adverise with khmeread 5ab20c12 6863 430b 9d1c 7bd4a1e2f05a

ចត​ម៉ូតូ​តម្រៀបជួរ​គ្នា​មុខផ្ទះ​ស្មានថា​ជប់លៀង ជួបគ្នា​លេង​អាប៉ោង​សោះ​!

      កណ្តាល ៖ មាន​ករណី​បង្ក្រាប​ល្បែង​ស៊ីសង បៀរ និងអាប៉ោង​កាលពី​ថ្ងៃទី​១០ ខែ​ឧសភា​ ឆ្នាំ​២០១៦ វេលា​ម៉ោង៣ ​និង​៣០​នាទី​នៅ​ចំណុច​រោង​បាយ​ក្រោយ​ផ្ទះ​របស់​ឈ្មោះ​ ​ឡេង អាត ភេទ​ប្រុស អាយុ៤៥​ឆ្នាំ ជនជាតិខ្មែរ មាន​ទីលំនៅ​ភូមិ​ព្រែក​ជ្រូក ឃុំ​បាក់​ដាវ​​ស្រុក​ខ្សាច់កណ្តាល ខេត្តកណ្តាល ត្រូវ​ប៉ូលិស​ឃាត់ខ្លួន​៧​នាក់​។​

      ប៉ូលិស​និយាយថា នៅវេលា​ថ្ងៃខែ​ខាងលើ​កម្លាំង​សមត្ថកិច្ច​ស្រុក​ខ្សាច់កណ្តាល បាន​ចុះទៅ​បង្ក្រាប​ល្បែង​ស៊ី​សង បៀរ និង​អ​ប៉ោង នៅផ្ទះ​ឈ្មោះ ឡេង អាត​។ ក្នុងនោះ​ដកហូត​វត្ថុតាង​បាន​ទី១.​មេអាប៉ោង​ចំនួន០៤គ្រាប់ ,ទី២.​ចាន​បាញ់អាប៉ោង​ចំនួន០១ ,ទី៣.​ផ្តិល​គម្រប​ចំនួន០១ ,ទី៤.​កំរាល​ហាន់​តោ​ចំនួន០១ ,ទី៥.​កាបូបស្ពាយ​ចំនួន០១ ,ទី៦.​បៀរ​នីឡុង ចំនួន០៩​ហ៊ូ ​,ទី៧.​កំរាល​ហាន់​តោ​ចំនួន០២ ,ទី៨.​ប្រាក់រៀល​ចំនួន ៩៥០០០៛ ,ទី៩.​កន្សែង​ជូត​ចាន​អាប៉ោង​ចំនួន០២ ,ទី១០.​ម៉ូតូ​ចំនួន០៩គ្រឿង ​និងទី​១១.​ស្បែកជើង​ចំនួន១០គូ។​

      ចំណែក​មនុស្ស ៧ នាក់​ដែល​ឃាត់ខ្លួន ៖ ទី​១.​ឈ្មោះ​ ឡេង អាត ភេទ​ប្រុស អាយុ៤៥​ឆ្នាំ​ ជនជាតិខ្មែរ មុខរបរ​កសិករ រស់នៅ​ភូមិ​ឃុំ​កើតហេតុ​,ទី២.​ឈ្មោះ​ ញឹម លី ភេទ​ប្រុស អាយុ​៦១​ឆ្នាំ ជនជាតិខ្មែរ មុខរបរកសិករ នៅ​ភូមិ​បាក់​ដាវ​ក្រោម ឃុំ​បាក់​ដាវ ស្រុក​ខ្សាចកណ្តាល ខេត្តកណ្តាល ,ទី៣.​ឈ្មោះ ​សំ ផន​ ភេទ​ប្រុស អាយុ៥៧​ឆ្នាំ ជនជាតិខ្មែរ មុខរបរកសិករ នៅ​ភូមិ​ឃុំ​កើតហេតុ​ ទី,៤.​ឈ្មោះ​ ហៀ​ង ផល ភេទ​ប្រុស អាយុ៣៥ ឆ្នាំ ជនជាតិខ្មែរ មុខរបរកសិករ នៅ​ភូមិ​ឃុំ​កើតហេតុ ​,ទី៥.​ឈ្មោះ​ ម៉ូ​វ សឿន ភេទ​ប្រុស អាយុ៦០ឆ្នាំ​ ជនជាតិខ្មែរ មុខ​របរកសិករ មាន​ទីលំនៅ​ភូមិ​បាក់​ដាវ​ក្រោម ឃុំបាក់​ដាវ ស្រុក​ខ្សាច់កណ្តាល ​,ទី៦.​ឈ្មោះ​ សាំង សឿន ភេទ​ប្រុស អាយុ៦០​ឆ្នាំ ជនជាតិខ្មែរ មុខរបរកសិករ នៅ​ភូមិ​ព្រែ​ករៃ ឃុំ ព្រែ​ករៃ ស្រុក​ល្វាឯម ខេត្តកណ្តាល ​,ទី៧.​ឈ្មោះ ម៉ក់ តូ​ម៉ា ភេទ​ប្រុស អាយុ៦៥ ឆ្នាំ ជនជាតិខ្មែរ មុខ​របរកសិករ នៅ​ភូមិ​ឃុំ​កើតហេតុ ហើយ​បាន​បញ្ជូន​មកកាន់​អធិការ​​ដ្ឋា​ន​ប៉ូលិស​ស្រុក​ខ្សាច់កណ្តាល ដើម្បី​អនុវត្តតាម​នីតិវិធី៕

adverise with khmeread

អ្នកនឹងចូលចិត្ត

មតិយោបល់