adverise with khmeread 1c1791dc 4e36 48c3 92f0 50ae40335026

ប្តី​ចុង​ចង្រៃ​វាយ​ប្រពន្ធ​បែកក្បាលមិនអស់ចិត្ត ​​ទាត់​កូន​អាយុ​៥​ឆ្នាំ​មួយ​ជើង​ទៀត(​មាន​វីដេអូ​)

      ភ្នំពេញ ៖ ស្ត្រី​ម្នាក់​ត្រូវបាន​ប្តី​ចុង​គាត់​វាយ​បែកក្បាល​ហូរឈាម​ស្រោច​ខ្លួន ហើយ​ថែមទាំង​ដេញ​ទាត់​កូនស្រី​អាយុ​៥​ឆ្នាំ​មួយ​ជើង​ថែម​ទៀតផង ត្រូវបាន​ប្រធានភូមិ​និង​អ្នកជិតខាង​ចាប់​ឃាត់ខ្លួន​ប្តី​ចុង​យកមក​ប្រគល់ឱ្យ​សមត្ថកិច្ច។​

      អំពើហិង្សា​នេះ​បង្កឱ្យមាន​ការភ្ញាក់ផ្អើល​កាលពី​វេលា​ម៉ោង​៧​ និង​៣០​នាទី​យប់​ថ្ងៃទី​១២ ​ខែឧសភា​ ឆ្នាំ​២០១៦ នៅ​ចំនុច​បន្ទប់​ជួល​មួយកន្លែង​ស្ថិតក្នុង​ភូមិ​តា​ងួន សង្កាត់​កា​កាប ​ខណ្ឌ​ពោធិ៍​សែន​ជ័យ។​

      ប៉ូលិស​និយាយថា ជនរងគ្រោះ​ឈ្មោះ ស្រី សុភ​ក្ត្រ័ ​ភេទ​ស្រី ​អាយុ២៩​ឆ្នាំ មុខរបរ​កាត់​សំលៀកបំពាក់​នៅផ្ទះ និង​មានកូន​ចំនួន​២​នាក់ ទី​១.​ឈ្មោះ​ ឡេង មួយ​ស៊ី​ម ភេទ​ស្រី អាយុ១១ឆ្នាំ រៀន​នៅក្នុង​អង្គការ លីកាដូ និង​ទី​២.​ឈ្មោះ ឡេង មួយ​លាង ភេទ​ស្រី អាយុ៥​ឆ្នាំ​។ ចំណែក​ជនបង្ក​ត្រូវជា​ប្តី​ចុង ឈ្មោះ ឡេង សុភ័ក្ត្រ អាយុ៣៣​ឆ្នាំ មុខរបរ​រត់​កង់​បី​ទាំង​២​នាក់​មាន​ទីលំនៅ​បន្ទប់​ជួល​ភូមិ​កើតហេតុ​ខាងលើ។​

      តាម​ការរៀបរាប់​ប្រាប់​របស់​ជនរងគ្រោះ​ឱ្យដឹងថា រូបគាត់​បាន​ចាប់ដៃគ្នា​ជាមួយ​ប្តី​ក្រោយ​រយៈពេល​២​ឆ្នាំ​ហើយ គឺ​តាំងពី​ឆ្នាំ​២០១៤​មកម្ល៉េះ ដោយ​មិនបាន​រៀបការ​ទេ គ្រាន់តែ​សែនព្រេន​ប៉ុណ្ណោះ។​

      ចាប់តាំងពី​យកគ្នា​ជា​ប្តី​ប្រពន្ធ​មក​ប្តី​ចុង​គាត់​មិនដែល​ចេះ​រករឿង​គាត់​ទេ ទើបតែ​ប្រហែល​រយៈពេល​១​ខែ​ចុង​ក្រោយនេះ ដោយសារតែ​រូបគាត់​យក​កូនស្រី​ប្តី​មុន​ទាំង​២​នាក់មក​នៅ​ជាមួយ គឺ​ប្តី​ចុង​គាត់​ចាប់ផ្តើម​រករឿង​វាយ​ដុំ​គាត់​ឥត​ល្ហែ ដោយបាន​វាយ​គាត់​ចំនួន​៦​ដង បែកក្បាល​៣​ដង​ទាំង​លើក​នេះ​ផង។​

      ស្ត្រី​រងគ្រោះ​បាន​បន្តទៀតថា កាលពី​វេលា​ម៉ោង​១១​ថ្ងៃត្រង់ ថ្ងៃកើតហេតុ ប្តី​គាត់​ខឹង​នឹង​កូនស្រី​ទាំង​២ ដោយ​ចោទថា​មាត់​ឡូឡា​ថ្លង់ នៅ​មិនបាន រហូតដល់​វេលា​ល្ងាច​កើតហេតុ​ខាងលើ ទើប​មាន​ការប្រតាយប្រតប់គ្នា បណ្តាលឱ្យ​រូបគាត់​បែកក្បាល​តែម្តងទៅ។​

      ចំណែក​ខាង​ប្តី​វិញ​បាន​និយាយថា មូលហេតុ​ដែល​គាត់​រករឿង​រហូត​ជ្រុល​មាន​អំពើហិង្សា​នេះ គឺ​មកពី​ប្រពន្ធ​របស់គាត់​ទម្លាក់​កូន​ដែលជា​ដំណក់ឈាម​រួមជាមួយ​គាត់​ចោល​ចំនួន​២​ដង​រួចមកហើយ ដូច្នេះ​ទើប​ធ្វើឱ្យ​គាត់​ម៉ូ​មៅ​យ៉ាង​ដូ​នេះ។​

      ក្រោយពេល​កើតហេតុ​ខាង​ជនរងគ្រោះ​មិនបាន​ដាក់ពាក្យ​បណ្តឹង​ទេ គឺ​គ្រាន់តែ​សុំឱ្យ​ខាង​សមត្ថកិច្ច​ធ្វើការ​អប់រំ​ឱ្យ​ជនបង្ក​ធ្វើ​កិច្ចសន្យា​តែប៉ុណ្ណោះ ហើយ​ចាប់ពីពេលនេះ​តទៅ​រួប​គាត់​ឈប់​រួម​រស់នៅ​ជាមួយគ្នា​តទៅទៀត​ហើយ៕

 

adverise with khmeread

អ្នកនឹងចូលចិត្ត

មតិយោបល់