adverise with khmeread 1

​ក្បួនច្បាប់​ទាំង ៥ របស់លោក Arsene Wenger សម្រាប់​លេង​បាល់ទាត់ Futsal ម្ខាង ៥ នាក់​!!!

​    ​ប្រសិនបើ​អ្នកមាន​ជម្រើស​ក្នុងការ​ជ្រើសរើស​នរណា​ម្នាក់​ក្នុង​ពិភពលោក​នេះ​ដើម្បី​បង្រៀន​អ្នក​ពី​របៀប​លេង​បាល់​ម្ខាង ៥ នាក់ តើ​ម្នាក់​នោះ​គួរតែ​ជា​នរណា​? ចុះបើ​លោក Arsene Wenger តើ​អ្នក​គិត​យ៉ាងណា​?

​    ​គ្រូបង្វឹក​កាំភ្លើង​ធំ Arsenal លោក Arsene Wenger នឹង​ផ្តល់នូវ​ក្បួនច្បាប់​ទាំង ៥ ដែល​នឹង​ជួយ​អ្នក​អភិវឌ្ឍ​ការប្រកួត Futsal របស់​អ្នក​ឱ្យ​កាន់តែ​ប្រសិទ្ធិភាព​។​

​    ​១. លេង​ឱ្យ​ត្រូវ​តួនាទី​
​    ​វា​ពិតជា​សំខាន់​ណាស់​ដែល​អ្នកមាន​កីឡាករ​ដែល​ស្ថិតនៅ​ទីតាំង​ត្រឹមត្រូវ​។ ប្រសិនបើ​អ្នក​មិនដឹងថា​តើ​តួនាទី​ណា​ដែល​ស័ក្តិសម​នឹង​មិត្ត​រួម​ក្រុម​របស់​អ្នក អ្នក​ប្រហែលជា​ត្រូវ​មើលទៅ​លើ​បុគ្គលិកលក្ខណៈ​របស់​ពួកគេ​ហើយ​។ មនុស្ស​ដែល​អត់ធ្មត់​នឹង​ការងារ ជា​ខ្សែប្រយុទ្ធ​ដ៏​ល្អ​បំផុត​។ ប្រសិនបើ​ពួកគេ​មិនសូវ​រួសរាយ​ហើយ​មិនចេះ​មាត់ក​ទៀត​នោះ ពួកគេ​នឹង​ក្លាយជា​ខ្សែប្រយុទ្ធ​ដ៏​មាន​ប្រសិទ្ធិភាព​។ ចំពោះ​អ្នក​ដែល​ចូលចិត្ត​ចែករំលែក ចូលចិត្ត​អ៊ូអរ​និង​ដើរលេង​ច្រើន គួរ​ចាត់​ពួកគេ​ឱ្យធ្វើជា​ខ្សែបម្រើ​។ ហើយ​ចំពោះ​អ្នក​ដែល​លេង​កាច​និង​សម្តី​កាច ហើយ​ចូលចិត្ត​ដណ្តើម​របស់​អ្នកដទៃ និង​ចូលចិត្ត​បញ្ឈប់​ដំណើរការ​របស់​នរណា​ម្នាក់ រៀបចំ​ឱ្យ​ពួកគេ​ធ្វើជា​ខ្សែការពារ​។​

