ជន​វិកល​ចរិក​ម្នាក់​ (នាយជ័យ)​ បាន​ស្លាប់​បាត់​បង់​ជីវិត​ ដោយសារ​គ្រោះថ្នាក់​ចរាចរណ៍​

កោះកុង ៖ មានករណីមនុស្សស្លាប់ម្នាក់ នៅចំណុចខាងក្រោយរបងមន្ទីរពេទ្យខេត្ត  ស្ថិតក្នុងភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង នៅថ្ងៃទី២៩ ខែវិច្ឆិកា ឆ្នាំ២០២០ វេលាម៉ោង ៨ និង២០នាទីព្រឹក ក្រោយពីបានទទួលដំណឹងភ្លាម​ កម្លាំងការិ​យាល័យជំនាញ នៃ​ស្នងការដ្ឋាននគរបាលខេត្ត​ បាន​សហការ​ជាមួយ​ កម្លាំង​អធិការដ្ឋាននគរបាលក្រុងខេមរភូមិន្ទ ដោយ​មានការ​ចូលរូម​ពីក្រុមគ្រូពេទ្យខេត្ត បានធ្វើការពិនិត្យ និង ធ្វើកោសល្យវិច្ច័យលើសាកសព។

ប៉ូលិសនិយាយថា សាកសពឈ្មោះ យ៉ាត វ៉ាត (ហៅជ័យ) ភេទប្រុស អាយុ៥០ឆ្នាំ ជន​វិកល​ចរិក​ ស្នាក់នៅក្នុងវត្តទេពនិមិត្ត (ហៅវត្តថ្មី)។ ក្រោយពីការពិនិត្យពីក្រុមគ្រូពេទ្យ និង កម្លាំងជំនាញបញ្ជាក់ថាសាកសពមានស្នាមរបួសបាក់កដៃខាងឆ្វេង, ជើងខាងឆ្វេង និង បែកប្លោកនោម​។  ក្រុមគ្រូពេទ្យបានសនិដ្ឋានថា សាកសពបានស្លាប់ដោយសារគ្រោះថ្នាក់ចរាចរណ៍។ 

បច្ចុប្បន្នសាកសពបានប្រគល់ឱ្យទៅឈ្មោះ យ៉ាត ស៊ីណាន ភេទស្រី អាយុ៥៨ឆ្នាំ ត្រូវជាបងស្រីបង្កើត ដើម្បីយកទៅធ្វើបុណ្យតាមប្រពៃណី នៅវត្តទេពនិមិត្ត៕

adverise with khmeread