លោក Jose Mourinho បញ្ជាក់ថា ខ្សែបម្រើ Dele Alli ត្រឡប់មកក្នុងផែនការរបស់លោកវិញហើយ

        លោក Jose Mourinho បាន​បញ្ជាក់​ថា កីឡាករ Dele Alli បាន​ត្រឡប់​មក​ក្នុង​ផែន​ការ​របស់​លោក​សម្រាប់ក្រុម​ជម្រើស​ Tottenham វិញ​ហើយ ហើយ​អាចនឹង​បង្ហាញ​មុខ​ សម្រាប់ការ​ប្រកួត​ជាមួយ​ក្រុម Aston Villa ខណៈ​លោក​សាទរ​ខ្សែបម្រើ​រូបនេះ អំឡុង​ពេល​ប្រកួត​ឈ្នះក្រុម Marine នៅ FA Cup ។

        កីឡាករ​វ័យ​២៤​ឆ្នាំ​រូបនេះ​ធ្វើ​បាន​ល្អ អំឡុង​ពេល​ក្រុម Spurs ប្រកួត​ឈ្នះ​ក្រុម​កម្រិត​ទាបក្រៅ League ៥-០ ដោយបង្កើតឱកាស​រកគ្រាប់បាល់​ដំបូង​សម្រាប់​កីឡាករ Carlos Vincius និង​បាន​ចូល​រួម​សកម្មភាព​ជាច្រើន បន្ទាប់ពី​គ្រូបង្វឹក Mourinho ដាក់​ឲ្យ​លេង​ទាំង​កម្រ។

ខ្សែបម្រើសញ្ជាតិអង់គ្លេសរូបនេះ​ចាប់ផ្តើម​លំបាក​​និង​មិនសូវ​មាន​ឱកាស​បង្ហាញមុខ​ទេ​នៅក្របខណ្ឌ Premier League នៅ​រដូវកាល​នេះ។

        ប៉ុន្តែ​ Alli ហាក់ដូចជា​បាន​ពុះពារវិលត្រឡប់​មក​កាន់​ទីលាន​វិញ ខណៈ​ពួកគេ​ត្រៀម​ប្រកួត​កម្រិតកំពូល​ជាមួយក្រុម Aston Villa នៅ​ថ្ងៃពុធ។

        លោក Mourinho បាន​និយាយថា “​គាត់​មាន​វត្តមាន​នៅ​ថ្ងៃនេះ ហើយ​ប្រាកដណាស់​ វាមិនមែនជា​ការ​ប្រកួត ដើម្បី​ស្ទង់កម្រិតគុណភាព​នោះទេ។ ប៉ុន្តែ​កម្រិតអាជីពនិង​ឥរិយាបថ ហើយខ្ញុំ​សប្បាយចិត្ត​។ ខ្ញុំ​គ្មាន​អ្វីភ្ញាក់ផ្អើល​ទេ ប្រសិនបើ​ថ្ងៃពុធ Dele បង្ហាញមុខ​ជាមួយ​ក្រុម​ជម្រើស”៕

adverise with khmeread