ឃាត់ជនសង្ស័យម្នាក់ជាមួយថ្នាំញៀន១៨កញ្ចប់នៅសង្កាត់វាលស្បូវ

ភ្នំពេញ ៖ ជនសង្ស័យម្នាក់ត្រូវបានប៉ូលិសប៉ុស្តិ៍វាលស្បូវឃាត់ខ្លួន នាថ្ងៃទី២៦ ខែមករា ឆ្នាំ២០២១ វេលាម៉ោង៧យប់ ត្រង់ចំណុចមុខដីឡូតិ៍គ្មានលេខ ផ្លូវលំ ភូមិវាលស្បូវ សង្កាត់វាលស្បូវ ខណ្ឌច្បារអំពៅ​ រាជធានីភ្នំពេញពីបទជួញដូរដោយខុសច្បាប់នូវសារធាតុញៀន។

ប៉ូលិសនិយាយថា ជនសង្ស័យឈ្មោះ រាជ អូន ភេទប្រុស អាយុ​១៨ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅភូមិវាលស្បូវ សង្កាត់វាលស្បូវ ខណ្ឌច្បារអំពៅ​ រាជធានីភ្នំពេញ។ ដកហូតបានវត្ថុតាង ក្រាមពណ៌សថ្លា ១៨ ​កញ្ចប់ថង់តូច។

បច្ចុប្បន្នជនសង្ស័យបានឃាត់ខ្លួននៅអធិការដ្ឋានប៉ូលិសខណ្ឌច្បារអំពៅកសាងសំណុំរឿងបញ្ជូនទៅតុលាការចាត់ការតាមនីតិវិធី៕


 

adverise with khmeread