adverise with khmeread Jose mourinho ready to replace

លោក Jose Mourinho ត្រៀមខ្លួន​រួចរាល់​ដើម្បី​ជំនួស​កន្លែង Louis van Gaal នៅ Manchester United

​លោក Jose Mourinho បាន​ត្រៀមខ្លួន​រួចរាល់​អស់ហើយ​ដើម្បី​ទទួលយក​ការងារ​នៅ​ក្លឹប​បិសាច​ក្រហម Manchester United នេះ​បើ​យោងតាម​របាយការណ៍​លេច​ឭ​ជា​ហូរហែ​ក្នុង​ចក្រភព​អង់គ្លេស​។ គ្រូបង្វឹក​សញ្ជាតិ​ព័រ​ទុយ​ហ្គា​ល់​រូបនេះ​ត្រូវបាន​ក្លឹប​តោ​ខៀវ Chelsea បណ្តេញចេញ​កាលពី​ថ្ងៃ​ព្រហស្បតិ៍ ប៉ុន្តែ​គាត់​បានប្រកាស​ពី​ចេតនា​របស់គាត់​ក្នុងការ​វិលត្រឡប់​ចូល​ពិភព​បាល់ទាត់​វិញ​ឆាប់ៗ​នេះ​។​

​កៅអី​របស់លោក​គ្រូបង្វឹក Louis van Gaal កំពុងតែ​ក្តៅ​កាន់តែខ្លាំង​ឡើង បន្ទាប់ពី​បរាជ័យ​ក្នុងផ្ទះ​ក្រោម​ថ្វី​ជើង​របស់​ក្រុម Norwich ដោយ​លទ្ធផល ២-១ កាលពី​ថ្ងៃ​សៅរ៍​កន្លងទៅ​។​

​បើ​យោងតាម The Sunday Times លោក Jose Mourinho ក៏​ដឹង​ដែរ​ថា​លោក Louis van Gaal គឺ​កំពុង​ត្រៀមខ្លួន​ឲ្យ​គេ​បណ្តេញចេញ ហើយ​រូបគាត់​បាន​ត្រៀមខ្លួន​រួចជាស្រេច​ដើម្បី​ចូលមក​ដឹកនាំ​ក្រុម Manchester United​។​

​អតីត​គ្រូបង្វឹក​ក្រុម Real Madrid និង Inter Milan រូបនេះ​តាម​ដឹង​ត្រូវបាន​គេ​ទាក់ទង​ឲ្យ​មក​ដឹក​នាំនៅ Old Trafford ភ្លាម​បន្ទាប់ពី​ត្រូវ Chelsea បណ្តេញចេញ ហើយ​គាត់​ក៏​ចង់​ស្ថិតនៅ​ក្នុងប្រទេស​អង់គ្លេស​បន្តទៀត​ដែរ​។ គាត់​គ្មាន​អារម្មណ៍​ចង់​សម្រាក​ពី​បាល់ទាត់​ទេ​ហើយ​ប្រសិនបើ​ការងារ​នៅ Manchester United ទំនេរ គាត់​នឹង​រីករាយ​ក្នុងការ​ចូលមក​ដឹកនាំ​ក្រុម​នេះ​ភ្លាម​។​

​ឥឡូវនេះ​ការសម្រេចចិត្ត​គឺ​ស្ថិត​ទាំងស្រុង​ទៅលើ​ម្ចាស់​ក្លឹប​របស់ Manchester United ថា​តើ​ពួកគេ​គួរតែ​ចែកផ្លូវ​ជាមួយ​លោក Louis van Gaal ឬ​យ៉ាងណា​៕

 

adverise with khmeread
ប្រភព៖ ​មេត្រូ​

មតិយោបល់