adverise with khmeread 46bbe20f 0d65 4475 9a85 6c0eb9243958

សាហាវកាប់​ដាច់​ប្រអប់ដៃ​ និង​រយះ​ក្បាល ត្រូវប៉ូលិស​វ៉ៃខ្នោះ​ភ្លាមៗ​

       កណ្តាល ៖ មាន​ករណី​អំពើហិង្សា​ដោយ​ចេតនា​មាន​ស្ថាន​ទម្ងន់ទោស​​មួយ​បាន​កើតឡើង​ថ្ងៃទី​០៩​ ខែឧសភា ​ឆ្នាំ​២០១៦ ​ម៉ោង០៧ ​និង​៥​នាទី នៅ​ចំណុច មុខ​សាលាបឋមសិក្សា​ក្រពើ​ហា សង្កាត់​ព្រែក​ឬ​ស្សី ក្រុង​តាខ្មៅ ខេត្តកណ្តាល​។​

       ប៉ូលិស​និយាយថា ជនរងគ្រោះ​ឈ្មោះ ឡៅ ចាន់​ក្តឹប ភេទ​ប្រុស អាយុ​៣៩​ឆ្នាំ ទីលំនៅ​ភូមិ​តាខ្មៅ​២ សង្កាត់​តាខ្មៅ ក្រុង​តាខ្មៅ ខេត្តកណ្តាល មុខរបរ លក់​តែ​គុជ​។​

       ចំណែក​ជនល្មើស​ឈ្មោះ​ដួង ចាន់​រស្មី ភេទ​ប្រុស អាយុ​២៤​ឆ្នាំ​​ទីលំនៅ ភូមិ​ព្រែ​កតា​ពៅ​១ សង្កាត់​ដើម​មៀន ក្រុង​តាខ្មៅ ខេត្តកណ្តាល មុខរបរ​មិន​ពិតប្រាកដ(​ឃាត់ខ្លួន​)​។ ​វត្ថុតាង​ចាប់យក​៖​កាំបិត​បុ័ងតោ ដង​ឈើ ចំនួន​០១​និង​ប្រអប់​ក្រដាស​សំរាប់​ដាក់ កាំបិត​០១។​

       ប៉ូលិស​បន្តថា នៅវេលា​កើតហេតុ​ខាងលើ ពេលដែល​ជន រងគ្រោះ​កំពុងតែ​អង្គុយ​លក់​តែ​គុជនៅ​កន្លែងកើតហេតុខាងលើពេលនោះ​ស្រាប់តែ ​ជនល្មើស ​បាន​ដើរម្នាក់ឯង​កាន់​កាំបិត​បុ័ងតោ​កាប់​ទៅលើ​ជនរងគ្រោះចំនួន​០២កាំបិត​បណ្តាល​ឲ្យ​ត្រូវ​ក្បាល​ផ្នែក​ចំហៀង​ខាងឆ្វេង​ និង​ដាច់​ប្រអប់ដៃ​ខាងឆ្វេង ហើយ​បាន​រត់​គេចខ្លួនបាត់​តែម្តង។​

       ក្រោយពី​ទទួលបាន​ព័ត៌មាន​សមត្ថកិច្ច បាន​ជួយសង្គ្រោះ ជនរងគ្រោះ និង​ដោយបាន​ចម្លើយ ច្បាស់លាស់​ពី​ជនរងគ្រោះ​កម្លាំង​ជំនាញ​ក្រុង សហការ​ជាមួយ​កម្លាំង​ប៉ូលិស​ប៉ុស្តិ៍​រដ្ឋបាល សង្កាត់​ព្រែក​ឬ​ស្សី និង​ប៉ុស្តិ៍​រដ្ឋបាល​សង្កាត់​ដើម​មៀន បានធ្វើការ​ស្រាវជ្រាវ​ឃាត់ខ្លួន​ជនល្មើស​បាន​នៅវេលា​ម៉ោង​០៩ ​និង​៤០នាទី បាន​នាំទៅ​ចាប់យក​វត្ថុតាង កាំបិត​ដែល​លាក់ទុក​ក្នុង​គុម្ព​ចេក នៅ​បរិវេណ​មន្ទីរពេទ្យ​ជ័យជំនះ រួចបញ្ជូន​មកកាន់​អធិការដ្ឋាន​នគរបាល​ក្រុង​តាខ្មៅ ដើម្បី​ធ្វើការ​សាកសួរ។​

       នៅ​ចំពោះមុខ​សមត្ថកិច្ច​ជនល្មើស​បាន​សារភាពថា ខ្លួន​ពិតជា​បានធ្វើ​សកម្មភាព​កាប់​ទៅលើ​ជនរងគ្រោះ​ពិត ប្រាកដ​មែន ព្រោះ​ខឹង​នឹង​ជនរងគ្រោះ​បាន​វាយ​ម្តាយ​របស់ខ្លួន កាលពី​ប៉ុន្មាន​ថ្ងៃមុន​។​

       សូមបញ្ជាក់ថា​កាំបិត​ដែល​ជនល្មើស​យកទៅ​កាប់​ជនរងគ្រោះ គឺ​ជនល្មើស​បាន​ទិញ​ពី​ផ្សារ​តាខ្មៅ​ចាស់ ក្នុងតម្លៃ​១៨.០០០​រៀល មុនពេល​កើតហេតុ​៣០​នាទី​។ កន្លងមក​ជនល្មើស​ធ្លាប់ប្រើ​ប្រាស់​ថ្នាំញៀន តែ​ឈប់​ប្រើ​រយៈ​ពេល​០៣ ឆ្នាំ​មកហើយ៕

adverise with khmeread

មតិយោបល់