6fd24a51 8fc6 4e3a 8462 442d73216a2e

អ្នករត់ម៉ូតូឌុប​២​នាក់​ដេញ​វាយ​គ្នា​ម្នាក់​បែកក្បាល​ម្នាក់​សន្លប់​

     ភ្នំពេញ ៖ បុរស​រត់​ម៉ូតូឌុប​២​នាក់ ម្នាក់​ប្រដាប់​ដោយ​កូនសោ ​និង​ច្រ​វ៉ា​កម្នាក់ទៀត​ដៃ ទទេ បាន​ដេញ​វាយ​គ្នា​យ៉ាង​អនាធិបតេយ្យ បណ្ដាល​ឲ្យ​រងរបួស​ទាំង​២​នាក់ ម្នាក់​បែកក្បាល​ឈាម​ហូរ​រហាម​ពេញ​ក្បាល និង​ម្នាក់ទៀត​សន្លប់​ស្ដូកស្ដឹង​នៅនឹងកន្លែង​កើតហេតុ​។​

     អំពើហិង្សា​នេះ​បាន​កើតឡើង​នៅមុខ​ព្រលានយន្ដហោះ​អន្តរជាតិ​ភ្នំពេញ ស្ថិតក្នុង​សង្កាត់​កា​កាប ខណ្ឌ​ពោធិ​ន៍​សែន​ជ័យ រាជធានី​ភ្នំពេញ នា​យប់​ថ្ងៃទី​៦ ខែឧសភា ឆ្នាំ​២០១៦​នេះ។​

     ចំពោះ​មូល​ហេតុដែល​បណ្ដាល​ឲ្យ​បុរស​២​នាក់​ខាងលើ ដេញ​វាយ​គ្នា បណ្ដាល​បុរស​ម្នាក់​បែកក្បាល និង​សន្លប់​នេះ​គេ​មិនទាន់​ដឹង​ច្បាស់​នៅឡើយ​ទេ​។ ភ្លាមៗ​នោះ​សមត្ថកិច្ច​បាន​ចុះមក​ជួយ​ធ្វើ​អន្តរា​គម​ន៍ តែ​នៅ​មិនទាន់​បញ្ជាក់​ពី​អត្តសញ្ញាណ​ពួកគេ​នៅឡើយ។​

     ក្រោយពេល​កើតហេតុ​បុរសរងគ្រោះ​ទាំង​២​នាក់ ត្រូវ​រថយន្ដ​សង្គ្រោះ​ដឹក​យកទៅ​សង្គ្រោះ​នៅ​មន្ទី​ពេទ្យ​៕

អ្នកនឹងចូលចិត្ត

មតិយោបល់