ព្រះរាជ​បុត្រា​ច្បងនៃ​ព្រះករុណាព្រះបាទសម្ដេចព្រះនរោត្តម សីហនុ យាង​ចូល​ព្រះ​ទីវង្គត ក្នុង​ព្រះ​ជន្មាយុ ៧៨​ព្រះវស្សានៅសហរដ្ឋអាមេរិក

ភ្នំពេញ​ ៖ សម្តេចព្រះ​បរមរាមា នរោត្តម យុវនាថ ឧ​ត្ត​ម​ប្រឹក្សា​ផ្ទាល់​ព្រះមហាក្សត្រ នៃ​ព្រះរាជាណាចក្រ​កម្ពុជា ទ្រង់​យាង​ចូល​ព្រះ​ទីវង្គត ក្នុង​ព្រះ​ជន្មាយុ ៧៨​ព្រះវស្សា នៅមន្ទីរពេទ្យសហរដ្ឋអាមេរិក ដោយ​ព្រះ​ជរាពាធ  នា​យប់​ថ្ងៃទី​១៤ ខែមករា ឆ្នាំ​២០២១ (​ម៉ោង​នៅ​ប្រទេស​កម្ពុជា​)​។​

សម្តេចព្រះ​បរមរាមា នរោត្តម យុវនាថ ជា​ព្រះរាជ​បុត្រា​ច្បង នៃ​ព្រះករុណាព្រះបាទ សម្ដេចព្រះនរោត្តមសីហនុ ព្រះមហាវីរក្សត្រ ព្រះវររាជបិតា​ឯករាជ្យ បូរណភាព​ទឹកដី និង​ឯកភាព​ជាតិខ្មែរ ព្រះ​បរម​រតន​កោដ្ឋ ជាទីគោរព​សក្ការៈ ដ៏​ខ្ពង់​ខ្ពស់បំផុត និង​ព្រះអង្គម្ចាស់​ក្ស​ត្រី ស៊ីសុវត្ថិ ពង្ស​សាន​មុនី​។

សម្តេចព្រះ​បរមរាមា នរោត្តម យុវនាថ ត្រូវជា​ព្រះរៀម​បង្កើត​មាតា​ទីទៃនៃ​ព្រះករុណា​ជា​អ​ម្ចាស់ជីវិតលើត្បូង ព្រះបាទ​សម្តេច​ព្រះបរមនាថ នរោត្តមសីហមុនី ព្រះមហាក្សត្រ នៃ​ព្រះរាជាណាចក្រ​កម្ពុជា ជាទីគោរព​សក្ការៈ​ដ៏​ខ្ពង់ខ្ពស់​បំផុត​៕


 

adverise with khmeread