គម្រោងខ្នាតយក្សលំនៅដ្ឋានវីឡា KP ម៉ន ដានី នៅលើផ្លូវជាតិលេខ៣​ចាប់ផ្ដើមបើកលក់ជាផ្លូវការ

ភ្នំពេញ ៖ គម្រោងខ្នាតយក្សលំនៅដ្ឋានវីឡា KP ម៉ន ដានី ដែលមានទីតាំងស្ថិតនៅលើផ្លូវជាតិលេខ៣ ភូមិភានសា ឃុំនិព្វាន ស្រុកគងពិសី ខេត្តកំពង់ស្ពឺ​ នៅលើផ្ទៃដីចំនួន១២៥ហិកតា បានប្រកាសចាប់ផ្ដើមបើកលក់ជាផ្លូវការហើយចាប់ពីថ្ងៃទី២០កុម្ភៈឆ្នាំ២០២១នេះតទៅ។

លោកពុយ គា អ្នកគាំទ្រគម្រោង ខ្នាតយក្សលំនៅដ្ឋានវីឡា KP ម៉ន ដានី ខាលើនេះបានបញ្ជាក់ថា «លំនៅដ្ឋានវីឡាប្រណីត KP ម៉ន ដានី ជាគម្រោងទី២៩ ដែលបានសាងសង់ជាវីឡាទំនើបចំនួន ៥០០០ ខ្នង អមដោយរុក្ខជាតិបៃតងស្រងាត់ ហ៊ុមព័ទ្ធដោយបឹង ទីធ្លាហាត់ប្រាណលំហែកាយ ដែលពោរពេញទៅដោយបរិយាកាសធម្មជាតិ មានហេដ្ឋារចនាសម្ព័ន្ធពេញលេញ និងមានចម្ងាយតែមួយគីឡូម៉ែត្រពីផ្លូវក្រវ៉ាត់ក្រុងទី៣តែប៉ុណ្ណោះ។ គម្រោងនេះចាប់ផ្ដើមសាងសង់កាលពីថ្ងៃទី២៥ ខែធ្នូ ឆ្នាំ២០២០ ហើយថ្ងៃទី២០ ខែកុម្ភៈ ឆ្នាំ២០២១នេះ ជាថ្ងៃចាប់ផ្ដើមប្រកាសលក់ជាផ្លូវការតែម្ដង»។

ម្ចាស់លំនៅដ្ឋានវីឡា​ KP ម៉ន ដានី លោក ឃុន ថាវង្ស ផងផាន់ និងលោកស្រី ម៉ន ដានី បានថ្លែងថា ក្រុមហ៊ុនគ្រោងសាងសង់ឱ្យរួចរាល់ក្នុងរយៈពេល៣ឆ្នាំ សម្រាប់វីឡាទាំង ៥០០០ខ្នង ដោយបោះទុនបឋមចំនួន២០លានដុល្លារ។ ផ្ទះវីឡាចែកចេញជា២ ប្រភេទគឺ វីឡាទោលខ្នាតតូច និង ផ្ទះអាជីវកម្ម។​ សម្រាប់ផ្ទះវីឡាតូចមានទំហំ ៨៤ ម៉ែត្រការេ លើទំហំដីសរុប១៦០ម៉ែត្រការេ។ ផ្ទះអាជីវកម្មទីតាំងកែងមានទំហំ១២៥ម៉ែត្រការេ លើទំហំដីសរុប​ ១៦០ ម៉ែត្រការេ។

លោកស្រី ម៉ន ដានី បានថ្លែងថា វីឡាមួយលក់ក្នុងតម្លៃចាប់ពី ២៥ ០០០ ដុល្លារ​ រហូតដល់៥៥ ០០០ ដុល្លារ។ ក្នុងនោះក៏មានការបន្ថែមសម្ភារៈបំពាក់ជាច្រើនទៀតដូចជា​ ម៉ាស៊ីនត្រជាក់ ទីដាក់ចានលើក្រោម ចង្ក្រានអគ្គិសនី ម៉ាស៊ីនបឺតផ្សែង គ្រឿងសម្ភារៈបន្ទប់ទឹក និងម៉ាស៊ីនងូតទឹកក្ដៅទឹត្រជាក់។

