រឿងភ្លើងប្រចណ្ឌបុរសជាប្តីដាច់ចិត្តសម្លាប់ប្រពន្ធចោលក្នុងផ្ទះជួល

បាត់ដំបង ៖ លោកវរសេនីយ៍ឯក ឆាង វណ្ណឆៃ អធិការប៉ូលិសក្រុងបាត់ដំបង បានធ្វើការឃាត់ខ្លួនបញ្ជូនមកកាន់អធិការដ្ឋានប៉ូលិសក្រុងបាត់ដំបង ដើម្បីធ្វើការ​សាកសួរ ស្រាវជ្រាវជុំវិញករណី​ឃាត​កម្មស​ម្លាប់​ប្រពន្ធរបស់ខ្លួន កាលពីយប់ថ្ងៃទី ៦ ខែមេសា ឆ្នាំ២០២១។

ប៉ូលិសនិយាយថា ជនសង្ស័យឈ្មោះ ប៉ុល ប៊ុនធឿន ភេទប្រុស អាយុ៤០ឆ្នាំ​ មានទីលំនៅផ្ទះជួលស្ថិតនៅ ភូមិរំចេក៣ សង្កាត់រតនៈក្រុងបាត់ដំបង​ ខេត្តបាត់ដំបង មកកាន់អធិការដ្ឋាននគរបាលក្រុងបាត់ដំ បងដើម្បីធ្វើការ​សាកសួរ ស្រាវជ្រាវជុំវិញករណី ​(ឃាត​កម្ម) ស​ម្លាប់​ប្រពន្ធរបស់ខ្លួន។ 

ប៉ូលិសបន្តថា នៅរសៀលថ្ងៃទី៦​ ខែ​មេសា​ ឆ្នាំ​២០២១​ នៅចំណុចផ្ទះជួល​ស្ថិតក្នុងក្រុមទី​ ០១ ភូមិរំចេក៣​សង្កាត់រតនៈ ក្រុងបាត់ដំបង​ ខេត្តបាត់ដំបង មានកាភ្ញាក់ផ្អើលមួយបន្ទាប់ពីប្រទះឃើញ ឭស្រី្តឈ្មោះ​ សេង វ៉េត ហៅ​ស​ អា​យុ​៣​៩​ឆ្នាំ​ ​បានដេកស្លាប់ក្នុងបន្ទប់ជួលខាងលើក្នុងសភាពហើមខ្លាំង និងធុំក្លិនមកខាង​ក្រៅ​ដោយមិនដឹងពីមូលហេតុ។ 

ផ្តើមចេញពីបញ្ហានេះ​និងមានមូល​ដ្ឋានបង្ហាញពីការសង្ស័យខ្លាំងចំពោះការស្លាប់របស់ស្រ្តីរូប នេះ​ ទើបសមត្ថកិច្ចឈានដល់ការនាំខ្លួនបុរសខាងលើ ដែលត្រូវ​ជាប្តីរបស់ជនរងគ្រោះមកធ្វើការសាកសួរ។ 

នៅចំពោះមុខសមត្ថកិច្ច,បុរ​សជាប្តីឈ្មោះ​ ប៉ុល​ ប៊ុនធឿន​ បាន​ឆ្លើយសារភាពថា​ «គាត់ ពិតជាបាន​សម្លាប់ស្រី្តជាប្រពន្ធរបស់គាត់កាលពីថ្ងៃទី​៤ខែ​មេសា​ឆ្នាំ​២០២១​ នាវេលាយប់ រំ​ល​ងអធ្រាត្រ ដោយការវាយដំលើផ្ទៃមុខនិងច្របាច់កហូតដល់ស្លាប់។ ចំពោះមូលហេតុដែលឈានដល់ការ​សម្លាប់ប្រពន្ធបែ​បនេះគឺដោយសារ​ប្រពន្ធគាត់តែងតែជេរប្រមាថគាត់នៅពេលខឹងហើ​យ​តែងតែទូរស័ព្ទ​ទៅរកប្តីមុន​(អតីត)​របស់គាត់និងនិ​យាយសរសើរប្តីមុននៅចំ​ពោះមុខគាត់ជាញឹកញយ»។ 

តាមការរៀបរាប់ជនសង្ស័យរូបនេះបាន​ឱ្យដឹងថា រូបគាត់និងស្រី្តរងគ្រោះទើប​នឹងបានគ្នាជាប្តី ប្រពន្ធក្នុងរយ:ពេលតែជាងមួយឆ្នាំប៉ុណ្ណោះ ហើយស្រ្តីជាប្រពន្ធនេះមានទីលំនៅឯខេត្កកណ្តាល ហើយគាត់បានគ្នាក្នុងពេលធ្វើកម្មកររោងចក្រនៅខេត្តតាកែវជាមួយគ្នា និងទើបមកជួលបន្ទប់ ស្នាក់នៅទីនេះក្នុងអំឡុងខែ មីនា ឆ្នាំ២០២១តែប៉ុណ្ណោះ។ 

បច្ចុប្បន្នសមត្ថកិច្ចបាននិងកំពុងរៀបចំសំណុំរឿងបញ្ជូនមកការិយាល័យជំនាញដើម្បីបញ្ជូនបន្តទៅកាន់តុលារ​ការអនុវត្តតាមផ្លូវច្បាប៕

-->
adverise with khmeread