្យាលេង​មួយ​ឆ្នាំ​ ប៉ុន្តែ​មាន​បំណងចង់​ពន្យារកិច្ច​សន្យា​រយៈ​មួយ​ឆ្នាំ​បន្ថែមទៀត។

ក្លឹប Chelsea ត្រៀម​នឹងប្រើប្រាស់លក្ខខណ្ឌក្នុងកិច្ច​សន្យា​នេះ បន្ទាប់ពីខ្សែការពាររូបនេះ​ធ្វើ​បាន​ល្អនៅក្នុងរដូវកាល​ដំបូង​ឆ្នាំ​២០២០-២០២១។

        Silva បាន​នាំមកនូវ​ភាពរឹងមាំ​នៅតំបន់ការពារ​ដែលពិតជា​សំខាន់​សម្រាប់​តំបន់ការពាររបស់ក្លឹប Chelsea ។  

        បន្ទាប់ពីបាន​បង្ហាញមុខ​៩លើក​នៅគ្រប់ការប្រកួត​ Silva បាន​ជួយ​ក្រុម​នេះ​ឲ្យ​រកបាន​ជ័យជម្នះ​៦​លើក​និង​ស្មើ​៣​លើក។

        Chelsea មើលទៅហាក់ដូចជា​របូតគ្រាប់បាល់តិចជាងមុន ស្របពេលអតីត​ខ្សែការពារក្លឹប PSG រូបនេះបានរារាំង​៦លើកដោយជោគជ័យ៕

adverise with khmeread