adverise with khmeread Wet solar panels 1024

មិន​ប្រកាន់​រដូវ​! អ្នកវិទ្យាសាស្ត្រ​បង្កើត​បន្ទះ​សូ​ឡា​ស្រូប​ពន្លឺព្រះអាទិត្យ ដែល​អាច​ទាញ​ថាមពល​ពី​ដំណក់ទឹកភ្លៀង

​    ​ថាមពលព្រះអាទិត្យ​បាន​កំពុង​បោះជំហាន​យ៉ាង​ធំ​ក្នុងនាម​ជា​ប្រភព​ថាមពល​គួរឱ្យ​ទុកចិត្តបាន និង​កកើត​ឡើងវិញ ប៉ុន្តែ​នៅមាន​សក្តានុពល​ជាច្រើន​ទៀត​មិនទាន់​ទាញ​យកមកប្រើ​អស់​ទេ បើ​និយាយ​ក្នុងន័យ​ប្រសិទ្ធភាព​បន្ទះ​សូ​ឡា​ប្រើ​នៅពេល​យប់ និង​ប្រើ​ក្នុង​អាកាសធាតុ​មិន​ទៀងទាត់​។ ឥឡូវ​គេ​បាន​បង្កើត​ដំណោះស្រាយ​មួយ​ដោយ​អាចធ្វើឱ្យ​បន្ទះ​សូ​ឡា​អាចបង្កើត​ថាមពល​បាន​ចេញពី​ដំណក់ទឹកភ្លៀង​។ 

​    ​គន្លឹះ​សំខាន់​ចំពោះ​ដំណើរ​ការផលិត​ថាមពល​ពី​ដំណក់ទឹកភ្លៀង​គឺ Graphene ជា​វត្ថុ​ធាតុ "​អ​ច្ឆិ​រយៈ​" មួយ​ដែល​គេ​ធ្លាប់​ឮ​ពីមុនមក​។ ដោយសារ​ដំណក់ទឹក​ភ្លៀវ​មិនមែន​បង្កើត​ចេញពី​ទឹកបរិសុទ្ធ និង​ផ្ទុក​ជាតិ​អំបិល​ផ្សេងៗ​ជាច្រើន ដែល​បំបែកចេញ​ជា​ជាតិ​ដែក​វិជ្ជមាន និង​អវិជ្ជមាន ទើប​ក្រុម​អ្នកស្រាវជ្រាវ​មកពី​សាកលវិទ្យាល័យ Ocean University of China ក្នុង​ទីក្រុង Qingdao គិតថា ពួកគេ​អាច​ទាញ​ថាមពល​បាន​តាមរយៈ​ប្រតិកម្ម​គីមី​ដ៏​សាមញ្ញ​មួយ​។ ជាពិសេស ពួកគេ​ចង់​ប្រើ​សន្លឹក Graphene ដើម្បី​ញែក​ជាតិ​ដែក​វិជ្ជមាន​ក្នុង​ទឹកភ្លៀង (​រួមមាន​សូ​ដ្យ៉ូ​ម កាល់​ស្យ៉ូ​ម និង​អា​ម៉ូ​ញាក់​)  និង​បង្កើត​វា​ទៅជា​ថាមពលអគ្គីសនី​។ 

​    ​ការធ្វើ​តេស្ត​ដំណាក់កាល​ដំបូង ដោយ​ប្រើ​ទឹកប្រៃ​បន្តិច​ដើម្បី​បង្កើត​ភ្លៀង​សិប្បនិម្មិត បាន​ហុច​លទ្ធផល​ជាទី​គាប់ចិត្ត​។ ក្រុម​អ្នកស្រាវជ្រាវ​អាចបង្កើត​ថាមពល​រាប់រយ​មីក្រូ​វ៉ុល និង​សម្រេច​បានការ​ប្រែក្លាយ​ភ្លៀង​ទៅជា​ប្រភព​ថាមពល​ចំនួន ៦,៥៣ ភាគរយ​ចេញពី​បន្ទះ​សូ​ឡា​ពន្លឺព្រះអាទិត្យ​។ 

​    ​សម្រាប់​ការពិសោធន៍​ជាក់ស្តែង ក្រុម​អ្នកស្រាវជ្រាវ​បាន​ប្រើប្រាស់​បន្ទះ​សូ​ឡា​តម្លៃថោក​មួយ​ដែល​បំពាក់​ជាមួយនឹង​សន្លឹក Graphene ដើម្បី​សាកល្បង​បង្កើត​ថាមពល​ពី​ទឹកភ្លៀង ហើយ​លទ្ធផល​ចេញមក​គឺ​វា​អាចបង្កើត​ថាមពល​ចេញ​ទាំងពី​ពន្លឺព្រះអាទិត្យ និង​ទឹកភ្លៀង​។ 

​    ​ការពិសោធន៍​នេះ​គឺ​គ្រាន់តែ​ជា​ភស្តុតាង​នៃ​គំនិត​ដែល​បាន​រកឃើញ​ប៉ុណ្ណោះ ដូច្នេះ​គេ​នៅ​ធ្វើការ​ប្រឹងប្រែង​បន្ថែមទៀត​ដើម្បី​បង្កើតជា​បន្ទះ​សូ​ឡា​ប្រើ​គ្រប់​រដូវ​កាល​។ ប៉ុន្តែ​ក្រុម​អ្នកស្រាវជ្រាវ​សង្ឃឹមថា ការរកឃើញ​របស់​ពួកគេ​នឹង​ក្លាយជា "​អ្នក​នាំ​ផ្លូវ​សម្រាប់​ម៉ូត​" បន្ទះ​សូ​ឡា​គ្រប់​រដូវ​កាលនា​ពេលអនាគត និង​រួមចំណែក​ចំពោះ​ឥទ្ធិពល​នៃ​ថាមពល​កកើត​ឡើងវិញ​ដែល​កំពុងមាន​ការពេញនិយម​មួយ​នេះ​៕ 

adverise with khmeread
ប្រភព៖ សាយអែនអាឡឺត

មតិយោបល់