ក្លឹប PSG ផ្តោតគោលដៅនាំយកកីឡាករ Christian Eriksen មកជួបជុំជាមួយលោក Mauricio Pochettino

        លោក Mauricio Pochettino ចង់​ជួប​ជុំឡើងវិញ​ជាមួយ​អតីត​ខ្សែបម្រើ​ Christian Eriksen នៅ​ក្លឹប Paris Saint-Germain ។

        អតីត​គ្រូបង្វឹក​ក្លឹប Spurs បាន​ចូល​រួម​ជាមួយ​ក្លឹប​យក្ស​បារាំង​ បន្ទាប់ពី​អវត្តមាន​ពីការ​ងារបាល់ទាត់​ជាងមួយឆ្នាំ​ ហើយ​ភ្លាមៗនេះចង់​ពង្រឹងក្រុម​របស់​លោក​តាម​រយៈ​ការ​ចូលរួម​ទីផ្សារទិញដូរ​កីឡាករ​។

        មាន​ការ​ចរចាខ្ចីជើង​កីឡាករ Dele Alli របស់​ក្លឹប Tottenham ដែល​ក្លាយ​ជា​កីឡាករ​លេចធ្លោ​ ក្រោម​ការ​ដឹងនាំ​របស់​លោក Pochettino អំឡុង​ពេល​ធ្វើ​ការជា​មួយគ្នា​ច្រើន​ឆ្នាំ​នៅ​ក្លឹប Spurs ប៉ុន្តែ​គេជឿថា លោក Pochettino ចាត់ទុក​កីឡាករ Eriksen គឺជា​គោលដៅ​ចម្បងជាង។

        បច្ចុប្បន្ន ក្លឹប Spurs ស្ទាក់​ស្ទើរមិនចង់​ឲ្យ​ Alli ចាកចេញតាម​រយៈ​កិច្ច​សន្យា​ខ្ចីជើង​នោះទេ បើទោះបីជា​កីឡាករ​រូបនេះមិនសូវ​មាន​ឱកាស​បង្ហាញមុខ​ក្រោម​ការ​ដឹកនាំ​របស់​​លោក Jose Mourinho ហើយ​ត្រូវ​តែមាន​ការ​បញ្ចុះបញ្ចូល​ហើយ​។ ប៉ុន្តែ​កីឡាករ Eriksen កំពុង​តែ​មាន​បញ្ហា​ជាមួយ​ក្លឹប Inter បន្ទាប់ពីចូល​រួម​បាន​មួយ​ឆ្នាំ​ក្រោយ​ពី​ចាកចេញពី​ក្លឹប​ Tottenham ដូច្នេះ​កីឡាកររូបនេះអាច​ចាប់អារម្មណ៍​នឹង​ឱកាស​ដើម្បី​បង្ហាញមុ​ខ​ជា​ថ្មី។

        កីឡាករ​វ័យ​២៨​ឆ្នាំ​រូបនេះ​គឺជា​ផ្នែក​សំខាន់​ជាមួយ​ក្រុម​របស់​លោក Pochettino កាល​នៅ​ក្លឹប Spurs និង​ធ្លាប់ឡើង​ដល់​វគ្គ​ផ្តាច់ព្រ័ត្រ​ក្របខណ្ឌ Champions League កាល​ពីឆ្នាំ​២០១៩​៕

adverise with khmeread