កីឡាករ Lionel Messi អាចប្រឈមនឹងបម្រាមមិនឲ្យលេង ១២ ប្រកួតដោយសារដាល់លើគូប្រកួត

    កីឡាករ Lionel Messi អាចប្រឈមនឹងបម្រាមមិនឲ្យលេងរហូតដល់១២ប្រកួត បន្ទាប់ពីត្រូវបានបណ្តេញចេញនៅនាទីចុងក្រោយ អំឡុងពេលប្រកួតចាញ់នៅក្របខណ្ឌ Spanish Super Cup វគ្គផ្តាច់ព្រ័ត្រ។

    កីឡាករសញ្ជាតិអាហ្សង់ទីនរូបនេះទទួលបានកាតក្រហមដំបូងនៅក្នុងអាជីពជាមួយក្លឹប Barcelona នៅនាទីចុងក្រោយនៃម៉ោងបន្ថែម។ ហើយប្រសិនបើ  Spanish FA ចាត់ទុកថា ឧប្បត្តិហេតុនោះគឺមានលក្ខណៈគឃ្លើននៅពេលពិនិត្យមើលហេតុការណ៍នោះឡើងវិញ Messi ប្រឈមនឹងបម្រាមមិនឲ្យលេងគ្រប់ការប្រកួតចន្លោះពី ៤ទៅ ១២ ប្រកួត។

    រឿងនេះនឹងធ្វើឲ្យប្រធានក្រុមក្លឹប Barca រូបនេះខកខានការប្រកួតលីកក្នុងស្រុក ស្របពេលក្រុមរបស់លោក Ronald Koeman ឈរនៅលេខរៀងទី៣នៅលើតារាងពិន្ទុ និងមានគម្លាត ៧ពិន្ទុពីក្រុមនាំមុខ Atletico Madrid ដែលមានពីរប្រកួតក្នុងដៃ។

    ប្រសិនបើ Spanish FA សន្និដ្ឋានថា វាមិនមែនជាកាយវិកាបែបគឃ្លើន នោះ  Messi នឹងទទួលបម្រាមត្រឹម ២ទៅ៣ ប្រកួតប៉ុណ្ណោះ៕
 

adverise with khmeread