លោកស្រីបន្តថា សម្រាប់លក្ខខណ្ឌក្នុងការទូទាត់ប្រាក់មាន៣លក្ខខណ្ឌ ដោយអតិថិជនអាចបង់ប្រាក់៣០ភាគរយ, ៥០ភាគរយ ឬបង់ផ្តាច់១០០ភាគរយតែម្ដង។ សម្រាប់ការបង់ប្រាក់៣០ភាគរយ និង៥០ភាគរយ អតិថិជនអាចបង់រំលោះកញ្ចប់សាច់ប្រាក់ដែលសល់ជាមួយក្រុមហ៊ុនដោយគ្មានការប្រាក់រយៈពេល ២៤ ខែ។ អតិថិជនអាចបង់ផ្តាច់ដោយទទួលបានការបញ្ចុះតម្លៃ១០ ០០០ ដុល្លារអាមេរិកភ្លាម គឺពី ៣៥ ០០០ មកត្រឹម២៤ ០០០ ដុល្លារអាមេរិក។

លោក ឃុន ថាវង្ស ផងផាន់ បានមានប្រសាសន៍ថា «វីឡាបែបនេះត្រូវបានសាងសង់ឡើងក្នុងគោលបំណងឱ្យប្រជាជនកម្ពុជាដែលជាសិស្ស និស្សិត គូស្វាមីភរិយាថ្មី និងបងប្អូនប្រជាពលរដ្ឋទូទៅ បើទោះជាពួកគាត់មានចំណូលទាប និងមធ្យមក៏ដោយ ក៏អាចទិញផ្ទះសម្រាប់រស់នៅ និងសម្រាប់លក់ដូរបានដែរ។ ទន្ទឹមនេះ ពួកគាត់ក៏មានរកចំណូលបានផងដែរ និងរស់នៅសមរម្យផងក្នុងបរិស្ថានបៃតងដែលមានខ្យល់អាកាសល្អ»។

នៅពេលសួរថា តើជំងឺកូវីដ១៩ នាំឱ្យមានការព្រួយបារម្ភចំពោះការអភិវឌ្ឍ និងសាងសង់លំនៅដ្ឋានលើផ្លូវជាតិលេខ៣នេះដែរឬទេ? លោក ផងផាន់ បានឆ្លើយថា «បញ្ហាកូវីដ១៩ បានផ្ដល់ផលវិបាកទូទាំងពិភពលោក ហើយកម្ពុជាក៏ទទួលរងផលប៉ះពាល់ពីបញ្ហានេះដែរ។ ប៉ុន្ដែកូវីដ១៩ មិនបានបង្អាក់ដល់ការសាងសង់ឡើយ ផ្ទុយទៅវិញក្រុមហ៊ុនកាន់តែពន្លឿនការសាងសង់ដោយផ្ដល់ការងារដល់បុគ្គលិក និងកម្មករទ្វេមួយជាពីរ ដែលនេះជាការចូលរួមចំណែកដល់ការសាង និងការអភិវឌ្ឍសេដ្ឋកិច្ចសង្គម និងប្រទេសជាតិយើង»។

លោកបានបន្ថែមថា «ក្រុមហ៊ុនមិនមានអ្វីគួរឱ្យបារម្ភខ្លាំងទេ ដោយហេតុថា តម្លៃដែលយើងលក់គឺទាប និងមធ្យម តែអតិថិជនទទួលបានសំណង់ស្អាត ទំនើប ទាន់សម័យ និងមានគុណភាពល្អដែលពិបាករកដូច»។

សូមបញ្ជាក់ថា លំនៅដ្ឋានវីឡា​ KP ម៉ន ដានី ភាគច្រើនស្ថិតនៅខណ្ឌសែនសុខ ក្បែរវត្តភ្នៀត និងនៅខាងក្រោយទីលានវាយកូនហ្គោលជិតផ្លូវទំនប់កប់ស្រូវ និងមួយទៀតនៅខណ្ឌកំបូល។ ដោយឡែកគម្រោងទី២៩ ជាគម្រោងទីមួយដែលមានខ្នាតធំជាងគេ ពុំធ្លាប់មាន ស្ថិតនៅភូមិភានសា ឃុំព្រះនិព្វាន្ត​ ស្រុកគងពិសី ខេត្តកំពង់ស្ពឺ ចម្ងាយ២៩គីឡូម៉ែត្រពីទីក្រុងភ្នំពេញ។

សូមអញ្ជើញមកទស្សនាផ្ទះគំរូពិត និងសាកសួរព័ត៌មានបន្ថែមនៅថ្ងៃនេះ ដែលមានទីតាំងស្ថិតនៅភូមិភានសា ឃុំព្រះនិព្វាន្ត​ ស្រុកគងពិសី ខេត្តកំពង់ស្ពឺ ឬតាមរយៈ https://goo.gl/maps/TFNi41zY3p6C6WaR7

សម្រាប់ព័ត៌មានបន្ថែម ទាក់ទងទូរសព្ទ 095 995 990 (Cellcard) 098 995 990 (Smart) 060 994 990 (Metfone) 077 994 990 (Cellcard) 087 994 990 (Smart)៕

adverise with khmeread
PR