ឃាត់ជនសង្ស័យម្នាក់ពាក់ព័ន្ធបទល្មើសលួចនៅក្រុងតាខ្មៅ

កណ្តាល​ ៖​ ​ជនសង្ស័យម្នាក់ត្រូវបានប៉ូលិសឃាត់ខ្លួនក្នុងករណីអំពើលួចអំពូលភ្លើងសូឡានៅថ្ងៃទី១៣ មករា ឆ្នាំ២០២១ វេលាម៉ោង០៧នៅចំណុចភូមិព្រែកកាត់ សង្កាត់តាក្តុល ក្រុងតាខ្មៅ ខេត្តកណ្តាល។

ប៉ូលិសនិយាយថា​ ជនរងគ្រោះឈ្មោះ រ៉ង មុនីជោតិ ភេទប្រុស អាយុ៦៥ឆ្នាំ មានទីលំនៅភូមិព្រែកកាត់​ សង្កាត់តាក្តុល ក្រុងតាខ្មៅ ខេត្តកណ្តាល មុខរបរមន្ត្រីនគរបាលចូលនិវត្តនិ៍។

ចំណែកជនសង្ស័យឈ្មោះ ភឿង ស៊ីម៉េង​ ភេទប្រុស អាយុ២១ឆ្នាំ មានទីលំនៅភូមិព្រែកឬស្សី សង្កាត់ព្រែកឫស្សី ក្រុងតាខ្មៅ ខេត្តកណ្តាល(ឃាត់ខ្លួន)។ វត្ថុតាងចាប់យកអំពូលសូឡា ចំនួនមួយគ្រឿង(របស់ជនរងគ្រោះ)។

ប៉ូលិសបន្តថា​ ដំបូងជនសង្ស័យបានធ្វើសកម្មភាពលួចអំពូលសូឡារបស់ជនរងគ្រោះដែលដាក់លើរបងបំភ្លឺផ្លូវមុខផ្ទះ ហើយគេចខ្លួនបាត់ទៅ។

លុះមកដល់ថ្ងៃទី១៦ ខែមករា ឆ្នាំ២០២១ ជនរងគ្រោះបានមកដាក់ពាក្យប្តឹងនៅប៉ុស្តិ៍រដ្ឋបាលតាក្តុល រួចហើយសមត្ថកិច្ចប៉ុស្តិ៍ក៏បានធ្វើការស៊ើបអង្កេតស្រាវជ្រាវ រហូតឃាត់ខ្លួនបានជនសង្ស័យ ព្រមទាំងវត្ថុតាងយកមកចាត់ការតាមនិតិវិធីតែម្តង។

តាមការសាកសួរជនសង្ស័យបានឆ្លើយថា៖ខ្លួនធ្លាប់បានដើរលួចទ្រព្យសម្បត្តិរបស់ប្រជាពលរដ្ឋប្រហែល៥ដងមកហើយ មានដូចជា​ ចេក អំពូលសូឡា ផើងផ្កា។

ករណីនេះជនសង្ស័យកំពុងឃាត់ខ្លួននៅអធិការដ្ឋានដើម្បីចាត់ការតាមនិតិវិធី៕


 

adverise with khmeread