ភ្លើងឆេះផ្ទះក្នុងបុរីលឹមឈាងហាក់ខណ្ឌដង្កោអស់មួយល្វែង

ភ្នំពេញ ៖ មានគ្រោះអគ្គីភ័យមួយកន្លែងកើតឡើងស្ថិតនៅក្នុងបុរីលឹមឈាងហាក់ ផ្ទះលេខ១៦R​ ផ្លូវលេខ៥ សង្កាត់ដង្កោ ខណ្ឌដង្កោ រាជធានីភ្នំពេញបង្កការភ្ញាក់ផ្អើល នាថ្ងៃព្រហស្បតិ៍ទី១៤ ខែមករា ឆ្នាំ២០២១ វេលាម៉ោង៩និង៥០នាទីព្រឹក។

សមត្ថកិច្ចនិយាយថា ម្ចាស់ឈ្មោះឃឹម សារេន អាយុ​៣៩ឆ្នាំ ភេទប្រុស សញ្ជតិខ្មែរ មុខរបរ​មន្ត្រីប៉ូលិស។ ប្រភេទសំណង់​ដែលឆេះផ្ទះថ្ម ទំហំ៤ម៉ែត្រគុណនឹង១៦ម៉ែត្រ ឆេះសម្ភារៈខូចខាត​គ្រែគេងចំនួន០២, ទូដាក់សម្លៀកបំពាក់ចំនួន០២ និងពុំបណ្ដាលឱ្យឆេះរាលដាលដល់ផ្ទះអ្នកក្បែរខាងឡើយ។ មូលហេតុ​ ដុតទៀនបង្កជាអគ្គិភ័យ។

បន្ទាប់មកសមត្ថកិច្ចបានប្រើប្រាស់រថយន្តពន្លត់អគ្គីភ័យចំនួន០៣គ្រឿង​រួមមាន រថយន្តការិយាល័យពន្លត់អគ្គិភ័យ​រាជធានីភ្នំពេញចំនួន​០១គ្រឿងប្រើប្រាស់ទឹកអស់ចំនួន​០១ឡាន​, រថយន្តពន្លត់​អគ្គិភ័យ​កងរាជអាវុធហត្ថរាជធានីភ្នំពេញចំនួន​០២គ្រឿង ប្រើប្រាស់ទឹកអស់ចំនួន​០១ឡាន​ ហើយពន្លត់ចប់​នៅម៉ោង​១០ និង២០នាទី នាថៃ្ងខែឆាំ្នដដែល៕


 

adverise with khmeread