adverise with khmeread Untitled 1

ប្ដី​ប្រើ​ហិង្សា​វាយ​ប្រពន្ធ​កូនខ្ចី​ជាំភ្នែក​, ប្រពន្ធ​ប្តឹង​ប៉ូលិស​ឱ្យ​ចាប់ខ្លួន​បែកធ្លាយ​រឿង​សម្ងាត់​មួយទៀត​

     ភ្នំពេញ  ៖ បុរស​ជា​ប្ដី​ម្នាក់​ប្រើ​អំពើហិង្សា​យក​ដំបង​វាយ​ទៅលើ​ប្រពន្ធ​របស់ខ្លួន​បណ្ដាល​ឲ្យ​រងរបួស​ជាំភ្នែក​ខណៈ​ប្រពន្ធ​មានកូន​ខ្ចី​១​ឆ្នាំ  បណ្ដាល​ឲ្យ​ស្ត្រី​រងគ្រោះ​អត់ទ្រាំ​មិនបាន​ក៏​ប្ដឹងសមត្ថកិច្ច​ឲ្យ​ឃាត់ខ្លួន​សាកសួរ​។ ឥឡូវ​បែកធ្លាយ​រឿង​បុរស​ជា​ប្ដី​ជា​អ្នកប្រើប្រាស់​គ្រឿង​និង​បានសម្លាប់​មនុស្ស​២​លើក​ថែមទៀត​។​

    អំពើហិង្សា​ខាងលើ​បាន​កើតឡើង​តាំងតែ​ពី​វេលា​ម៉ោង ១២​និង​១០​នាទី ថ្ងៃទី​១០ ខែឧសភា ឆ្នាំ​២០១៦​ត្រង់ចំណុច​ផ្សារ​លិច ស្ថិតក្នុង​សង្កាត់​ព្រែក​ព្នៅ ខណ្ឌ​ព្រែក​ព្នៅ មកម្ល៉េះ​។ តែ​អ្វីដែល​ធ្វើ​ឱ្យគេ​មានការ​ចាប់អារម្មណ៍​គឺ ប៉ូលិស​ទើបនឹង​សួរ​ធ្លាយ​រឿង​សម្លាប់​មនុស្ស​នា​ថ្ងៃទី​១២​ឧសភា​នេះ  ។​

    មន្ត្រីប៉ូលិស​មូលដ្ឋាន​បានឱ្យដឹងថា ជនសង្ស័យ​ឈ្មោះ​ឈុន ណា​ង ហៅ​អា​មីឆា អាយុ​២៥​ឆ្នាំ សញ្ជាតិ​ខ្មែរ មុខរបរ មិន​ពិតប្រាកដ មាន​ស្រុកកំណើត​នៅ​ភូមិ​-​ឃុំ​ទួល​ស្នួល ស្រុក​ក្រូចឆ្មា ខេត្តកំពង់ចាម​។​ដកហូត​ដំប​ឈើមូល​ប្រវែង​០,៥០​ម៉ែត្រ​មួយ​ដើម​។​

         ចំណែក​ស្ត្រី​រងគ្រោះ​ជា​ប្រពន្ធ ឈ្មោះ​ហ៊ូ សានី អាយុ​២០​ឆ្នាំ មាន​ស្រុកកំណើត​ស្ថិតនៅ​ភូមិ លូ សង្កាត់​ស្វាយប៉ាក ខណ្ឌឫស្សីកែវ ប្ដី​ប្រពន្ធ​ទាំងពីរ​នាក់ ស្នាក់​នៅផ្ទះ​គ្មាន​លេខ ផ្លូវ​បេតុង ភូមិ​សង្កាត់​កើតហេតុ​ខាងលើ​។​

