adverise with khmeread 13179441 607504622737667 9090719811468544240 n

ព័ត៌​មាន​បន្ថែម​ស្តីពី​បុគ្គលិក​ឥណទាន​មីក្រូហិរញ្ញវត្ថុ​អម្រឹត​ត្រូវបាន​ម្ចាស់ផ្ទះ​អារ​.​ក​សម្លាប់​ត្រូវ​ប៉ូលិស​វ៉េះ​ខ្នោះ​

      កំពត ៖ បុរស​ជា​បុគ្គលិក​ឥណទាន​មីក្រូហិរញ្ញវត្ថុ​«​អម្រឹត​» ម្នាក់​ត្រូវបាន​ជនសង្ស័យ​ជា​ម្ចាស់ផ្ទះ​អារ​.​ក​សម្លាប់​ដ៏​សាហាវឃោរឃៅ ខណៈ​បុគ្គលិក​រូបនេះ​ចុះមក​កាន់​លំនៅដ្ឋាន​ជនសង្ស័យ​ដើម្បី​ពិភាក្សាគ្នា​រឿង​ដាក់​ប្រាក់​សន្សំ ក្រោយពី​ធ្វើ​សកម្មភាព​ជនសង្ស័យ​បាន​រត់​ឡើងលើ​ដំបូលផ្ទះ​ចុងក្រោយ​ប៉ូលិស​វ៉ៃខ្នោះ។​

      អំពើ​ឃោរឃៅ​ខាងលើ​បានកើត​ឡើង​កាលពី​វេលា​ម៉ោង​១២ និង​៥០​នាទី​ថ្ងៃត្រង់​ទី​១០ ខែឧសភា ឆ្នាំ​២០១៦ ស្ថិតនៅ​ចំណុច​ភូមិ​ប្រមូល ឃុំ​ត្រមែង ស្រុក​ឈូក ខេត្តកំពត​។​

      បន្ទាប់ពី​សមត្ថកិច្ច​កំពុងតែធ្វើការ​ឡោមព័ទ្ធ​ជុំវិញ​បរិវេណ​ផ្ទះ​ជនសង្ស័យ អស់​ជាច្រើន​ម៉ោង ឃាតករ​បាន​បង្ខំចិត្ត​ចុះ​ពីលើ​ដំបូលផ្ទះ​ដើម្បី​ប្រគល់​ខ្លួន​ឲ្យ​សមត្ថ​កិច្ចចាត់ការ​តាម​នីតិវិធី​។​

      ប៉ូលិស​បាន​ឲ្យ​ដឹងថា ជនរងគ្រោះ​ជា​បុគ្គលិក​ឥណទាន​មីក្រូហិរញ្ញវត្ថុ​អម្រឹត​ឈ្មោះ​ជីន បុ​រិ​ន ភេទ​ប្រុស ​អាយុ​២៦​ឆ្នាំ មាន​ទីលំនៅ​ក្នុងភូមិ​ត្នោត​រលើង ឃុំ​វត្ត​អង្គរ​ខាងជើង ស្រុក​បន្ទាយមាស ខេត្តកំពត​។​

      ចំណែក​ជនសង្ស័យ​ឈ្មោះ ប្រុក វិត អាយុ​៤៧​ឆ្នាំ រស់នៅ​កន្លែងកើតហេតុ​ខាងលើ​។​ ​សមត្ថកិច្ច​បាន​បន្តថា បន្ទាប់ពី​ធ្វើ​សកម្មភាព ជនសង្ស័យ​បាន​រត់​ចូលទៅក្នុង​ផ្ទះ​ជាមួយ​នឹង​ដៃ​កាន់​កាំបិត​។ ពេ​លនោះ​អ្នកជិតខាង​រួមទាំង​សមត្ថកិច្ច​ក៏ បាន​ទៅកាន់​ទីនោះ​ដើម្បី​ជួយ​អន្តរាគមន៍​សង្គ្រោះ​ជនរងគ្រោះ​។​

      ប៉ុន្តែ​ដោយ​ស្ថានភាព​ចំពោះ​មុខរបួស​ធ្ងន់ធ្ងរ​ជនរងគ្រោះ​បាន​ស្លាប់ ក្រោយមក​ជនសង្ស័យ​នៅវេលា​ម៉ោង​២ និង​១៥​នាទី​រត់គេច​ពីក្នុងផ្ទះ​ឡើងទៅ​លើដំបូល​ដែល​ពេលនោះ​សមត្ថកិច្ច​កំពុង​ឡោមព័ទ្ធ​។​

      បន្ទាប់មក​ជនបង្ក​ គឺជា​មនុស្ស​សតិ​មិន​គ្រប់ អាច​ខាង​បុគ្គលិក​ឥណទាន​មីក្រូហិរញ្ញវត្ថុ​អម្រឹត ដែល​ចុះមក​បំពេញ​ការ​របស់​ខ្លួន ពុំបាន​សិក្សា​លម្អិត​អំពី​ស្ថានភាព បុគ្គលិកលក្ខណៈ​របស់​ម្ចាស់ផ្ទះ​ក៏​អាច​ថា​បាន​៕​

adverise with khmeread

អ្នកនឹងចូលចិត្ត

មតិយោបល់