adverise with khmeread 1

ប្រធាន FIFA និង ប្រធាន UEFA ជាប់​បម្រាម​ពី​បាល់ទាត់​រយៈពេល ៨​ឆ្នាំ​ដូចគ្នា​

​ប្រធាន FIFA លោក Sepp Blatter និង​ប្រធាន UEFA លោក Michel Platini ត្រូវបាន​ផ្អាក​ប្រាំបី​ឆ្នាំ​ពី​សកម្មភាព​ទាក់ទង​នឹង​បាល់ទាត់ បន្ទាប់ពី​មានការ​ស៊ើបអង្កេត​ផ្នែក​ក្រម​សីល​ធ​ម៍​។​

​អ្នក​ទាំងពីរ​ត្រូវបាន​រកឃើញថា​មានទោស​ពីបទ​រំលោភបំពាន​ទាក់ទង​នឹង "​ការទូទាត់​មិន​ស្មោះត្រង់​" ក្នុង​ចំនួន​ទឹកប្រាក់ ២ លាន​ដុល្លា ដែល​បាន​ធ្វើឡើង​សម្រាប់​លោក Michel Platini កាលពី​ឆ្នាំ ២០១១​។ លោក​បុរស​ទាំងពីរ​នាក់​នេះ​បាន​បដិសេធថា​មិនបាន​ធ្វើ​ខុស​អ្វី​ទេ ប៉ុន្តែ​បំរាម​នេះ​បាន​ចូល​ជា​ធរមាន​ភ្លាមៗ​ទៅហើយ​។​

​លោក Sepp Blatter វ័យ ៧៩​ឆ្នាំ ជា​ប្រធាន FIFA តាំងពី​ឆ្នាំ ១៩៩៨ បានធ្វើការ​ប្រកាសថា​លោក​នឹង​ចុះ​ចេញពី​តំណែង​មុនពេល​ការបោះឆ្នោត​ជ្រើសរើស​ប្រធាន​ថ្មី​ក្នុង​ខែកុម្ភៈ​ខាងមុខ និង​លោក  Michel Platini វ័យ ៦០ ឆ្នាំ ក៏ត្រូវ​បាន​គេ​រំពឹងថា​ជា​អនាគត​ប្រធាន FIFA និង​សង្ឃឹមថានឹង​ធ្វើបាន​ជោគជ័យ​បន្ទាប់ពី​លោក Sepp Blatter​។ 
​អតីត​កីឡាករ​ឆ្នើម​ប្រចាំឆ្នាំ​ចំនួន​បី​ដង​របស់​បាល់ទាត់​អឺរ៉ុប​និង​ជា​អតីត​ប្រធាន​ក្រុម​ជម្រើសជាតិ​បារាំង​លោក Platini បាន​ក្លាយជា​ប្រធាន UEFA តាំងពី​ឆ្នាំ ២០០៧ មកម្ល៉េះ​៕ 

​អ្នក​ទាំងពីរ​ក៏ត្រូវ​បាន​ផាកពិន័យ​ជា​ប្រាក់​ផងដែរ ដោយ​លោក Sepp Blatter ត្រូវ​បង់ប្រាក់​ចំនួន ៤០.០០០ ដុល្លា និង​លោក Michel Platini ចំនួន ៨០.០០០ ដុល្លា​៕

adverise with khmeread
ប្រភព៖ ប៊ីប៊ីស៊ី

មតិយោបល់