Messenger zuck

បច្ចេកវិជ្ជា​ថ្មី​អនុញ្ញាត​ឲ្យ​អតិថិជន​កុម្ម៉ង់​តាមរយៈ​ការនិយាយ Chat នៅលើ Facebook Messenger

    ​Facebook នឹងដាក់​បន្ថែម​នូវ​បច្ចេកវិជ្ជា Robot ទៅក្នុង​កម្មវិធី Messenger ក្នុងការ​ប៉ុនប៉ង​ដើម្បី​ផ្លាស់ប្ដូរ​វិធីសាស្ត្រ​ដំណើរការ​របស់​អ៊ី​ន​ធឺ​ណេ​ត​។​

​    ​ក្រុមហ៊ុន​នេះ​ត្រូវបាន​គេ​រំពឹង​យ៉ាង​ទូលំទូលាយ​ថា​នឹង​ប្រកាស Bot Store មួយ​នៅលើ​ព្រឹត្តិការណ៍​សន្និសីទ F8 សម្រាប់​អ្នក​អភិវឌ្ឍន៍​កម្មវិធី​ជាច្រើន​។ ហើយ​គេ​នឹង​សង្ឃឹមថា Bot ទាំងនោះ​អាច​នឹង​ជំនួស App ទាំងស្រុង និង​វេ​ប​សាយ​ណា​ដែល​បាន​ចុះបញ្ជី​សម្រាប់ Bot ទាំងនោះ​។​

​    ​ឧបករណ៍​ថ្មី​សម្រាប់ Bot ត្រូវបាន​គេ​រំពឹងថា​ជា​ផ្នែក​មួយ​ដ៏​ធំ​នៃ​មុខងារ​ថ្មី​របស់ Messenger ដែល​អ្នក​អាច​រួមបញ្ចូល​ការជជែក​ដោយ​សម្ងាត់​ទៀតផង​។​

​    ​មុនពេល​ចុច​ចូលទៅក្នុង​កម្មវិធី​ដើម្បី​មើល​ផលិតផល​ពី​ក្រុមហ៊ុន​ជាក់លាក់​ណាមួយ ពួកគេ​នឹងត្រូវ​និយាយ​ឬក៏​វាយ​ទៅកាន់ Chatbot សិប្ប​និ​មិ្ម​ត​ដ៏​ឆ្លៀ​សវៃ​នេះ​សិន​។​

​    ​Bot នឹង​អនុញ្ញាត​ឲ្យ​មនុស្ស​កុម្ម៉ង់​ផលិតផល ឬក៏​វិលត្រឡប់​ផលិតផល​ទៅវិញ ដោយ​គ្រាន់តែ​និយាយ​ទៅកាន់ Robot មួយ​។​

​    ​Robot នឹងមិន​ត្រឹមតែ​បម្រើការ​សន្ទនា​នោះទេ និង​អាច​រួមបញ្ចូល tool ដូចជា Push Notifications ពី​ក្រុមហ៊ុន​លក់​ផលិតផល​ដើម្បី​ប្រាប់​មនុស្ស​ថា​ផលិតផល​ត្រូវបាន​យក​ចូលទៅ​កាន់​ឃ្លាំង​វិញ​ហើយ​។​

​    ​Facebook ត្រូវបាន​គេ​រំពឹងថា​នឹង​ណែនាំ Bot Paltform ថ្មី និង tool សម្រាប់​អ្នក​អភិវឌ្ឍ​កម្មវិធី​នៅ​ព្រឹត្តិការណ៍ F8 ឆ្នាំនេះ ដែល​ចាប់ផ្ដើម​នៅ​ថ្ងៃទី​១២ ខែមេសា​នេះ​៕

ប្រភព៖ independent

អ្នកនឹងចូលចិត្ត

មតិយោបល់