adverise with khmeread 8fee8246 2a2c 4972 a48e e4fc5cc5b849

ចោរ​ប្រដាប់អាវុធ​៥​នាក់ ប្លន់​យក​ទ្រព្យសម្បត្តិ​នៅ​មោងឫស្សី​

    បាត់ដំបង ៖ មាន​ករណី​ពួកចោរ​ប្រដាប់អាវុធ​មួយក្រុម​បានធ្វើ​សកម្មភាព​ប្លន់​យក​ទ្រព្យសម្បត្តិ​អស់​២​ម្ចាស់​នា​វេលា​មៅ​ង​៧​ និង​២០​នាទី​យប់​ថ្ងៃទី​៧​ ឧសភា ​ឆ្នាំ​២០១៦​នៅត្រង់ចំណុច​ក្រុមទី​១៣​ភូមិ​កា​ឡោម​ភ្លុក ឃុំ​ព្រៃ​ស្វាយ ស្រុក​មោង​ឬ​ស្សី​ ខេត្តបាត់ដំបង ​ដោយ​ពួកចោរ​យក​អស់​លុយ​និង​មាសប្រាក់​មួយចំនួន តែ​ពុំមាន​មនុស្ស​រងគ្រោះថ្នាក់​ឡើយ។​

    ប៉ូលិស​មូលដ្ឋាន​បានឱ្យដឹងថា អំពើ​ប្លន់​ប្រដាប់អាវុធ​បង្កដោយ​ជ​នស​ង្ស័យ​មាន​គ្នា​ចំនួន​៥​នាក់​មិន​ស្គាល់​អត្តសញ្ញាណ​ប្រដាប់​ដោយ​អាវុធ​២​ដើម​(​អាវុធខ្លី​១​ដើម​អាវុធ​វែង​១​ដើម​)​ ​និង​ដែក​ត្បែង​១​បាន​ចូលធ្វើ​សកម្មភាព​ប្លន់​ផ្ទះ​លក់​គ្រឿងសំណង់​ និង​សាំង​ដែលមាន​ម្ចាស់ផ្ទះ​ឈ្មោះ​ រ៉ើ​ន រុន ភេទ​ប្រុស អាយុ​៤១​ឆ្នាំ​យក​ទ្រព្យសម្បត្តិ​និង​សម្ភារៈ​មួយចំនួន​។​

    អំពើ​ប្លន់​នេះ​ពួកចោរ​យកបាន ៖ ខ្សែក​ផ្លាក​ទី​១​ខ្សែ ​ទម្ងន់​១​ដំឡឹង​៥​ជី ​,​ខ្សែ​កមាស​១​ខ្សែ ​ទម្ងន់​៤​ជី ​,​កងដៃ​ផ្លាក​ទីន​១​ខ្សែត​ម្លៃ​២០០$ ,​លុយ​ខ្មែរ​៨០​ម៉ឺន​រៀល​,​ទូរ​សព្ទ័​៣​គ្រឿង​(​សាំ​សុង​១ ហួ​វៃ​១​ចុច​ពិល​១)​។​

    បន្ទាប់មក​ពួកចោរ​ប្លន់​យក​ពី​ឈ្មោះ ​សូត្រ សុខ​ ភេទ​ស្រី ​អាយុ​៣២​ឆ្នាំ​ជា​អ្នកភូមិ​ជាមួយគ្នា​ដែល​មកលេង​ផ្ទះ​ជនរងគ្រោះ​យក​អស់ ៖ ខ្សែក​ផ្លាក​ទី​១​ខ្សែ ​ទម្ងន់​៥​ជី ​,​កងដៃ​ផ្លាក​ទីន​ទម្ងន់​៥​ជី​,​លុយ​ខ្មែរ​៣០​ម៉ឺន​រៀល​។​

    ប៉ូលិស​បន្តថា ខណៈពេល​ពួកចោរ​កំពុង​ធ្វើ​សកម្មភាព​កម្លាំង​អធិការដ្ឋាន​ប៉ូលិស​ស្រុក​មោងឫស្សី​បាន​ចុះ​ធ្វើ​អន្តរាគមន៍​បាញ់​ចំនួន​២​គ្រាប់ ហើយ​ជនសង្ស័យ​ទាំងនោះ​ក៏​រត់គេចខ្លួន​តាម​រប​ង​ទ្វារ​ខាងក្រោយ​ឆ្ពោះទៅ​ទិស​ខាងជើង​កាត់​វាលស្រែ​បាត់​។​

    ក្នុងករណីនេះ​សមត្ថកិច្ច​កំពុងធ្វើការ​ស្រាវជ្រាវ​ក​ន្លែ​ង​កើតហេតុ​រក​វត្ថុតាង​និង​មុខសញ្ញា​ជនសង្ស័យ​៕​

adverise with khmeread

អ្នកនឹងចូលចិត្ត

មតិយោបល់