ខឹងប្រពន្ធរត់ចោលដុតឆេះអស់មួយខ្នងត្រូវសមត្ថកិច្ចវ៉ៃខ្នោះ

កំពង់ស្ពឺ ៖ បុរស​ម្នាក់បាន​ដុត​ផ្ទះ​ឆេះ​ខ្ទេចអស់មួយខ្នងដោយសារគាត់​ខឹង​ប្រពន្ធរត់ចោលត្រូវប៉ូលិសវ៉ៃខ្នោះ ដែល​ហេតុការណ៍​ខាងលើនេះ បានកើត​ឡើងកាលពី​ថ្ងៃទី​២២ ខែមករា ឆ្នាំ ២០២១ម្សិលមិញ។

ប៉ូលិសនិយាយថា ជនបង្កឈ្មោះ ហេង ពៅ ភេទប្រុស អាយុ៣៣ឆ្នាំ រស់នៅ​ភូមិ​ផ្ចឹក​ជ្រុំ ឃុំ​ពេជ្រ​មុនី ស្រុក​គងពិសី ខេត្តកំពង់ស្ពឺ បណ្តាល​ឆេះ​ផ្ទះ​ទាំងស្រុងមានទំហំ​ទទឹង៥ម៉ែត្រនិង បណ្តោយ៧ម៉ែត្រ សសរ​បេតុង កម្ពស់២ម៉ែត្រ​កន្លះ ជញ្ជាំង​ក្តារ ដំបូល​ប្រក់​ក្បឿង និង​ឆេះ​អស់ ពូក​ភួយ មុង កន្ទេល សម្លៀកបំពាក់​មួយចំនួន និង​បែក​ពាង​ចំនួន​បី​។​

ប៉ូលិសបញ្ជាក់ថា មូលហេតុដែលនាំឱ្យ​បុរស​នេះដុត​ផ្ទះ​ចោល គឺ​បណ្តាលមកពីខឹង​ប្រពន្ធ​រត់ចោល ហើយ​ជនសង្ស័យជា​មនុស្ស​ញៀន​ថ្នាំថែម​ទៀតផង​។ ជនសង្ស័យនេះត្រូវ​ប៉ូលិស ឃាត់ខ្លួននៅ​អធិការដ្ឋាន​ប៉ូលិសស្រុក​គងពិសីដើម្បី​ចាត់ការ​បន្តតាម​នីតិវិធី​៕

adverise with khmeread