យុវជនម្នាក់គិតខ្លីចងកសម្លាប់ខ្លួននៅដើមជ្រៃ

កោះកុង ៖ យុវជន​ម្នាក់​បានសម្រេច​ចិត្ត​ចង​ក​ធ្វើ​អត្តឃាត​សម្លាប់​ខ្លួន​ ដោយ​សារ​វិបត្តិ​ផ្ទាល់ខ្លួន​បង្កការភ្ញាក់ផ្អើល នាថ្ងៃទី២៧ ខែមករា​ ឆ្នាំ​២០២១ វេលា​ម៉ោង​ ០៨ព្រឹក​ស្ថិត​នៅដើមជ្រៃ ភូមិវាលត្បូង ឃុំស្រែអំបិល ស្រុកស្រែអំបិល ខេត្តកោះកុង។

សមត្ថកិច្ចនិយាយថា សាកសព​រងគ្រោះ​ឈ្មោះ ប៊ូង ធន ភេទប្រុស អាយុ២៣ឆ្នាំ ជនជាតិខ្មែរ មានទីលំនៅភូមិវាលត្បូង ឃុំស្រែអំបិល ស្រុកស្រែអំបិល ខេត្តកោះកុង។ បន្ទាប់មកកម្លាំងប៉ូលិស​ជំនាញ​​ស្រុក​ស្រែ​អំបិល​ សហការ​ជាមួយ​កម្លាំងប៉ូលិស​ប៉ុស្តិ៍រដ្ឋបាលស្រុក​ស្រែអំបិល​ និងគ្រូពេទ្យបង្អែកស្រុក បានចុះធ្វើការត្រួតពិនិត្យសាកសពបុរសម្នាក់​ ចងកនៅក្នុង​ព្រៃ​ ស្ថិត​នៅភូមិវាលត្បូង ឃុំស្រែអំបិល ស្រុកស្រែអំបិល។

តាមការបំភ្លឺឪពុកម្តាយបញ្ជាក់ថា ជនរងគ្រោះបានចាកចេញពីផ្ទះកាលពីវេលាម៉ោង៣ជិតភ្លឺថ្ងៃទី២៦មករាឆ្នាំ២០២១ រហូតមកដល់ម៉ោង០៧ និង៣០នាទីព្រឹថ្ងៃទី២៧មករាឆ្នាំ២០២១ ក្រុមគ្រួសារបានដើររកក៏ប្រទះឃើញសាកសពដេកស្លាប់នៅក្រោមដើមជ្រៃ រួចរាយជូនសមត្ថកិច្ចតែម្តង។

តាមការពិនិត្យរបស់គ្រូពេទ្យនិងផ្នែកជំនាញឃើញថា «សាកសពមានខ្សែសសៃខៀវរុំនឹងក ប្រវែង១ម៉ែត្រ មានស្នាមជាំខ្មៅ ព័ទ្ធជុំវិញកគឺពិតជាស្លាប់ដោយចងក ពិតប្រាកដមែន»។

ចំពោះសាកសព ប៉ូលិសផ្នែកជំនាញបានធ្វើលិខិតប្រគល់ឱ្យក្រុមគ្រួសារនៃសព យកទៅធ្វើបុណ្យតាមប្រពៃណី៕

adverise with khmeread