ក្លឹប West Brom ថ្លឹងថ្លែងពីលទ្ធភាពផ្ទេរខ្សែប្រយុទ្ធ Andy Carroll របស់ក្លឹប Newcastle

        ខ្សែប្រយុទ្ធ Andy Carroll របស់​ក្លឹប Newcastle ស្ថិតក្នុង​បញ្ជីឈ្មោះ​កីឡាករ​ជា​ជម្រើស​ដែល​អាចផ្ទេរមក​ចូល​រួម​ជាមួយ​ក្លឹប West Brom នៅ​ខែ​នេះ។

        ក្លឹប West Brom ដែលកំពុង​ត្រដាបត្រដួស​នៅ​ក្របខណ្ឌ Premier League ក៏បាន​ពិភាក្សា​ស្វែង​រក​លទ្ធភាព​ផ្ទេរ​ខ្សែប្រយុទ្ធក្លឹប Bournemouth គឺ​ Josh King ដែល​ក៏ទទួល​បាន​ការ​ចាប់អារម្មណ៍​ពី​ក្លឹប Wolves និង​ West Ham ផងដែរ។

        លោក Sam Allardyce កំពុង​អន្ទះ​សា​ចង់​បាន​ខ្សែប្រយុទ្ធម្នាក់ បន្ទាប់ពី​កីឡាករ​ Karlan Grant ដែលផ្ទេរពីក្លឹប Huddersfield អំឡុង​ពេល​ទីផ្សារទិញដូរ​កីឡាករ​លើកចុងក្រោយ​នោះ​រងរបួស​បាក់​ឆ្អឹងប្រអប់ជើងហើយ​អាចនឹង​ខកខា​នការប្រកួត​យ៉ាងហោចណាស់​៥​ប្រកួត​។

        Carroll រកបាន​គ្រប់បាល់ដំបូង​សម្រាប់ក្រុម Newcastle ​អំឡុង​ពេល​ប្រកួត​ឈ្នះ​ក្រុម Leicester ១-០ កាល​ពី​ថ្ងៃអាទិត្យ​។ ខ្សែប្រយុទ្ធរូបនេះ​បានពន្យារកិច្ច​សន្យា​លេងមួយឆ្នាំទៀត​កាល​ពីរដូវក្តៅ​ឆ្នាំមុ​ន​ បន្ទាប់ពី​ចូល​រួម​ជាមួយ​ក្លឹបនេះកាល​ពីឆ្នាំ​២០១៩​។

        Carroll អាចរកបាន​១១គ្រាប់​នៅក្របខណ្ឌ Premier League នៅ​រដូវកាល​នេះ​ ហើយ Kevin Phillips អតីត​ខ្សែប្រយុទ្ធ​បានទទូច​ឲ្យ​លោក Allardyce ដាក់សំណើ​ផ្ទេរ​ខ្សែប្រយុទ្ធវ័យ​៣១​ឆ្នាំ​រូបនេះ៕

adverise with khmeread