កម្លាំងសន្តិសុខមីយ៉ាន់ម៉ាបាញ់បាតុករស្លាប់៣នាក់ ខណៈពួកគេបង្កើនការប្រើកម្លាំងលើក្រុមអ្នកប្រឆាំងរដ្ឋប្រហារ

កងកម្លាំងសន្តិសុខមីយ៉ាន់ម៉ាបានបាញ់សម្លាប់បាតុករយ៉ាងតិច ៣ នាក់កាលពីថ្ងៃអាទិត្យទី២៨កុម្ភៈ ខណៈមេដឹកនាំយោធារបស់ប្រទេសនេះបានបង្កើនការប្រើប្រាស់កម្លាំងដ៏សាហាវដើម្បីបំបែកការប្រឆាំងតវ៉ានឹងរដ្ឋប្រហារថ្មីៗនេះរបស់ពួកគេ។

របបយោធាកំពុងប្រយុទ្ធទប់ស្កាត់នឹងចលនាតវ៉ាតាមដងវិថីទ្រង់ទ្រាយធំដែលទាមទារឱ្យយោធាបោះបង់អំណាចនិងដោះលែងមេដឹកនាំស៊ីវិលដែលត្រូវបានបណ្តេញចេញលោកស្រីអ៊ុងសានស៊ូជី ដែលកំពុងជាប់ឃុំជាមួយសម្ព័ន្ធមិត្តនយោបាយកំពូលៗដទៃទៀតនៅដើមខែកុម្ភៈ។

ប៉ូលិសនិងទាហានបានបាញ់កាំភ្លើងជ័រឧស្ម័នបង្ហូរទឹកភ្នែកនិងកាណុងបាញ់ទឹកទៅលើបាតុកម្មកាលពីប៉ុន្មានសប្តាហ៍ថ្មីៗនេះក្នុងកិច្ចប្រឹងប្រែងដើម្បីផ្តួលយុទ្ធនាការមិនគោរពច្បាប់រដ្ឋ ដែលពេលខ្លះគឺប្រើគ្រាប់កាំភ្លើងពិតក្នុងករណីដាច់ដោយឡែកមួយចំនួន។

មនុស្សច្រើនសន្ថឹកសន្ធាប់បានប្រមូលផ្តុំម្តងទៀតនៅព្រឹកថ្ងៃអាទិត្យដើម្បីពង្រាយហ្វូងមនុស្សនៅតាមតំបន់ជាច្រើននៃប្រទេសបន្ទាប់ពីការអំពាវនាវតាមអ៊ីនធឺណេតឱ្យបាតុករដើរតវ៉ាឱ្យពេញផ្លូវសាជាថ្មី។

បុរស ៣ នាក់ត្រូវបានសម្លាប់និងយ៉ាងហោចណាស់ ២០ នាក់ផ្សេងទៀតបានរងរបួសនៅពេលដែលកម្លាំងសន្តិសុខបង្ក្រាបទៅលើហ្វូងបាតុករនៅឯមជ្ឈមណ្ឌលឆ្នេរខ្សាច់ Dawei នៅភាគខាងត្បូង នេះបើយោងតាមរបាយការណ៍របស់គ្រូពេទ្យស្ម័គ្រចិត្តនិងប្រព័ន្ធផ្សព្វផ្សាយក្នុងស្រុក។

អ្នកជួយសង្គ្រោះឈ្មោះ Pyae Zaw Hein បានប្រាប់ទីភ្នាក់ងារសារព័ត៌មាន AFP ថា អ្នកទាំងបីត្រូវបានបាញ់សម្លាប់ដោយគ្រាប់កាំភ្លើង ខណៈអ្នករងរបួសត្រូវគ្រាប់កាំភ្លើងជ័រ៕ ប្រភព ៖ Daily Mail

 

-->
adverise with khmeread