adverise with khmeread 242b78eb 9060 439e 8361 da955766ac57

ទឹកភ្នែក​នា​ងគ ៖ ស្គាល់គ្នា​តាមរយៈ​មិត្ត​ភក្ត្រ​លើ​ដំបូង​ល្បួង​នាង​ប៉ុនប៉ង​រំលោភ​តែ​នាង​មិន​ព្រម​ក៏​វាយ​ធ្វើបាប និង​ដឹក​ទម្លាក់​នាង​ពី​រថយន្ត​ទាំង​រាងកាយ​អាក្រាត​

     ភ្នំពេញ ៖ នារី​គម្នាក់​ត្រូវបាន​ជន​ល្មោភកាម​ដែល​ទើបតែ​ស្គាល់គ្នា​ជា​លើកដំបូង​តាមរយៈ​មិត្ត​ភក្ត្រ​របស់​នាង ហើយ​មានបំណង​ប៉ុនប៉ង​រំលោភ​តែ​នាង​មិន​ព្រម​ក៏បាន​វាយ​ធ្វើបាប និង​សម្រាត​សម្លៀកបំពាក់​ចេញ​អស់ រួច​ដឹក​មក​ទម្លាក់ចោល​ពីលើរ​ថ​យន្ត​ទាំង​អាក្រាតកាយ។​

     ហេតុការណ៍​បង្ក​ការភ្ញាក់ផ្អើល​កាលពី​វេលា​ម៉ោង​១០​និង​៥០​នាទី​យប់​ថ្ងៃទី​២១ ខែមេសា ឆ្នាំ​២០១៦ ខាងក្រោយ​សណ្ឋាគារ​សុខា ស្ថិតក្នុង​សង្កាត់​ជ្រោយចង្វារ ខណ្ឌ​ជ្រោយចង្វារ។​

      សមត្ថកិច្ច​បានឱ្យដឹង​ថា នារី​រងគ្រោះ​ឈ្មោះ ប៊ុន សីហា អាយុ​២៣​ឆ្នាំ ជា​មនុ​ស្សគ បច្ចុប្បន្ន​ស្នាក់នៅ​ផ្ទះជួល​ក្នុង​សង្កាត់​ភ្នំ​ព​ញ​ថ្មី ខណ្ឌ​សែន​សុខ​ជាមួយ​សង្សារ​ជា​អាណិកជន។​

      បើតាម​ប្រភពព័ត៌មាន​ពី​ក្រុមគ្រួសារ​នារី​រងគ្រោះ​ដែល​បាន​សួរនាំ​ដំណើររឿង​ពី​នាង​បាន​ប្រាប់​ឱ្យដឹងថា នៅ​មុនពេល​កើតហេតុ​រូបនាង​បាន​ជិះ​ម៉ូតូ​តែម្នាក់ឯង មកលេង​មិត្ត​ភក្ត្រ​ស្រីៗ​នៅ​ម្តុំ​ផ្សារ​សូរិយា​ម៉​ល ហើយ​ពេលមកដល់​ក៏មាន​មិត្ត​ភក្ត្រ​ប្រុស​ស្រី​ផ្សេងទៀត​ផងដែរ។

      បន្ទាប់ពី​ជួបជុំគ្នា​រួចមក ក៏បាន​ចែកផ្លូវ​គ្នា​ទៅ​រៀងៗ​ខ្លួន ប៉ុន្តែ​ជនសង្ស័យ​ខាងលើ​បាន​បបួល​រូបនាង​ឱ្យ​ជិះ​រថយន្ត​ជាមួយ ដើម្បី​នាំ​នាង​ទៅ​ដើរលេង​នៅ​ម្តុំ​វត្តភ្នំ​បន្តទៀត​តែ​២​នាក់ ហើយ​រូបនាង​ក៏​យល់ព្រម​ដោយ​គិតថា​គេ​មិន​មានបំណង​អាក្រក់​អ្វី​នោះទេ។ គ្រាន់តែ​ចង់​រាប់អា​ជាមួយគ្នា​ធម្មតា​ប៉ុណ្ណោះ ម្យ៉ាងវិញទៀត​គេ​ជា​មិត្ត​ភក្ត្រ​របស់​មិត្ត​ភក្ត្រ​នាង​ថែម​ទៀតផង។​

       ប្រភព​បន្តថា ក្រោយពី​ដើរលេង​នៅ​ម្តុំ​វត្តភ្នំ​រួចហើយ ជនសង្ស័យ​បាន​ហៅ​នាង​ឱ្យ​ឡើង​រថយន្ត​ទៅ​កន្លែង​ផ្សេង​ជា​បន្តទៀត។ ពេលមកដល់​កន្លែង​ស្ងាត់​មួយ​ជនសង្ស័យ​ក៏បាន​ឈប់​រថយន្ត និង​បាន​ចាប់​សម្រាត​សម្លៀក​ក​បំពាក់​បង្ខំ​នាង​បំណង​ប៉ុនប៉ង​រំលោភ តែ​នាង​មិន​ព្រម​គេ​ក៏បាន​ច្របាច់ក​វាយ​ធ្វើបាប និង​បាន​បើករថយន្ត​មកដល់​កន្លែងកើតហេតុ រួច​ទ​ម្លាក់​នាង​ចុះ​ពីលើ​រថយន្ត​ទាំង​អាក្រាតកាយ ហើយ​បើករថយន្ត​គេចខ្លួនបាត់​តែម្តង។

      បន្ទាប់មក​ប្រជាពលរដ្ឋ​ដែល​ឃើញ​គេ​ដឹក​នា​រីគ​ខាងលើ​មក​ទម្លាក់ចោល​ទាំង​សភាព​ដូច្នេះ ក៏បាន​រក​សម្លៀកបំពាក់​ឱ្យ​នាង និង​បាន​ដឹក​នាង​មក​ប៉ុស្តិ៍​រដ្ឋបាល​ជ្រោយចង្វារ ដើម្បី​ដាក់ពាក្យ​បណ្តឹង​ទៅ​សមត្ថកិច្ច។​

       ក្រោយមក​សមត្ថកិច្ច​ប៉ុស្តិ៍​ជ្រោយចង្វារ​បាន​ទំនាក់ទំនង​ទៅ​បងប្អូន​ក្រុមគ្រួសារ​សា​ចិ​ញាត់ និង​សួរនាំ​ជនរងគ្រោះ​ដើម្បី​បានដឹង​ពី​ដំណើររឿង និង​បានដាក់​ពាក្យបណ្តឹង​កំណត់​អត្តសញ្ញាណ​ជនសង្ស័យ​យកមក​ផ្តន្ទាទោស​តាមផ្លូវ​ច្បាប់ រួច​ក៏​ប្រគល់​នារី​រងគ្រោះ​ទៅឱ្យ​ក្រុមគ្រួសារ​វិញ​ផងដែរ៕

adverise with khmeread

អ្នកនឹងចូលចិត្ត

មតិយោបល់