Manchester United មានឱកាស៩០ភាគរយក្នុងការចុះកិច្ចព្រមព្រៀងផ្ទេរ Hakan Calhanoglu

        ក្លឹប Manchester United គឺជា​បេក្ខភាពនាំមុខ​គេ​ក្នុង​ការ​ចុះកិច្ច​ព្រម​ព្រៀង​ផ្ទេរកីឡាករ Hakan Calhanoglu នៅរដូវក្តៅក្រោយ ស្របពេល​ដែល​ខ្សែបម្រើ​រូបនេះ​មាន​ឱកាស​៩០​ភាគរយ​ក្នុង​ការ​​ពាក់អាវ​ក្រុម​ United សម្រាប់​រដូវកាល​ ២០២១-២២។      

        ក្លឹប AC Milan មាន​ពេល​៧​ខែ​ ដើម្បី​សម្រេចកិច្ច​ព្រមព្រៀងថ្មី​ដើម្បីផ្ទេរ​កីឡាករ​វ័យ​២៦​ឆ្នាំ​ដែល​ផ្ទេរពីក្លឹប Bayer Leverkusen កាល​ពីឆ្នាំ​២០១៧រូបនេះ។

        Calhanoglu ត្រូវ​បាន​គេភ្ជាប់ទៅនឹង​កិច្ចព្រមព្រៀងផ្ទេរមក​ក្រុមរបស់​លោក Ole Gunnar Solskjaer ដែល​អាចជា​ឱកាស​ដ៏ល្អ​ ស្របពេល​ខ្សែបម្រើ​រូបនេះ​មាន​សិទ្ធិចរចាលក្ខខណ្ឌក្នុងការ​ចាកចេញពី​ពហុកីឡាដ្ឋាន San Siro ចាប់ពីខែមករា​ទៅ។

        ប្រាក់ឈ្នួល​របស់ Calhanoglu គឺជា​ជំហាន​បន្ទាប់នៅក្នុងកិច្ច​ព្រមព្រៀង​នេះ ស្រពេល​ក្លឹប United មាន​ឱកាស​ច្រើន​ក្នុងការ​ទទួល​បាន​ខ្សែបម្រើ​រូបនេះ​ ក្រោយ​មាន​ការ​ភ្ជា​ប់​កីឡាករ​រូបនេះ​ទៅ​នឹង​ក្លឹប Atletico Madrid និង​ក្លឹប Inter Milan ផងដែរ។ 

        ខ្សែបម្រើ​រូបនេះដែល​​ល្បីល្បាញ​ដោយសារតែសមត្ថភាពទាត់បាល់ហ្វ្រីឃីកបាន​ចាប់ផ្តើម​លេងទាំង​៨ប្រកួត​នៅក្របខណ្ឌ Serie A នៅ​រដូវកាល​នេះ ដោយ​ជួយ​ក្រុម AC Milan នាំមុខគេ​ដាច់​២ពិន្ទុ​នៅលើ​កំពូល​តារាងពិន្ទុ​ ដែល​មិន​ទាន់​ស្គាល់​ពាក្យថា ចាញ់​នៅឡើយ​មក​ដល់​ពេលនេះ៕​

adverise with khmeread