adverise with khmeread D7c6c57f 1644 40c9 a63f 50900ea0bd52

សហជីព​សេដ្ឋកិច្ច​កម្មករ​កម្ពុជា​ថ្កោលទោស​ថៅកែ​រោងចក្រ​ចំនួន​២​ គំរាម​បាញ់សម្លាប់​សហជីព​

     ភ្នំពេញ ៖ មេដឹកនាំ​សហព័ន្ធ​សហជីព​សេដ្ឋកិច្ច​កម្មករ​កម្ពុជា (CWEF)​បានចេញ​សេចក្តីថ្លែងការណ៍​ថ្កោលទោស​ដល់​លោក​ថៅកែ​រោងចក្រ​ចំនួន​២​ដែលមាន​ទីតាំង​ស្ថិតនៅក្នុង​សួន​ឧស្សាហកម្ម​សំរោង​ធំ ផ្លូវជាតិ​លេខ​១ ភូមិ​ព្រែកត្រែង  ឃុំ​សំរោង​ធំ ស្រុក​កៀនស្វាយ ខេត្តកណ្តាល ដែល​បាន​គំរាម​បាញ់សម្លាប់​និង​បញ្ជា​ឱ្យ​ក្រុម​សន្តិសុខ​ប្រើ​អំពើហិង្សា​ទាត់​ធាក់​និង​រុញច្រាន​មកលើ​ថ្នាក់ដឹកនាំ​សហជីព​៤​រូប​ជា​ស្ត្រី​ទន់ខ្សោយ​ថែម​ទៀតផង។​

     លោក ​ស្រៀ​ង ណា​រិ​ទ្ធ ​ប្រធាន​សហព័ន្ធ​សហជីព​សេដ្ឋកិច្ច​កម្មករ​កម្ពុជា​បានឱ្យដឹង​នា​រសៀល​ថ្ងៃទី​១២​ឧសភា​នេះ​ថា លោក​ថៅកែ​រោងចក្រ​ណា​ហ្កា​ភី​សខប​ភើ​រេ​សិន ​និង​លោក​ថៅកែ​រោងចក្រ​ស្កា​យ​ឡាញ​អា​ភើ​រៀល ដែលមាន​ទីតាំង​ក្នុង​សួន​ស្សា​ហ​កម្ម​សំរោង​ធំ​បាន​បញ្ឈប់​ថ្នាក់ដឹកនាំ​សហជីព​ប្រចាំ​រោងចក្រ​៤​រូប និងគំរាម​បាញ់សម្លាប់ ​និង​បញ្ជា​ឱ្យ​ក្រុម​សន្តិសុខ​ប្រើ​អំពើហិង្សា​ទាត់​ធាក់​ និង​រុញច្រាន​មកលើ​ថ្នាក់ដឹកនាំ​សហជីព​៤​រូប​ជា​ស្ត្រី​ទន់ខ្សោយ​កាលពី​ថ្ងៃទី​១១ ​ឧសភា ​ឆ្នាំ​២០១៦ ​វេលា​ម៉ោង​៤​ និង​៤៥​នាទី​រសៀល​នៅក្នុង​ក្រុមហ៊ុន​។​

     លោក ស្រៀ​ង ណា​រិ​ទ្ធ បន្តថា ទង្វើ​ខាងលើនេះ​គឺជា​សកម្មភាព​រំលោភ​ទៅលើ​ច្បាប់​នៃ​ព្រះ​ណា​ជាណា​ចក្រ​កម្ពុជា យ៉ាងធ្ងន់ធ្ងរ​និង​ការ​បំបិទ​សិទ្ធិសេរីភាព ការរើសអើង​សហជីព​និង​ការគំរាមកំហែង​កម្មក​រ​ដទៃទៀត​មិនឱ្យ​ចូលរួម​ក្នុង​សកម្មភាព​សហជីព។​

     លោក ​ស្រៀ​ង ណា​រិ​ទ្ធ បានស្នើ​ដល់​លោក​ថៅកែ​រោងចក្រ​ទាំង​២​ទទួលយក​ថ្នាក់ដឹកនាំ​សហជីព​ទាំង​៤​រូប​ចូលធ្វើការ​វិញ​ដោយ​គ្មាន​លក្ខខណ្ឌ ហើយ​លោក​សូម​អំពាវនាវ​ដល់​អង្គ​ការ​ក្រោ​រដ្ឋាភិបាល​ជាតិ​-​អន្តរជាតិ សហភាព សហព័ន្ធ​សហជីព​ទាំងអស់​មេត្តាជួយ​ធ្វើ​អន្តរាគមន៍​និង​ចូលរួម​ថ្កោលទោស​នូវ​ទង្វើ​របស់លោក​ថៅកែ​រោងចក្រ​ទាំង​២​និង​សូម​ស្នើ​ដល់​លោក​រដ្ឋមន្ត្រីក្រសួង​ការងារ ក្រសួង​ពាក់ព័ន្ធ​និង​អាជ្ញា​ធរមាន​សមត្ថកិច្ច​ជួយ​ចាត់វិធានការ​ជាបន្ទាន់​លើ​លោក​ថៅកែ​រោងចក្រ​ទាំងពីរ​ខាងលើនេះ​។​

     នៅ​ថ្ងៃទី​១២​ឧសភា​នេះដែរ លោក​ ស្រៀ​ង ណា​រិ​ទ្ធ បានធ្វើ​លិខិត​២​ច្បាប់​ជូន​លោក ​អ៊ិត សំហេង រដ្ឋមន្ត្រីក្រសួង​ការងារ ​និង​លោក​ប្រធាន​អង្គការ​​ ILO/BFC​ ប្រចាំ​ក​ម្ព​ជា មេត្តាជួយ​ធ្វើ​អន្តរាគមន៍​ផងដែរ និងដើម្បី​ជូនជ្រាប។​

     ជុំវិញ​ការចោទប្រកាន់​របស់លោក​ ស្រៀ​ង ណា​រិ​ទ្ធ ចំពោះ​លោក​ថៅកែ​រោងចក្រ​ទាំង​២​ខាងលើ ខ្មែរ​រីដ មិនអាច​សុំ​ការបំភ្លឺ​ពី​លោក​ថៅកែ​បានឡើយ​នា​ល្ងាច​ថ្ងៃទី​១២​ ឧសភា​នេះ៕

adverise with khmeread

អ្នកនឹងចូលចិត្ត

មតិយោបល់