adverise with khmeread 090515 wpcf 728x409

និស្សិតពេទ្យថៃ ៣ នាក់ជាប់បញ្ជីខ្មៅព្រោះប្រើសុទ្ធតែបច្ចេកវិជ្ជាទំនើបលួចបើកមើលឯកសារពេលប្រឡង

​    ​យោងតាមវេបសាយបាងកកប៉ុស្តិ៍ មន្ត្រី​គ្រប់គ្រង​ការប្រឡង​ពេទ្យ​ថៃ​បាន​ចាប់​និស្សិត​សកលវិទ្យា​ល័យ​ពេទ្យ​៣​នាក់ ដែល​បាន​លួច​មើល​ឯកសារ​ក្នុងពេល​ប្រឡង ដោយ​ប្រើ​វ៉ែនតា​ភ្ជាប់​កាមេរ៉ា​និង​នាឡិកា​ឆ្លាត​ដ៏​ទំនើប​។​

​    ​លោក អាទិត្យ អ៊ូ​រ៉ៃ​រ៉ាត់ (Arthit Ourairat) នាយក​គ្រប់គ្រង​សកលវិទ្យា​ល័យ Rangsit បានបង្ហាញ​ឧបករណ៍​លួច​មើល​ដ៏​ទំនើបៗ​ដែល​រួមមាន​វ៉ែនតា​និង​កាមេរ៉ា​អេ​ឡិច​ត្រ​និ​ច និង​នាឡិកា​ឆ្លាត​ដ៏​ទំនើប ដែល​ត្រូវបាន​ចាប់បាន​ក្នុងពេល​ប្រឡង​កាលពី​ថ្ងៃអាទិត្យ  ហើយ​បានប្រកាស​លុបចោល​ការ​ប្រឡង​ពេទ្យ​នេះ បន្ទាប់ពី​បក​រណ៍​លួច​មើល​ដ៏​ទំនើបៗ​ទាំងនេះ​ត្រូវបាន​រកឃើញ​។​

​    ​និស្សិត​៣​នាក់​ដែល​ត្រូវបាន​ចាប់ខ្លួន​នេះ បាន​ប្រើប្រាស់​កាមេរ៉ា​តូច​ដែល​បិត​ជាប់​នឹង​ដង​វ៉ែនតា​ដើម្បី​បញ្ជូន​រូបភាព (​អត្ថបទ​ប្រឡង​) ទៅឱ្យ​ក្រុម​របស់ខ្លួន​នៅ​ខាងក្រៅ ហើយ​ចម្លើយ​ត្រូវបាន​បញ្ជូន​ត្រឡប់​ទៅ​នាឡិកា​ឆ្លាត​ដ៏​ទំនើប​នោះ​។​

​    ​និស្សិត​៣​នាក់​ដែល​ត្រូវបាន​ចាប់ខ្លួន​នេះ ត្រូវ​បានដាក់​ក្នុង​បញ្ជីខ្មៅ ដែល​នឹង​ត្រូវបាន​ដកសិទ្ធិ​ប្រឡង​៕

adverise with khmeread
ប្រភព៖ បាងកកប៉ុស្តិ៍

មតិយោបល់