adverise with khmeread 9f71555b 111f 4a4d aa71 1b70c22af3cb

វាយ​កូនសិស្ស​ក្នុង​សាលា​យក​ទូរស័ព្ទ​ ប៉ូលិស​ឃាត់ខ្លួន​៥នាក់

    ភ្នំពេញ ៖ មុខសញ្ញា​លួច​មាន​ស្ថាន​ទម្ងន់ទោស​និង​ទទួលផល​ចោរកម្ម​ក្របួច​កអាវ​គំរាម​យក​ទូរស័ព្ទ​ក្នុង​ថ្នាក់រៀន​នៅក្នុង​សាលាបឋមសិក្សា​ឬ​ស្សី​កែវ ត្រូវបាន​ប៉ូលិស​ឃាត់ខ្លួន​បាន​ជា​បន្តបន្ទាប់​កាលពី​វេលា​ម៉ោង​១០​ដល់​ម៉ោង​១​កន្លះ​រសៀល​ថ្ងៃទី​២​ ខែមេសា​ ឆ្នាំ​២០១៦។​

    ប៉ូលិស​និយាយថា ក្រោយពី​ទទួល​ព័ត៌មាន​ពី​ឪពុក​ជនរងគ្រោះ​កម្លាំង​ផ្នែក​ជំនាញ​ខណ្ឌ​ និង​ប៉ុស្តិ៍​ឬ​ស្សី​កែវ​បាន​ចុះ​ទៅដល់​កន្លែងកើតហេតុ​រួច​ធ្វើការ​ស្រាវជ្រាវ​កំណត់​បាន​អត្តសញ្ញាណ​ជនសង្ស័យ​ឈានទៅដល់​ការឃាត់ខ្លួន​បាន​ជនសង្ស័យ​ចំនួន​៤​នាក់​នៅ​ម៉ោង​១១ ​និង​៣០​នាទី​ចំណុច​វិទ្យាល័យ​ឬ​ស្សី​កែវ ក្នុង​ខណ្ឌឫស្សីកែវ។​

    ប៉ូលិស​បន្តថា ជនសង្ស័យ​ទី​១-​ឈ្មោះ​ អៀម ពៅ ភេទ​ប្រុស អាយុ​១៨​ឆ្នាំ ​ទីលំនៅ​មុខរបរ​មិន​ពិតប្រាកដ ទី​២-​ឈ្មោះ​ វ៉ាន់  ជី​វ័​ន្ត ភេទ​ប្រុស អាយុ​១៨​ឆ្នាំ​ មុខរបរ​ទីលំនៅ​មិន​ពិតប្រាកដ ទី​៣-​ឈ្មោះ​ សុខ  ស៊ី​ថា ហៅ​អា​ឆ្អឹង ភេទ​ប្រុស អាយុ​១៨​ឆ្នាំ​ ទីលំនៅ​ភូមិ​ក្រោលគោ សង្កាត់​គីឡូម៉ែត្រ​លេខ​៦  មុខរបរ​មិន​ពិតប្រាកដ​ និងទី​៤-​ឈ្មោះ​ សុក ពី ហៅ​អា​ងោ ភេទ​ប្រុស អាយុ​​១៨​ឆ្នាំ ទីលំនៅ​មុខរបរ​មិន​ពិតប្រាកដ។​

    ក្រោយពេល​ឃាត់​បាន​ជនសង្ស័យ​៤​នាក់​ហើយ​ផ្នែក​ជំនាញ​ខណ្ឌ​ប៉ុស្តិ៍​បាន​បន្ត​យកមុខ​សញ្ញា​ទទួលផល​ចោរកម្ម​នៅ​ម៉ោង​១ ​និង​២០​នាទី​រសៀល​ថ្ងៃ​ដដែល​ឈ្មោះ ​តំ ស៊ី​ខេ ហៅ​ណង់ ភេទ​ប្រុស អាយុ​២៨​ឆ្នាំ ទីលំនៅ​ផ្ទះ​លេខ​៧៣០ ផ្លូវ​បេតុង​ក្រុមទី​១០ ភូមិ​មិត្តភាព សង្កាត់​ឬ​ស្សី​កែវ  មុខរបរ​មិន​ពិតប្រាកដ​។​

    ចំណែក​ជនរងគ្រោះ​ឈ្មោះ ម៉ាច វិសាល ភេទ​ប្រុស អាយុ​១៣​ឆ្នាំ មាន​ទីលំនៅ​ផ្ទះ​១១៣​ក ផ្លូវ​រថភ្លើង ក្រុមទី​៧ ភូមិ​មិត្តភាព​សង្កាត់​ឬ​ស្សី​កែវ ខណ្ឌ​ឬ​ស្សី​កែវ មុខរបរ​សិស្ស​។ ទូរស័ព្ទ​ដែល​​ជនសង្ស័យ​គំរាម​យក​ម៉ាក​ណូគារ​១២.៨០មួយគ្រឿង​។​

    ប​ច្ចុ​ប្បន្ន​ជំនាញ​ខណ្ឌ​ប៉ុស្តិ៍​កំពុង​សាកសួរ​បំពេញ​និតិ​វិធី​បញ្ជូនទៅ​សាលាដំបូង​រាជធានី​ភ្នំពេញ៕

adverise with khmeread

អ្នកនឹងចូលចិត្ត

មតិយោបល់