adverise with khmeread 1

​អតីត​ម្ចាស់​មេដាយមាស​កីឡា​ចម្បាប់​អូឡាំពិក​វាយ​ប្រតាយប្រតប់​ជាមួយនឹង​មន្ត្រីប៉ូលិស ៧​នាក់​យ៉ាង​កម្រោល​ដោយសារ​ជាតិ​ស្រវឹង​

​    ​អតីត​អ្នក​គ្រង​ដំណែង​ជើងឯក​កីឡា​ចម្បាប់​អូឡាំពិក​មួយរូប​ត្រូវបាន​គេ​ប្រទះឃើញ​វាយ​ប្រតាយប្រតប់​គ្នា​ជាមួយ​មន្ត្រីនគរបាល​អ៊ុយ​ក្រែ​ន ដែល​បាន​ព្យាយាម​ចូលទៅ​ជិត​ដើម្បី​ចាប់ខ្លួន​គាត់​ដោយសារ​រូបគាត់​មាន​ផ្ទុក​នៅ​សារធាតុ​ស្រវឹង​ខណៈពេលដែល​កំពុង​បើកបរ​នៅលើ​ផ្លូវ​សាធារណៈ​។​

​    ​Vyacheslav Oliynyk ដែលជា​ម្ចាស់​មេដាយមាស​តំណាងឱ្យ​ប្រទេស​អ៊ុយ​ក្រែ​ន​នៅក្នុង​ព្រឹត្តិការណ៍​កីឡារ​អូឡាំពិក​ទីក្រុង​អា​ត្ល​ង់​តា​ឆ្នាំ ១៩៩៦ រូបនេះ ត្រូវបាន​វាយប្រហារ​ដោយ​ស្ព្រា​យ៍​បង្ហូរទឹកភ្នែក និង​ដំបង​ពី​សំណាក់​មន្ត្រីនគរបាល​ដែល​ព្យាយាម​ចូលចាប់​រូបគាត់​នៅក្នុង​ទីក្រុង​គៀវ​។​

​     Vyacheslav ត្រូវបាន​គេ​បញ្ជាក់ថា​រូបគាត់​ទើបតែ​បាន​ចាក​ចេញពី​កម្មវិធី​ខួបកំណើត​គម្រប់​ខួប ៥០​ឆ្នាំ​របស់ខ្លួន​មុនពេល​ដែល​គាត់​បាន​ធ្លាក់ចូល​ទៅក្នុង​ហេតុការណ៍​ដ៏​អាក្រក់​មួយ​នេះ​។​

​    ​ទោះជា​យ៉ាងណាក្តី អតីត​ម្ចាស់​មេដាយមាស​អូឡាំពិក​រូបនេះ​ក៏បាន​បញ្ជាក់​ផងដែរ​ថា រូបគាត់​មិនបាន​បាត់បង់​នូវ​បច្ចេកទេស​ដ៏​ពិសេស​របស់គាត់​អ្វីមួយ​នោះឡើយ ក្រោយពី​បាន​ខកខាន​ប្រើ​អស់​រយៈពេល​ជាជាង​ពីរ​ទសវត្សរ៍​កន្លងមក​នេះ​៕

adverise with khmeread
ប្រភព៖ lollipop

មតិយោបល់