adverise with khmeread  89236919 89236918

សាធារណរដ្ឋ​ឆែក​ត្រៀមខ្លួន​ប្តូរ​ឈ្មោះ​ទៅជា "Czechia" ដើម្បី​ផ្គាប់ចិត្ត​ក្រុមហ៊ុន​រកស៊ី

​    ​សាធារណរដ្ឋ​ឆែក​កំពុង​ត្រៀមខ្លួន​ប្តូរ​ឈ្មោះ​របស់ខ្លួន​ទៅជា ឆែ​កៀ (Czechia) ដើម្បី​បង្កលក្ខណៈ​ងាយស្រួល​ដល់​បណ្តា​ក្រុមហ៊ុន និង​ក្រុមកីឡា​ប្រើប្រាស់​លើ​ផលិតផល​និង​សម្លៀកបំពាក់​របស់ខ្លួន​។ បេះ​បើ​យោងតាម​វេ​ប​សាយ​ប៊ី​ប៊ី​ស៊ី​ដែល​ចេញផ្សាយ​កាលពី​ថ្ងៃ​ព្រហស្បតិ៍ ទី​១៤ ខែមេសា​។ 

​    ​ប្រទេស​នេះ​នឹង​រក្សា​ឈ្មោះ​ពេញ​របស់ខ្លួន​ដដែល ប៉ុន្តែ​ឈ្មោះ​ឆែ​កៀ​នឹង​ក្លាយជា​ឈ្មោះ​ខ្លី​ផ្លូវការ ដូច​ឈ្មោះ "​បារាំង​" (France) ដែលជា​ឈ្មោះ​ខ្លី​ចេញពី​ឈ្មោះ​ពេញ​ហៅថា "The French Republic" អ៊ីចឹង​ដែរ​។ 

​     ប្រសិនបើ​សភា​អនុម័ត ឈ្មោះ​នេះ​នឹងត្រូវ​ដាក់ជូនទៅ​អង្គការសហប្រជាជាតិ​ភ្លាម​។ 

​    ​សាធារណរដ្ឋ​ឆែក​ត្រូវបាន​បង្កើតឡើង​រួមជាមួយ​នឹង​ប្រទេស​ស្លូ​វ៉ា​គី​នៅពេល​ប្រទេស​ឆែ​កូ​ស្លូ​វ៉ា​គី​បំបែកចេញ​ជា​ពីរ​ក្នុង​ឆ្នាំ ១៩៩៣​។ 

​    ​ឆែក​មាន​ផលិតផល​នាំចេញ​ល្បី​បំផុត​មួយចំនួន​រួមទាំង​ស្រា​បៀរ Pilsner Urquell និង​ក្រុមកីឡា​ហុក​ឃី​លើទឹក​កក ដែល​បច្ចុប្បន្ន​ប្រើ​ឈ្មោះ "Czech"​។ 

​     ប៉ុន្តែ "Czech" គឺជា​ពាក្យ​គុណនាម និង​មិនអាច​ប្រើប្រាស់​ត្រឹមត្រូវ​សម្រាប់​ជា​ឈ្មោះ​ប្រទេស​នោះទេ​។ 

​    ​អ្នកខ្លះ​រិះគន់ថា ឈ្មោះ Czechia អាក្រក់​ស្តាប់ និង​ស្រដៀង​នឹង​តំបន់​ពាក់កណ្តាល​ស្វ័យ​តរបស់​រុស្ស៊ី Chechnya (​ឆេ​ក​ឆែ​នី​)៕  

ប្រភព៖ ប៊ីប៊ីស៊ី

adverise with khmeread

មតិយោបល់