ឃាត់អ្នកប្រព្រឹត្តល្បែង​ភ្នាល់ជល់មាន់៥នាក់,មានទោសត្រឹមអប់រំ

បាត់ដំបង ៖ លោកវរសេនីយ៍ឯក ឆាយ ម៉ាប់ អធិការប៉ូលិសស្រុករុក្ខគីរី កាលពីថ្ងៃទី ១១ ខែ មករា ឆ្នាំ២០២១ វេលាម៉ោង​១​និង៤៥នាទីរសៀល បានដឹកនាំកងកម្លាំងក្នុងអង្គភាព ចុះបង្រ្កាបករណីល្បែងជល់មាន់ភ្នាល់ដាក់ប្រាក់មួយកន្លែង នៅចំណុចភូមិខ្នាចអំពរ ឃុំព្រែកជីក ស្រុករុក្ខគីរី ខេត្តបាត់ដំបង ដោយបានឃាត់​ខ្លួនអ្នកប្រព្រឹត្ត ០៥នាក់ ក្នុង​ចំណោមអ្នកប្រព្រឹត្តច្រើននាក់ទៀតដែលរត់គេចខ្លួន។

ប៉ូលិសនិយាយថា ជនសង្ស័យ៥នាក់ភេទប្រុសត្រូវបានឃាត់ខ្លួន រួមជាមួយវត្ថុតាងមួយចំនួនរួមមាន ម៉ូតូចំនួន១៣គ្រឿង,មាន់​ជល់​ចំនួន០៣ក្បាល,កៅស៊ូជ័រជាសង្វៀនសម្រាប់ជល់មាន់ចំនួន០៣ដុំស្ថិតនៅទីកន្លែងនោះតែម្តង។

ក្រោយពេលធ្វើកំណត់ហេតុសាកសួរបំភ្លឺរួច សមត្ថកិច្ចបានធ្វើការអប់រំណែនាំដោយ​​ធ្វើកិច្ចសន្យា ឱ្យពួកគាត់បញ្ឈប់សកម្មភាពល្មើសនេះបន្តទៀត រួចបានឱ្យវិលត្រឡប់ទៅ​លំនៅដ្ឋានវិញ៕

adverise with khmeread