adverise with khmeread  89694503 bayern getty

Lewandowski បង្កើត​កំណត់ត្រា​ថ្មី​នៅ​ក្របខ័ណ្ឌ Bundesliga ខណៈ Bayern លើក​ពាន​លី​ក​កំពូល​លើក​ទី ២៦ របស់ខ្លួន

    ​ខ្សែប្រយុទ្ធ​មុត​ស្រួច Robert Lewandowski បាន​ក្លាយជា​កីឡាករ​ដំបូង​គេ​ក្នុង​រយៈពេល ៣៩ ឆ្នាំ​ចុង​ក្រោយនេះ ដែល​រកបាន ៣០ គ្រាប់​ក្នុង​មួយ​រដូវ​កាល​ក្នុង​ក្របខ័ណ្ឌ Bundesliga ខណៈ​ក្រុម​ការពារ​តំណែង​ជើងឯក Bayern Munich បាន​បំបាក់​ក្រុម Hannover នៅក្នុង​ការប្រកួត​ចុងក្រោយ​របស់លោក Pep Guardiola​។​

​    ​Lewandowski ជា​អ្នក​ស៊ុត​បើកឆាក​ឱ្យ​ក្រុម​បន្ទាប់ពី​ស៊ុត​បុក​ជើង​អ្នកចាំទី Ron-Robert Zieler មុននឹង​ខ្សែបម្រើ Mario Gotze រកបាន​គ្រាប់​បាល់​ទី​ពីរ​ដោយ​ការ​ឆ្កឹះ និង​បន្ទាប់មក​ក៏បាន​ពុះ​មួយ​ជើង​ចូល​ទី​យ៉ាង​ស្អាត​។​

​    ​កីឡាករ Artur Sobiech បានរ​កមួយ​គ្រាប់​វិញ​ជូន Hannover ប៉ុន្តែ​ពួកគេ​បាន​ធ្លាក់​ទៅ​ក្របខ័ណ្ឌ Bundesliga 2 ទៅហើយ​។​

​    ​ក្រុម Bayern បានបញ្ចប់​រដូវ​កាល​នេះ​ដោយ​ដាច់​ក្រុម​លេខ​ពីរ Borussia Dortmund ដល់​ទៅ ១០ ពិន្ទុ​។​

​    ​មុន​ការប្រកួត លោក Guardiola បាន​ថ្លែង​សន្ទរកថា​របស់គាត់​ជា​លើកចុងក្រោយ​នៅ​ទឹកដី Allianz Arena មុននឹង​ចាកចេញ​ទៅ​ក្លឹប Manchester City នៅ​រដូវ​កាល​ក្រោយ​។​

​    ​គ្រូបង្វឹក​សញ្ជាតិ​អេ​ស្ប៉ា​ញ​រូបនេះ​នឹង​ដឹកនាំ​ក្រុម​ជា​លើកចុងក្រោយ​នៅក្នុង​ការប្រកួត German Cup វគ្គ​ផ្តាច់ព្រ័ត្រ​ដែល​នឹងត្រូវ​ប៉ះ​ក្រុម​ខ្លាំង Dortmund នៅ​ថ្ងៃ​សៅរ៍​សប្តាហ៍​ក្រោយ ខណៈ​គាត់​មាន​គោលដៅ​លើក​ពាន​ទី​ពី​របស់ខ្លួន​៕

adverise with khmeread
ប្រភព៖ BBC

អ្នកនឹងចូលចិត្ត

មតិយោបល់