adverise with khmeread 1

នារី​អាយុ​១៦​ឆ្នាំ​ខឹង​គេ​មិន​ទទួល​ចូលធ្វើការ​ក្នុង​រោងចក្រ​ផឹកថ្នាំ​កណ្តុរ​សម្លាប់ខ្លួន​

​    ​កណ្តាល ៖ នារី​ម្នា​ក់មាន​វ័យ​១៦​ឆ្នាំ​បានធ្វើ​អត្តឃាត​ដោយ​ផឹក​ថ្នាំពុល​សម្លាប់ខ្លួន​កាលពី​ថ្ងៃទី​៨​ឧសភា​ឆ្នាំ​២០១៦ វេលា​ម៉ោង​១២​និង​៥២​នាទី​រំលង​អា​ធ្រា​ត្រ​នៅ​ចំណុច​លើផ្ទះ ឈ្មោះ អ៊ុំ ចក់ ភូមិ​បឹង​គ្រំ​លើ ឃុំ បឹង​គ្រំ ស្រុក​ល្វាឯម ខេត្តកណ្តាល ព្រោះ​ខឹង​គេ​មិន​ទទួល​ឱ្យចូល​ធ្វើការ​ក្នុង​រោងចក្រ​។​

​    ​ប៉ូលិស​និ​យា​ថា  ជនរងគ្រោះ ឈ្មោះ មាន សុ​ធាន អាយុ​១៦ ឆ្នាំ ជនជាតិ ខ្មែរ មុខរបរ កម្មករ ទីលំនៅ បច្ចុប្បន្ន ភូមិ​បឹង​គ្រំ​លើ ឃុំ បឹង​គ្រំ ស្រុក​ល្វាឯម ខេត្តកណ្តាល​។​

​    ​ប៉ូលិស​បន្តថា  មុនពេល​កើតហេតុ​ជនរងគ្រោះ​ធ្វើការ​រោងចក្រ​នៅ​ភ្នំរ​ព​ញ ប៉ុន្តែ​ក្រោយមក​អាយុ​មិន​គ្រប់​ធ្វើការ​ក្នុង​រោងចក្រ​គេ​មិន​ទទួល​ឲ្យ​ធ្វើ​បន្តទៀត ។ លុះ​នៅ​ថ្ងៃទី ០៧​ឧសភា​ឆ្នាំ​២០១៦ វេលា​ម៉ោង​៥​ល្ងាច​ជន​រង គ្រោះ បាន​ត្រឡប់មក​ដល់ផ្ទះ​វិញ បាន​ដើររក​ខ្ចី​អត្តសញ្ញាណប័ណ្ណ និង​សៀវភៅ​របស់គេ ដែល​គ្រប់​អាយុ ដើម្បី​កែច្នៃ​បំណង​ឲ្យ​បាន​ចូលធ្វើការ​រោងចក្រ​វិញ ។​

​    ​តែ​បំណង​នេះ​ត្រូវ​ឪពុកម្តាយ​ស្តីបន្ទោស​មិន​ឲ្យ​ខ្ចី​របស់គេ ហើយ​ជនរងគ្រោះ​ក៏បាន​ទៅ​ទិញ​ថ្នាំ​បំពុល​សត្វ​កណ្តុរ មក​ផឹក​និង​ទូរស័ព្ទ​ប្រាប់​ម្តាយមីង​ថា​«​ខ្លួន​លា​សិន​ហើយ »​។ ម្តាយមីង​ក៏​ប្រាប់​ឪពុក​ម្តាយបង្កើត​ហើយ​បាននាំគ្នា​ឡើងទៅ​មើល​ជនរងគ្រោះ​លើផ្ទះ ទើប​ដឹងថា​ជនរងគ្រោះ​ផឹកថ្នាំ​ពុល ក៏​យកទៅ​សង្គ្រោះ នៅ​ពេទ្យ​គរ​គី ស្រុក​កៀនស្វាយ តែ​គ្រូពេទ្យ មិន​អាចជួយ​សង្គ្រោះបាន ជនរងគ្រោះ​បាន​ស្លាប់ ។​

​    ​ជុំវិញ​រឿងនេះ​ប៉ូលិស​សន្និដ្ឋានថា គឺ​នាង​ខឹង​និង​ឪពុកម្តាយ រឿង មិន​ឲ្យ​ខ្ចី​អត្តសញ្ញាណប័ណ្ណ សៀវភៅ​គ្រួសារ​គេ កែ​អាយុ​ទៅ​ធ្វើការ​រោងចក្រ​។​

​    ​ក្នុងករណីនេះ សមត្ថកិច្ច អាជ្ញាធរ គ្រូពេទ្យ និង ក្រុមគ្រួសារ​សព បាន​ពិនិត្យឃើញថា ជនរងគ្រោះ​ពិត ជា​បាន​ស្លាប់​ដោយសារ ផឹក​ថ្នាំពុល​ស្លាប់​ពិត ប្រាកដ​មែន ។ ក្រោយ​ពិនិត្យ​រួច​បានប្រគល់​សាក សព​ជូន ឪពុក​បង្កើត​ឈ្មោះ អ៊ុំ ចក់ យកទៅ​ធ្វើ បុណ្យ​តាម​ប្រពៃណី​៕​

adverise with khmeread

មតិយោបល់