ក្រុមគ្រូពេទ្យនឹងវាយតម្លៃពីសុខភាពរបស់ Allan Saint-Maximin មុនពេលបង្ហាញមុខជាថ្មី

        ខ្សែបម្រើ​ស្លាប Allan Saint Maximin របស់​ក្លឹប Newcastle បាន​វិលត្រឡប់​មក​វិញ​ហើយ ខណៈ​កីឡាករ​រូបនេះបន្ត​សះស្បើយ​ពី​ជំងឺកូវីដ-១៩។

        កីឡាករ​វ័យ​២៣​ឆ្នាំរូបនេះ​បាន​វិលត្រឡប់ទៅ​ប្រទេសបារាំង​វិញ មុន​ពេល​ថ្ងៃបុណ្យណូអែល បន្ទាប់ពី​គ្រូបង្វឹក Steve Bruce បាន​បង្ហើបប្រាប់ថា កីឡាករ​រូបនេះ​​កើត​ជំងឺ​កូវីដរយៈពេល​យូរ​ ហើយ​មិន​ទាន់​ដឹងថា ​អាចលេងបាន​វិញ​នៅ​ពេល​ណា​នោះ​ទេ។

        ប៉ុន្តែ​នៅពេល​នេះ Saint-Maximin បាន​វិលត្រឡប់​មកតំបន់ North-East វិញ​ ហើយ​នឹង​ត្រូវ​​ក្រុម​វេជ្ជសាស្ត្រតាម​ដាន​ស្ថានភាពសះស្បើយ​ពី​ជំងឺកូវីដ​។ កីឡាករ​រូបនេះ​បាន​បង្ហាញមុខ​លើក​ចុងក្រោយ​កាល​ពីថ្ងៃទី​២១​ខែ​វិច្ឆិកា​ ហើយ​នឹង​ត្រូវ​ការ​ការហ្វឹកហាត់​សមស្របមុន​ពេល​សម្រេចថា តើ​អាចលេងបានវិញ​នៅពេលណាជាមួយក្រុម​ជម្រើស​ដំបូង​ ប៉ុន្តែថា កីឡាករ​រូបនេះទំនងជា​ខកខាន​ការ​ប្រកួត​យ៉ាងហោច​ណាស់ពីរសប្តាហ៍​ទៀត។

        ខ្សែប្រយុទ្ធដែល​មាន​តម្លៃ​ខ្លួន​១៦លាន​ផោន​រូបនេះ​ស្ថិតក្នុងចំណោម​កីឡាករ​១០​រូប​ដែល​តេស្តឃើញ​វិជ្ជមាន​ជំងឺកូវីដ​-១៩ កាលពីខែ​មុន​ ហើយ​លោក Steve Bruce បាន​បង្ហើបប្រាប់ថា មាន​ពីរ​នាក់​ធ្លាក់ខ្លួន​ឈឺធ្ងន់​គឺ Saint-Maximin និង​ប្រធាន​ក្រុម Jamaal Lascelles ។

        ដំបូង​ឡើយ​លោក Steve Bruce មិន​បាន​បង្ហើបប្រាប់ឈ្មោះ​កីឡាករ​ទេ ប៉ុន្តែ​ក្រោយ​មក​ ក្លឹប​នេះ​បង្ខំចិត្ត​បញ្ជាក់ប្រាប់ពីអត្ថសញ្ញាណរបស់​ពួកគេ​ បន្ទាប់ពី​មាន​ព័ត៌មាន​តាម​អ៊ីនធើណិត​បញ្ចេញ​ឈ្មោះ៕

adverise with khmeread