បណ្តឹងលែងលះរបស់ Pitt និង Jolie នាំឱ្យខាតលុយលើថ្លៃរត់ការផ្លូវច្បាប់ធ្ងន់បំផុតក្នុងប្រវត្តិសាស្ត្រគូស្នេហ៍ហូលីវូដ

យោងតាមអ្នកជំនាញផ្នែកច្បាប់បានឱ្យដឹងថាការតស៊ូបណ្តឹងលះលែងគ្នាដ៏ជូរចត់រវាង Brad Pitt និង Angelina Jolie បានក្លាយជាការប្ដឹងផ្ដល់ថ្លៃបំផុតមិនធ្លាប់មាននៅក្នុងថ្លៃសេវាស្របច្បាប់របស់តារាហូលីវូដ ហើយវាអាចនឹងបន្ដបែបនេះ៦ឆ្នាំទៀតឯណោះ។

គូស្នេហ៍មួយគូនេះបានជាប់ក្នុងបន្ទប់តុលាការចាប់តាំងពី Angelina អាយុ ៤៥ ឆ្នាំដាក់ពាក្យប្តឹងលែងលះពី Brad អាយុ ៥៧ ឆ្នាំកាលពីខែកញ្ញាឆ្នាំ ២០១៦ ដោយលើកឡើងពីភាពខ្វែងគំនិតគ្នាដែលមិនអាចផ្សះផ្សាបាន។

អ្នកជំនាញផ្នែកច្បាប់នៅ Los Angeles និយាយថាម្នាក់ៗបានចំណាយប្រាក់ជាង ១ លានដុល្លារលើការចំណាយផ្នែកច្បាប់រួចហើយ និងនិយាយថាការប្ដឹងផ្ដល់គ្នាអាចបន្ត ៦ ឆ្នាំទៀត។

ឪពុកម្តាយដែលមានកូន ៦ នាក់នេះនៅមិនទាន់ឈានដល់ដំណោះស្រាយស្តីពីវិធីបែងចែកទ្រព្យសម្បត្តិរាប់លានដុល្លាររបស់ពួកគេ ឬការមើលថែទាំកូនមិនទាន់គ្រប់អាយុពេញវ័យរបស់ពួកគេទាំង ៥ នាក់នៅឡើយ។

Angelina ថ្មីៗនេះបានលក់គំនូរមួយគូរដោយលោក Winston Churchill ដែល Brad បានផ្តល់ឱ្យជាកាដូដល់នាង។

ពាក្យចចាមអារ៉ាមបានផ្សព្វផ្សាយយ៉ាងឆាប់រហ័សថានាងបានលក់គំនូរនោះចេញនៅឯការលក់ដេញថ្លៃក្នុងទីក្រុងឡុងដ៍ក្នុងតម្លៃ ១១,៥លានដុល្លារកាលពីដើមខែនេះ ដើម្បីទ្រទ្រង់សង្គ្រាមលែងលះរបស់នាងទល់នឹង Brad Pitt ៕ ប្រភព ៖ Daily Mail


 

-->
adverise with khmeread