adverise with khmeread Maxresdefault

សញ្ញា​ទាំងនេះ​បង្ហាញថា​ស្មា​ត​ហ្វូ​ន​របស់​អ្នក​កំពុង​ត្រូវគេ​ហ៊ែ​ក​ចូល​ហើយ​

    ​ស្មា​ត​ហ្វូ​ន​ក្នុងពេល​បច្ចុប្បន្ន​អាច​ងាយស្រួល​ក្នុងការ Hack ដោយ​ការប្រើ​ល្បិច​ជាមួយនឹង​ការផ្ដល់​នូវ​សេវា​ឬក៏​កម្មវិធី​ដែលមាន​តម្លៃថោក ឬក៏​ឥតគិតថ្លៃ​នៅលើ​អន​ឡាញ​។​

​    ​ដោយសារ​ស្មា​ត​ហ្វូ​ន​មាន​ប្រព័ន្ធ​ប្រតិបត្តិការ​ស្រដៀង​ទៅនឹង​កុំព្យូទ័រ​ដែរ ភាពជោគជ័យ​នៃ​ការ Hack នឹងធ្វើ​ឱ្យ Hacker អាច​គ្រប់គ្រង​ឧបករណ៍​របស់​អ្នក​ទាំងស្រុង​រាប់​ចាប់ពី​ការ Call ចូល សារ រហូតដល់​កម្មវិធី​ទូរស័ព្ទ​ដូចជា Facebook និង​ធនាគារ​លើ​ទូរស័ព្ទដៃ​ជាដើម​។​

​    ​ខាងក្រោម​នេះ​គឺជា​លក្ខណៈ​មិន​ប្រក្រតី​បង្ហាញថា​ស្មា​ត​ហ្វូ​ន​របស់​អ្នក​កំពុង​ត្រូវគេ​ហ៊ែ​ក​ចូល​៖

​    ​១. សារ​ចម្លែក​៖ ប្រសិនបើ​ទូរស័ព្ទ​អ្នកទទួលបាន​សារ​ចម្លែក អ្នក​មិនគួរ​ធ្វើតាម​អ្វីដែល​មាន​ដូច​ក្នុង​សារ​នោះទេ​។ នេះ​ជា​ល្បិច​របស់ Hacker ដែល​ព្យាយាម​អូសទាញ​អ្នក​ចូលទៅ​វេ​ប​សាយ​របស់​ពួកគេ ដើម្បី​បំពេញបែបបទ​ផ្សេងៗ​ក្នុង​គោលបំណង​យក​គណនី​ធនាគារ​របស់​អ្នក​។​

​    ​២. ការប្រើប្រាស់​ដោយ​គ្មាន​ការអនុញ្ញាត​៖ ប្រសិនបើ​ទូរស័ព្ទ​ត្រូវបាន​ផ្ញើ​សារ ឬ​តេ ដោយ​មិនមែន​ខ្លួនឯង​ជា​អ្នកធ្វើ​នោះ​មានន័យថា​ទូរស័ព្ទ​អ្នក​ត្រូវបាន Hacker គ្រប់គ្រង​ហើយ​។ នេះ​អាចជា​កំហុស​របស់​អ្នក​ដោយសារ លេច​ធ្លាយ​នូវ​ព័ត៌មាន​លម្អិត​របស់​ឧបករណ៍ប្រើប្រាស់​របស់​អ្នក​ដូចជា IP Address, MAC Address ជាដើម​។ ហើយ​ទាំងនេះ​ជា​អ្វីដែល Hacker អាច​គ្រប់គ្រង​ទូរស័ព្ទ​អ្នក​តាម​វិធី​នេះ​។​

​    ​៣. សំឡេង​រំខាន​៖ បើសិនជា​អ្នក​ធ្លាប់មាន​បទពិសោធន៍​នៃ​សំឡេង​ផ្សេងៗ ពេល​អ្នក​កំពុង​តេ​និយាយ​ជាមួយ​អ្នកណាម្នាក់​វា​មិនមែនជា​រឿង​ធម្មតា​នោះទេ​។ វា​គឺជា​សញ្ញា​នៃ​នរណាម្នាក់​កំពុង​ព្យាយាម​កាន់កាប់​ទូរស័ព្ទ​របស់​អ្នក​។ បើ​ឮ​សំឡេង​រំខាន​បែបនេះ អ្នក​គួរតែ​ផ្ដាច់ការ​និយាយ​របស់​អ្នក​ភ្លាមៗ​។​

​    ​៤. តេស្ដ​រក​រោគវិនិច្ឆ័យ​៖ បើសិនជា​អ្នក​សង្ស័យថា​មាន​មេរោគ​នៅលើ​ស្មា​ត​ហ្វូ​ន​របស់​អ្នក គួរតែ​យក​ទូរស័ព្ទ​អ្នក​ទៅ​កន្លែង​ផ្ដល់​សេវាកម្ម​ជួសជុល​ដើម្បី​ធ្វើតេស្ដ​រក​មេរោគ ព្រោះ​ពួកគេ​អាច​រកឃើញ​និង​លុប​កម្មវិធី​ដែល​បាន​ដំឡើង​នៅលើ​ទូរស័ព្ទ​របស់​អ្នក​បាន​។ យក​ល្អ​អ្នក​គួរតែ​ដំឡើង​ប្រព័ន្ធ​ប្រតិបត្តិ​ការណ៍​ថ្មី ហើយ​រឿង​ដំបូង​ដែរ​អ្នក​ត្រូវធ្វើ​បន្ទាប់ពី​ដំឡើង​ប្រព័ន្ធ​ថ្មី​ហើយ​គឺ​ត្រូវ​ដំឡើង​កម្មវិធី​កម្ចាត់​មេរោគ​ដើម្បី​បង្ការ​៕

adverise with khmeread
ប្រភព៖ ស្មល់ប៊ីស៊ីនីស

អ្នកនឹងចូលចិត្ត

មតិយោបល់