​    ​២. ជ្រើសរើស​ក្បួន ១-២-១
​    ​ដូច​ការប្រកួត​ម្ខាង ១១ នាក់​ដែរ ព្រោះ​អ្នកមាន​ជម្រើស​ក្នុងការ​ជ្រើសរើស​ក្បួន​ដ៏​ត្រឹមត្រូវ​។ អ្នក​អាច​លេង​ខ្សែការពារ ២ នាក់ ខ្សែបម្រើ​ម្នាក់ និង​ម្នាក់​នៅចាំ​ប្រយុទ្ធ ឬក៏​អ្នកមាន​ខ្សែប្រយុទ្ធ​ម្នាក់​និង​ខ្សែការពារ​បីនាក់ ប៉ុន្តែ​លោក Arsene Wenger បាន​ណែនាំ​ឱ្យប្រើ​ក្បួន​ដែល​ខ្សែការពារ​និង​ប្រយុទ្ធ​មាន​ទំនាក់ទំនង​ជាមួយគ្នា​។ ក្បួន ១-២-១ គឺជា​ជម្រើស​ដ៏​ល្អ​! ខ្សែការពារ​ម្នាក់ ខ្សែប្រយុទ្ធ​ម្នាក់ និង​ខ្សែការពារ​សម្រាប់​គាំទ្រ​ការប្រយុទ្ធ ២ នាក់​។ កីឡាករ ២ នាក់​នេះ​គួរតែ​ត្រឡប់​មកក្រោម​វិញ​នៅពេលដែល​គ្មាន​បាល់​ហើយ​ត្រូវតែ​ត្រៀម​ជានិច្ច​ដើម្បី​ប្រយុទ្ធ​នៅពេលដែល​ចាំបាច់​។ ក្បួន​នេះ​នឹង​អនុញ្ញាត​អ្នក​ឱ្យ​លេង​បាល់ Futsal ដែលមាន​ប្រសិទ្ធិភាព​បំផុត​។ អ្នកនឹង​ខ្លាំង​ខាង​ការពារ​ហើយ​គ្រោះថ្នាក់​ផ្នែក​ប្រយុទ្ធ​។​

​    ​៣. ស្វែងរក​អ្នកចាំទី​ដ៏​ត្រឹមត្រូវ​ម្នាក់​
​    ​ដំបូង​បំផុត អ្នក​ត្រូវតែ​ធានា​នូវ​អ្នកចាំទី​ល្អ​ម្នាក់​! មនុស្ស​ម្នាក់​នោះ​មិនមែន​ដាក់ឱ្យ​ឈរ​នៅតែ​មុខ​ទី​ទេ ប៉ុន្តែ​ជាម​នុស្ស​ដែល​ផ្តល់នូវ​ទំនុកចិត្ត​ដល់​កីឡាករ​ដទៃ​នៅពេលដែល​គូប្រកួត​លេង​ផុត​ខ្សែការពារ​របស់​អ្នក​។ អ្នក​ក៏មាន​ជម្រើស​ប្តូរ​គ្នា​ចាំទី​ផងដែរ ប៉ុន្តែ​លោក Wenger ថា ធ្វើបែបនេះ​គឺ​អវិជ្ជមាន ហើយ​វា​នឹងធ្វើ​ឱ្យ​ក្បួន​របស់​អ្នក​បាត់​ជើង​កីឡាករ​ដែល​លេង​នៅ​ទីតាំង​ត្រឹមត្រូវ ដូច្នេះ ស្វែងរក​អ្នកចាំទី​ដែល​អ្នក​គិតថា​អាច​ចាប់​បាល់​បានល្អ​។​

