adverise with khmeread 1

មជ្ឈមណ្ឌល​បង្កើត​ភ្លៀង​របស់​ថៃ​ត្រៀមខ្លួន​បង្កើត​ពពក​ខ្មៅ​ទូទាំងប្រទេស​

    ​នាយករដ្ឋមន្ត្រី​ថៃ លោក ប្រា​យុទ្ធ ចាន់​អូ​ចា បាន​បញ្ជា​ឱ្យ​ក្រុម​អាជ្ញាធរ​ផលិត​ភ្លៀង​សិប្បនិម្មិត​ដើម្បី​ធានាឱ្យមាន​ទឹក​គ្រប់គ្រាន់​នៅ​ទំនប់​វា​រី​អគ្គីសនី​សម្រាប់​ផលិត​ទឹក​។​

​    ​អ្នកនាំពាក្យ​រដ្ឋាភិបាល លោក សាន​សឺ​ន កែវ​កំណើត បាន​និយាយ​កាលពី​ថ្ងៃអាទិត្យ​ថា មជ្ឈមណ្ឌល​ប្រតិបត្តិ​ការផលិត​ទឹកភ្លៀង​ជុំវិញ​ប្រទេស​នឹង​រៀបចំ​ប្រតិបត្តិ​ការផលិត​ទឹកភ្លៀង​ដើម្បី​ឆ្លើយតប​នឹង​សារាចរ​របស់​ឧ​ត្ត​ម​សេនីយ៍​ប្រា​យុទ្ធ​។​

​    ​បើ​យោងតាម​លោក​វរសេនីយ៍ត្រី​សាន​សឺ​ន​បានឱ្យដឹងថា យន្តហោះ​ផលិត​ទឹកភ្លៀង​នឹង​កើតឡើង​នៅ​ជុំវិញ​តំបន់​វា​រី​អគ្គីសនី​ខ្សែទឹក​ខាងលើ​ដែលជា​កន្លែង​នឹងត្រូវ​បន្ថែម​ទឹក​។​

​    ​គាត់​បាន​និយាយទៀតថា ប្រតិបត្តិការ​នេះ​មាន​គោលបំណង​ដើម្បី​បញ្ជៀ​ស​បញ្ហា​រាំងស្ងួត ហើយ​ទឹកនឹង​ត្រូវ​ចែកចាយ​នៅ​តំបន់​រងគ្រោះ​។​

​    ​លោក សាន​សឺ​ន បន្តថា សំណើម​ដ៏​ខ្ពស់​បន្ទាប់ពី​ភ្លៀង​បាន​ធ្លាក់​យ៉ាងខ្លាំង​កាលពី​សប្តាហ៍​មុន ជា​អំណោយផល​សម្រាប់​ប្រតិបត្តិ​ការបង្កើត​ភ្លៀង​សិប្បនិម្មិត​នេះ​។​

​    ​អ្នកនាំពាក្យ​រូបនេះ​បាន​និយាយថា លោក​ឧ​ត្ត​ម​សេនីយ៍ ប្រា​យុទ្ធ ខ្វាយខ្វល់​អំពី​ប្រជាជន​ដែល​បាន​រង​ផលប៉ះពាល់​ដោយ​ទឹកជំនន់​ដែល​បាន​បង្កឡើង​ដោយ​ភ្លៀង​ហែក​មេឃ​កាលពី​ប៉ុន្មាន​ថ្ងៃមុន​។ គាត់​បន្តថា នាយករដ្ឋមន្ត្រី​បាន​បញ្ជា​ឱ្យ​អាជ្ញាធរ​មូលដ្ឋាន​និង​មន្ត្រី​យោធា​ឱ្យ​ពង្រឹង​កិច្ចខិតខំ​ប្រឹងប្រែង​រប​ស់​ខ្លួន​ដើម្បី​ជួយ​ដល់​ជនរងគ្រោះ​ដោយ​ផលប៉ះពាល់​៕

adverise with khmeread
ប្រភព៖ Bangkok Post

មតិយោបល់