adverise with khmeread Cgza7 auyaau7kb

ព្យុះលាយឡំជាមួយដុំទឹកកកប៉ុន "គ្រាប់កូនហ្គោល" សម្លាប់មនុស្ស ៨ នាក់នៅមីយ៉ាន់ម៉ា

​    យោងតាមវេបសាយឆានែលញូវស៍អេស៊ាបានឱ្យដឹងថាព្យុះ​ដ៏​ខ្លាំង ដែល​ឃើញ​មាន​ភ្លៀង​ដុំ​ទឹកកក​ប៉ុន​គ្រាប់​កូន​ហ្គោល​ចាក់​ស្រោច​ទូទាំង​មី​យ៉ាន់​ម៉ា​បានសម្លាប់​មនុស្ស​យ៉ាងតិច​ប្រាំ​បីនាក់​ក្នុង​ប៉ុន្មាន​ថ្ងៃនេះ ដោយបាន​ផ្តួលរំលំ​វត្ត​អារាម និង​បំផ្លាញ​អគារ​ជាច្រើន​ ផ្អែកតាមការលើកឡើងរបស់ក្រុមមន្ត្រីកាលពី​ថ្ងៃអាទិត្យ។

​    ​ព្យុះ​ចម្លែក​នេះ​បាន​វាយប្រហារ​ទូទាំង​រដ្ឋ​ទាំង ៥ កាលពី​ថ្ងៃ​សុក្រ និង​សៅរ៍ បន្ទាប់ពី​រលកអាកាស​ធាតុ​ក្តៅ​ប៉ុន្មាន​សប្តាហ៍​មកនេះ​ឡើងដល់ ៤០ អង្សា​។ 

​    ​លោក ព្យូ ឡី​ឡី ថា​ន់ (Phyu Lei Lei Tun) នាយក​ផ្នែក​ជំនួយ​សង្គ្រោះ និង​ការតាំង​ទីលំនៅ​នៃ​ក្រសួង​សុខុមាលភាព​សង្គម​បាន​ប្រាប់​ទីភ្នាក់ងារសារព័ត៌មាន AFP ថា "​ពីអ្វី​ដែល​យើង​បានដឹង​ឥឡូវនេះ​គឺថា​មាន​មនុស្ស​ប្រាំបី​នាក់​បាន​ស្លាប់ និង ផ្ទះ ៧.៥០០ ខ្នង​ត្រូវបាន​បំផ្លាញ​អំឡុង​ប៉ុន្មាន​ថ្ងៃនេះ​"​។ លោក​បាន​បន្ថែមថា ចំនួន​អ្នកស្លាប់​អាច​នឹង​កើន​ឡើងខណៈ​ពណ៌​មាន​ថ្មីៗ​បន្ថែមទៀត​កំពុង​ចេញមក​បណ្តើរៗ​។ 

​    ​ជនរងគ្រោះ​ប្រាំមួយ​នាក់​ក្នុងចំណោម​នោះបាន​ស្លាប់​នៅ​ភូមិ​យ៉ៃ​ថា​យូ​គ​នៅ​កណ្តាល​រដ្ឋ​ម៉ាន់​ដា​ឡៃ (Mandalay) បន្ទាប់ពី​ជំនន់​ភ្លាមៗ​។ តំបន់​ផ្សេងទៀត​ដែល​រង​ការវាយប្រហារ​ដែរនោះ​រួមមាន​រដ្ឋ​សា​ហ្គែ​ង (Sagaing) និង​រដ្ឋ​ម៉េ​ក​វ៉េ (Magway) ក៏ដូចជា​រដ្ឋ​សាន (Shan) និង​រដ្ឋ​ជីន (Chin)​។​

​    ​រូបភាព និង​ខ្សែអាត់​វីដេអូ​បានបង្ហាញ​ដុំ​ទឹកកក​ដ៏​ធំ​បាន​ធ្លា​ក់ពាយ​ពេញ​ផ្លូវ​ដែល​ជន់​លិច និង បន្លឺសំឡេង​លាន់​យ៉ាងខ្លាំង​លើដំបូល​ស័ង្កសី​ខណៈ​អ្នកស្រុក​នាំគ្នារ​ត់រក​ជម្រក​។​

​    ​កាសែត​រដ្ឋ Global New Light of Myanmar បាន​និយាយថា វត្ត​អារាម​ជាង ១.៧០០ កន្លែង​ត្រូវបាន​បំផ្លាញ​ដោយ​ខ្យល់​កន្ត្រាក់​នៅ​ភាគខាងត្បូង​រដ្ឋ​សាន​កាលពី​យប់​ថ្ងៃ​សុក្រ​។ 

​    ​រូបភាព​លើ​បណ្តាញ​សង្គម​បានបង្ហាញ​វត្ត​អារាម​ចំណាស់​រាប់រយឆ្នាំ​មួយចំនួន​ដួល​លើដី​រប៉ាត់រប៉ាយ​។ 

​    ​ដូច​មហា​តំបន់​ទន្លេមេគង្គ​ភាគច្រើន​ដែរ ប្រទេស​មី​យ៉ាម៉ា​បាន​រង​ការវាយប្រហារ​ដោយ​គ្រោះរាំងស្ងួត​ក្នុង​ប៉ុន្មាន​សប្តាហ៍​មកនេះ​ចំពេល​នៃ​រដូវក្តៅ​ដ៏​អាក្រក់​បំផុត​នេះ​៕ 

ប្រភព៖ ឆានែលញូវស៍អេស៊ា

adverise with khmeread

មតិយោបល់