Aston Villa ត្រៀមដាក់សំណើផ្ទេរខ្សែបម្រើ Jack Grealish ចំពេលមានការចាប់អារម្មណ៍ពីក្លឹប Manchester Unite និង City

        ក្លឹប Aston Villa មាន​ផែន​ការ​ច្រាន​ចោល​ការចែចង់ណាមួយ ដើម្បី​ផ្ទេរ​ខ្សែបម្រើ Jack Grealish អំឡុង​រដូវកាល​ទិញដូរ​កីឡាករបើកទ្វា​នៅខែមករា​នេះ បើទោះបីជា​មាន​ក្លឹបជា​ច្រើន​បង្កើន​ចំណាប់អារម្មណ៍​ចង់​បាន​កីឡាករ​រូបនេះក៏ដោយ​។

        ខ្សែបម្រើ​រូបនេះ​បាន​ចុះកិច្ច​ព្រមព្រៀង​លេងថ្មីរយៈ​ពេល​៥​ឆ្នាំ​ ដែល​មាន​តម្លៃ​ជាង​១០០.០០០​ផោន​ក្នុង​មួយ​សប្តាហ៍​កាល​ពី​រដូវក្តៅ​ បន្ទាប់ពី​ក្លឹប Manchester United សម្រេចមិន​ឆ្លើយ​តប​តាម​ការ​ទាម​ទារ​៨០​លាន​ផោន​របស់​ក្លឹប Aston Villa ហើយ​ចាប់​តាំងពីពេលនោះមក Jack Grealish ធ្វើ​បាន​ល្អ​ ដោយ​រក​បាន​៥​គ្រាប់​និង​ជួយបង្កើត​ឱកាស​៧​លើក​ក្នុង​ការបង្ហាញមុខ​១៥​ប្រកួត​និង​ជួយក្រុម Aston ឡើង​មក​ឈរនៅលេខរៀងទី​៨​នៅលើ​តារាងពិន្ទុ។

        ទាំង​ក្លឹប United និង​ក្លឹប Manchester City បន្ត​តាម​មើលការវិវឌ្ឍ​របស់​កីឡាករ Grealish ហើយ​មាន​ក្លឹបនៅ​បរទេស​ក៏ចាប់អារម្មណ៍​នឹង​កីឡាករ​រូបនេះ​ផងដែរ។

        ម្ចាស់​ក្លឹប​បាន​ចំណាយ​ច្រើន​ពីរ​ដូវក្តៅ​ចុងក្រោយ​នេះ ខណៈ​ពួកគេព្យាយាម​ប្រែក្លាយ​ក្រុម Aston Villa ទៅ​ជា​ក្រុម​ខ្លាំងមួយនៅ​ក្របខណ្ឌ Champions League ហើយ​ពួកគេត្រៀម​បដិសេធ​សំណើ​សុំផ្ទេរកីឡាករ​ឆ្នើម។

        ស្របពេល​ជាមួយគ្នា​នេះដែរ ក្លឹប Aston Villa នឹង​វាយ​តម្លៃ​ពី​ការ​រីកចំរើន​របស់​កីឡាករ Wesley នៅ​ខែនេះមុន​ពេល​សម្រេចថា តើ​ត្រូវ​ស្វែង​រក​ខ្សែប្រយុទ្ធ​ម្នាក់​ទៀត​មុន​ពេល​រដូវកាល​ទិញដូរ​បិទទ្វារឬយ៉ាងណា៕

adverise with khmeread