មិត្តពីរនាក់ជិះឡានក្រុងតាមផ្លូវជាមួយគ្នា តែម្នាក់គិតសុទិដ្ឋិនិយម និងម្នាក់ទៀតគិតទុទិដ្ឋិនិយម...ដល់ពាក់កណ្តាលផ្លូវមានរឿងមួយកើតឡើង!

សំណើច ៖ ពេលជិះឡានក្រុងជិតដល់ពាក់កណ្តាលផ្លូវ បុរសសុទិដ្ឋិនិយមនិយាយថា "តោះយើងឈប់ញ៉ាំបាយនៅភោជនីយដ្ឋានខាងមុខ។ ហើយសឹមឡើងជិះឡានក្រុងថ្មីបន្តទៀត។" 

បុរសទុទិដ្ឋិនិយម​ ៖ "ខ្ញុំគិតថាវាមិនមែនជាគំនិតល្អទេ ព្រោះខ្ញុំមានប្រផ្នូលថានឹងមានរឿងមិនល្អកើតឡើង"។

បុរសសុទិដ្ឋិនិយម ៖ "វាក៏អាចមានរឿងល្អកើតឡើងបានដូចគ្នា កុំគិតច្រើន ណាមួយខ្ញុំកំពុងឃ្លានបាយផង"។ 

ដូច្នេះអ្នកទាំងពីរបានចុះពីឡានក្រុងចូលញ៉ាំបាយក្នុងភោជនីយដ្ឋាន។ ខណៈញ៉ាំបាយរួចប្រហែលកន្លះម៉ោង ស្រាប់តែមានព័ត៌មានទាន់ហេតុការណ៍ផ្សាយផ្ទាល់លើហ្វេសប៊ុក។ 

អ្នករាយការណ៍ព័ត៌មាននិយាយថា "រថយន្តក្រុងមួយត្រូវបានថ្មភ្នំរអិលធ្លាក់ពីជម្រាលភ្នំសង្កត់លើ បណ្តាលឱ្យស្លាប់មនុស្សទាំងអស់នៅក្នុងរថយន្ត"។ 

សម្លឹងមើលមួយសន្ទុះ សម្លាញ់ទាំងពីរសម្គាល់ឃើញថា វាជាឡានក្រុងដែលអ្នកទាំងពីរទើបចុះមុននោះកន្លះម៉ោងដើម្បីញ៉ាំបាយ។

បុរសសុទិដ្ឋិនិយម ៖ "ឃើញទេ? ខ្ញុំបានប្រាប់ឯងហើយថានឹងមានរឿងល្អកើតឡើង ប្រសិនបើយើងចុះពីឡានក្រុង!"។ 

បុរសទុទិដ្ឋិនិយម​ ៖ "ល្អប្រកាច់យ៎ស្អី? បើឡានក្រុងមិនឈប់ឱ្យពួកយើងចុះទេ ឡាននេះប្រហែលចៀសផុតពីថ្មភ្នំនោះបាត់ហើយ!"៕ 

-->
adverise with khmeread