​    ​៤. វាយបក​លឿនៗ​គឺជា​ក្បួន​ល្អ​បំផុត​សម្រាប់​បំបាក់​ក្រុម​ដែល​លេង​គ្រប់គ្រង​ភាគរយ​
​    ​ការលេង​គ្រប់គ្រង​បាល់​ជា​កូនសោ​ឆ្ពោះទៅរក​ភាពជោគជ័យ​មែន​ទេ​? មិន​ប្រាកដ​ទេ​! ប្រសិនបើ​អ្នកមើល​ការប្រកួត​ម្ខាង ៥ នាក់ រាល់​គ្រាប់​បាល់​ភាគច្រើន​គឺ​កើតចេញពី​ការ​វាយបក​លឿនៗ​ពីក្រោម​មក​។ មួយ​ប៉ះ​ឬក៏​ពីរ​ប៉ះ​បន្ទាប់មក​ស៊ុត​តែម្តង​! ក្រុម​ដែល​លេង​គ្រប់គ្រង​បាល់​និង​ប៉ះ​ចុះឡើង​ដ៏​គួរឱ្យ​ធុញទ្រាន់​នេះ ទទួលបាន​ជោគជ័យ​តិចតួច​ណាស់​។ ដូច្នេះ លេង​ឱ្យ​រហ័សរហួន កុំ​ខ្លាច​គេ​ធាក់ អ្នកនឹង​ទទួលបាន​ជោគជ័យ​។ ការលេង​វាយបក​នៅពេល​គូសត្រូវ​បាត់​បាល់​ជាមួយ​ការ​ប៉ះ​រហ័ស​ពី​ខ្សែការពារ​អាចមាន​ប្រសិទ្ធភាព​និង​ជា​ក្បួន​ដ៏​ល្អមើល​នៅក្នុង​បាល់ទាត់​ម្ខាង ១១ នាក់ ហើយ​វា​ក៏​អាច​យកមក​លេង​នៅ​បាល់ទាត់ Futasl ផងដែរ​។ ដោយ​ការ​ឈរ​បិទ​និង​ធ្វើឱ្យ​គូប្រកួត​មិន​សុខ​ស្រួល​នៅពេល​បុក ពួកគេ​នឹង​បាត់បង់​ទម្រង់ ហើយ​យើង​ចាប់ផ្តើម​វាយបក​។ ប៉ុន្តែ​ដើម្បី​លេង​បែបនេះ​ឱ្យបាន​ល្អ ខ្សែការពារ​ចាំ​គាំទ្រ​ការប្រយុទ្ធ​ទាំងពីរ​នាក់​ឬក៏​ខ្សែបម្រើ​ត្រូវតែមាន​ថាមពល​។ ពួកគេ​ត្រូវតែ​គាំទ្រ​ខ្សែការពារ​និង​ឆាឆៅ​គូប្រកួត ប៉ុន្តែ​នៅពេល​វាយបក ចាប់ផ្តើម​ប្រេ​ហើយ​អ្នកនឹង​ទទួលបាន​គ្រាប់​បាល់​។​

​    ​៥. កុំ​ធ្វើជា​តួឯក​លើ​ទីលាន​
​    ​ប្រសិនបើ​អ្នកមាន​កីឡាករ​ចេញ​ច​រិ​ក​តួឯក សូម​ប្រញាប់​ដកចេញ​ជាបន្ទាន់​។ ទីលាន​បាល់ទាត់​គឺ​សម្រាប់​លេង​ទាំងអស់គ្នា មិនមែន​សម្រាប់​លេង​តែ​បុគ្គល​ណា​ម្នាក់​នោះទេ​។ សម្រាប់​បាល់ទាត់​ម្ខាង​ប្រាំ​នាក់ រឿង​សំខាន់បំផុត​គឺ​ការប៉ះបាល់​លឿនៗ​។ បើ​ក្រុម​មាន​តួឯក​ចូលចិត្ត​លេង​តែឯង អាង​ខ្លួនឯង​ល្អ​ដាច់​គេ និង​ចូលចិត្ត​លេង​ញាក់​តែឯង ក្រុម​នោះ​នឹង​មិនដែល​ស្គាល់​ជ័យជម្នះ​នោះឡើយ​។ មួយវិញទៀត ក្នុង​ក្រុម​មិនត្រូវ​ប្រកាន់​ថា​ខ្លួន​ជា​ខ្សែការពារ ប្រយុទ្ធ ឬ​បម្រើ​នោះទេ បើ​មានឱកាស​ត្រូវតែ​ជួយ​គ្នា​ទៅវិញទៅមក គាំទ្រ​គ្នា​ទៅវិញទៅមក ទើប​ការប្រកួត​លេង​បាន​ស៊ីចង្វាក់​គ្នា​ល្អ និង​បង្កើត​ឱកាស​ឈ្នះ​លើ​គូប្រកួត​បាន​រឹតតែ​ខ្ពស់​៕

​វីដេអូ​៖

​    ​១. វិធីសាស្ត្រ​បង្វិលខ្លួន

​    ​២. វិធីសាស្ត្រ​ស៊ុត​

​    ​៣. វិធីសាស្ត្រ​ប្រយុទ្ធ​

​    ​៤. វិធីសាស្ត្រ​ការពារ​

 

adverise with khmeread
ប្រភព៖ ៤៤២

អ្នកនឹងចូលចិត្ត

មតិយោបល់