adverise with khmeread 6d1223bf d14e 4ea9 9b59 052dfb72a73c

មុខ​ស​ញ្ញ លួច ឆក់ ប្លន់ និង​ប្រើប្រាស់​គ្រឿងញៀន​២​នាក់​ត្រូវបាន​បង្ហាញមុខ​

    ភ្នំពេញ ៖ ជនសង្ស័យ​ជា​មុខសញ្ញា លួច ឆក់ ប្លន់ និង​ប្រើប្រាស់​គ្រឿងញៀន​២​នាក់​ត្រូវបាន​ប៉ូលិស​ខណ្ឌ​សែន​សុខ​បង្ហាញមុខ​កាលពី​ថ្ងៃទី៩ ​ខែឧសភា ឆ្នាំ​២០១៦​ មុន​ពេប​ញ្ជូ​ន​ទៅ​តុលាការ។​

    លោក​អធិការ ម៉ក់ ហុង អធិការ​ប៉ូលិស​ខណ្ឌ​សែន បានឱ្យដឹងថា មុខសញ្ញា​ឆក់​ប្លន់ ​និង​ប្រើប្រាស់​គ្រឿងញៀន​ទាំងពីរ​នាក់ ដែល​ត្រូវបាន​បង្ហាញមុខ នេះ​គឺ​ត្រូវបាន​កម្លាំង​ល្បាត​អន្តរាគមន៍​ខណ្ឌ​សែន​សុខ បង្ក្រាបបាន​កាលពី​វេលា​ម៉ោង​៥​ និង​៤0​នាទី​រំលងអធ្រាត្រ​ឈានចូល​ថ្ងៃទី​៦ ខែឧសភា ឆ្នាំ​២០១៦ នៅ​ចំណុច​ផ្លូវ​ណត​ប្រ៊ី​ត សង្កាត់​ទឹកថ្លា ខណ្ឌ​សែន​សុខ។​

    លោក​បន្តថា ជនសង្ស័យ​ទី​១-​ឈ្មោះ ស៊ុំ ហឹ​ត ភេទ​ប្រុស អាយុ​២០​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​លេខ​៣០ ភូមិ​សែន​សុខ​ទី​០៦ សង្កាត់​ឃ្មួញ​ ខណ្ឌ​សែន​សុខ និង​ទី​២-​ឈ្មោះ សាន វិសាល ភេទ​ប្រុស អាយុ​២៣​ឆ្នាំ មុខរបរ​មិន​ពិតប្រាកដ​ស្នាក់​នៅផ្ទះ​លេខ​3E1 ផ្លូវ​១៣ សង្កាត់​ស្រះចក ខណ្ឌដូនពេញ​។​

    គួររំលឹកថា មាន​ករណី​ប្លន់​ប្រដាប់អាវុធ​បានសម្រេច​ម៉ូតូ​មួយគ្រឿង​ម៉ាក ZoomerX ពណ៌​ស ពាក់​ស្លាក​លេខ ភ្នំពេញ 1FU-7863 (​ស្លាក​លេខ​បាត់​ហើយ​) កាលពី​វេលា​ម៉ោង​១២​ និង​៣០​នាទី​រំលងអធ្រាត្រ​ឈានចូល​ថ្ងៃទី​១៨ ខែមេសា ឆ្នាំ​២០១៦ តាមផ្លូវ​សហព័ន្ធ​រុស្សី ភូមិ​សេ​ប៉េសេ សង្កាត់​ទឹកថ្លា ខណ្ឌ​សែន​សុខ ពី​នារី​រងគ្រោះ​ឈ្មោះ ឡេង ស្រី​លីន អាយុ​២០​ឆ្នាំ មុខរបរ​បកប្រែរ​ភាសា​ចិន ស្នាក់នៅ​ផ្ទះជួល​ភូមិ​៨ សង្កាត់​ទន្លេបាសាក់ ខណ្ឌចំការមន​។​

    ក្រោយពី​បង្ហាញ​មុខសញ្ញា លួច ឆក់ ប្លន់ ទាំងពីរ​នាក់​រួចមក លោក ម៉ក់​ហុង អធិការ​ខណ្ឌ​សែន​សុខ​បានប្រគល់​ម៉ូតូ​១​គ្រឿង ​ដែល​ត្រូវ​ក្រុម​ជនសង្ស័យ​ប្លន់​ជូន​ម្ចាស់​វិញ ហើយ​លោក​ក៏បាន​ឧបត្ថម្ភ​ថវិការ​លើកទឹកចិត្ត​ជូន​ដល់​កងកម្លាំង​របស់លោក​ដែល​បាន​ខិតខំ​បំពេញភារៈកិច្ច​ចំនួន​៥០​ម៉ឺន​រៀល​ផងដែរ​៕

adverise with khmeread

អ្នកនឹងចូលចិត្ត

មតិយោបល់