ឃាត់ខ្លួនជនសង្ស័យម្នាក់ពីបទរំលោភលើទំនុកចិត្ត និងឈានដល់ការដកហូតម៉ូតូ៧គ្រឿងនៅហាងទទួលបញ្ចាំ២កន្លែងគ្មានឯកសារ

បាត់ដំបង ៖ កម្លាំងអាវុធហត្ថខេត្តបាត់ដំបង បានឃាត់ខ្លួនជនសង្ស័យម្នាក់ពីបទរំលោភលើទំនុកចិត្ត ​និងឈានដល់ការដកហូតម៉ូតូ៧គ្រឿង នៅហាងទទួលបញ្ចាំ២កន្លែងគ្មានឯកសារ នៅវេលាម៉ោង៩ និង៣០នាទីយប់ ថ្ងៃទី០១ ខែមីនា ឆ្នាំ២០២១ នៅភូមិកម្មករ សង្កាត់ស្វាយប៉ោ ក្រុង-ខេត្តបាត់ដំបង។

មន្ត្រីអាវុធហត្ថបានឱ្យដឹងថា ជនសង្ស័យឈ្មោះ លាង រតនី ភេទប្រុស អាយុ២៧ឆ្នំា មុខរបរគ្មាន ស្នាក់នៅភូមិ ចំការឫស្សី សង្កាត់ព្រែកព្រះស្តេច ក្រុងបាត់ដំបង។ ការឃាត់ខ្លួនពីបទរំលោភលើទំនុកចិត្ត ដោយយកម៉ូតូ០១គ្រឿងរបស់ជនរងគ្រោះទៅបញ្ចាំ ហើយគេចខ្លួនកាលពីថ្ងៃទី២៨ ខែមីនា ឆ្នាំ២០២១។

ការចាប់ខ្លួនយោងតាមបណ្តឹងរបស់ឈ្មោះ លាង ច័ន្ទធីតា ភេទស្រី អាយុ២៤ឆ្នាំ មុខរបរនៅផ្ទះស្នាក់នៅភូមិរំចេក៤ សង្កាត់រតនៈ ​ក្រុងបាត់ដំបង។ ក្រោយស៊ើបអង្កេតកម្លាំងអាវុធហត្ថ បានធ្វើការឆែកឆេរលំនៅឋានចំនួនពីរកន្លែងដឹកនាំដោយ លោក ផាន់ រតនា ព្រះរាជអាជ្ញារង អមសាលាដំបូងខេត្តបាត់ដំបង នៅចំណុចភូមិវត្តគរ សង្កាត់វត្តគរ ក្រុងបាត់ដំបង ម្ចាស់ឈ្មោះ សៀង នឹម ភេទប្រុស អាយុ ៥១ឆ្នាំ មុខរបរលក់ដូរដកហូត ម៉ូតូ ០៣ គ្រឿងបញ្ចាំ គ្មានឯកសារ និងនៅភូមិដំណាក់ហ្លួង សង្កាត់វត្តគរក្រុងបាត់ដំបង ម្ចាស់ឈ្មោះ តាន់ ចាន់នុត ភេទស្រី អាយុ២២ឆ្នាំ មុខរបរលក់ដូរដកហូតម៉ូតូ ម៉ូតូ០៤ គ្រឿងទទួលបញ្ចាំគ្មានឯកសារ។

បច្ចុប្បន្នម៉ូតូទាំង០៧ គ្រឿងរក្សាទុកនៅការិយាល័យជំនាញ កងរាជអាវុធហត្ថខេត្តបាត់ដំបង ដើម្បីស្រាវជ្រាវបន្ត។ ចំណែកជនសង្ស័យជំនាញកសាងសំណុំរឿងបញ្ជូនទៅតុលាកាតាមនីតិវិធី៕

-->
adverise with khmeread