ឆ្នាំ​របស់ Liverpool? ហង្ស​ក្រហម​មាន​ទឹកមាត់​លេប​ខ្ពស់​បន្ទាប់​ធ្វើបាន ១-១ នៅ Dortmund

​    ​គ្រូបង្វឹក Liverpool លោក Jurgen Klopp ពិតជា​រីករាយ​បន្ទាប់ពី​ចាកចេញ​ពី​ប្រទេស​អាល្លឺម៉ង់​ក្រោយ​រកបាន​គ្រាប់​បាល់​ដ៏​សំខាន់​នៅក្រៅ​ផ្ទះ​ខណៈ​ហង្ស​ក្រហម​ធ្វើបាន​ត្រឹម​លទ្ធផល ១-១ នៅក្នុង​ក្របខ័ណ្ឌ Europa League កាលពី​ថ្ងៃ​យប់មិញ​។​

​    ​លោក Klopp បានសម្រេច​ចិត្ត​ដាក់​កីឡាករ Divock Origi ជាជាង Daniel Sturridge ខណៈ​ខ្សែប្រយុទ្ធ​រូបនេះ​ជា​អ្នករក​គ្រាប់​បាល់​ឱ្យ​ក្រុម​នៅក្នុង​នាទី​ទី ៣៦​។​

​    ​Dortmund ក៏មាន​ឱកាសល្អ​ជាច្រើន​ដែរ​ប៉ុន្តែ​ធ្វើ​មិនបាន​សម្រេច​ក្នុង​តង់​ទីមួយ ប៉ុន្តែ​លុះដល់​ដើមតង់​ទី​ពីរ កីឡាករ Henrikh Mkhitaryan បានតែ​ត​តាម​ស្មើ​ឱ្យ Dortmund ប៉ុន្តែ​គ្មាន​លទ្ធផល​ប្រែប្រួល​រហូតដល់​ចប់​ការប្រកួត​។​

​    ​គ្មានអ្វី​ត្រូវ​ឆ្ងល់​នោះឡើយ ព្រោះ​ក្រុម Liverpool និង​លោក Klopp ជា​អ្នក​ដែល​សប្បាយចិត្ត​ជាងគេ​នោះ ខណៈ​ហង្ស​ក្រហម​រក​គ្រាប់​បាល់​ដ៏​មានតម្លៃ​នៅ​ជើង​ទីមួយ​នេះ ហើយ​នៅ​សប្តាហ៍​ក្រោយ​ពួកគេ​ត្រូវការ​តែ​លទ្ធផល ០-០ និង​បាន​ឡើងទៅ​វគ្គ​ពាក់កណ្តាល​ផ្តាច់ព្រ័ត្រ​យ៉ាង​ស្រួល​៕