     ស្ត្រី​រងគ្រោះ​បាន​ប្រាប់​ប៉ូលិស​ថា មុន​កើតហេតុ ប្តី​របស់ខ្លួន​បានមក​សុំ​លុយ តែ​ប្រពន្ធ​មិនឱ្យ​ទើប​ក្លាយជា​អំពើហិង្សា  ដំបូង​យក​ស្លាបព្រា​វាយ​ក្បាល  តែ​ប្រពន្ធ​មិន​តបត​សុខចិត្ត​អង្គុយ​យំ ។ បន្ទាប់មក​លោក​ប្តី​ទាញ​ដំបង​សំពង​តែម្តង​បណ្ដាលឱ្យ​រងរបួស​ជាំភ្នែក​ឈឺ​ពេញ​ខ្លួន​ទាំង​សរសៃ​ខ្ចី​ព្រោះ​ទើប​សម្រាលកូន​បាន​ជិត​មួយឆ្នាំ​ប៉ុណ្ណោះ​។​ដោយ​ទ្រាំ​នឹង​ទង្វើ​របស់​ប្តី​មិនបាន  ក៏​សម្រេចចិត្ត​ប្ដឹង​សមត្ថកិច្ច​ឲ្យ​ជួយ​អន្តរាគមន៍​ឃាត់ខ្លួន​តែម្ដងទៅ ។​

    ប៉ូលិស​បន្តថា ក្រោយ​ឃាត់ខ្លួន​ប៉ូលិស​បានធ្វើ​ការសាកសួ​រ​តាម​ជំនាញ​ពាក់ព័ន្ធ​ករណី​ប្រើ​ហិង្សា​នេះ ស្រាប់តែ​បុរស​ជា​ជនសង្ស័យ​បាន​ឆ្លើយ​សារភាពថា «​ខ្លួន​បាន សម្លាប់​មនុស្ស​២​ករណី​មកហើយ​ដោយ​លើក​ទី​១​បាន​ប្រ​ព្រិ​ត្ត​នៅ​ខេត្ត​រតៈ​គិរី​និង​លើក​ទី​២​បាន​ប្រព្រឹត្ត​នៅ​សង្កាត់​ស្វាយប៉ាក ខណ្ឌឫស្សីកែវ កាលពី​រយៈពេល​កន្លងមក​»​។​

     ចម្លើយ សារភាពរ​បស់ជនស​ង្ស័​យ​បន្តថា រូបគាត់​គឺជា​អ្នក​ប្រើ ប្រាស់​គ្រឿងញៀន​ជា​យូរ​ឆ្នាំ​មកហើយ ។ ដោយឡែក​ជន​រង គ្រោះ​ដែល​ត្រូវ​ខ្លួន​សម្លាប់​នោះ  ខ្លួន​បាន​ពឹងពាក់​ឲ្យ​ជួយ​ទិញ​គ្រឿងញៀន​មក​ជក់ ប៉ុន្តែ​ជន រងគ្រោះ​មិនបាន​យកលុយ​ទៅ​ទិញ​គ្រឿងញៀន​ទេ​គឺ​ស៉ី​ដាច់​លុយ​នោះ ទើប​ខ្លួន​បាន​យក​កាំ​ប៊ិ​ត​ប៉ាំងតោ​ទៅ​កាប់​ជនរងគ្រោះ​ជិត​ដា​ច់ក ចេញពី​ស្មា​បណ្ដាលឱ្យ​ដាច់ខ្យល់​ស្លាប់​ភ្លាមៗ​នៅ​និង​កន្លែងកើតហេតុ​តែម្ដង ។​

      បច្ចុប្បន្ន​ជនសង្ស័យ រួម​និ​វត្ថុតាង ត្រូវបាន​បញ្ជូនទៅ​ឃុំខ្លួន​បណ្ដោះអាសន្ន​នៅ អធិការដ្ឋាន​ប៉ូលិស​ខណ្ឌ​ព្រែក​ព្នៅ​ដើម្បី​រៀបចំ​កសាង​សំណុំរឿង​បញ្ជូនទៅ​សាលាដំបូង​រាជធានី​ភ្នំពេញ​ចាត់ការ​តាមផ្លូវ​ច្បាប់ ៕​

adverise with khmeread

មតិយោបល់