adverise with khmeread 1

Man Utd ពិចារណា​ស្នើ Ibrahimovic នូវ​កុងត្រា​មួយឆ្នាំ​បន្ទាប់ពី​ខ្សែប្រយុទ្ធ​រូបនេះ​នឹង​ចាក​ចេញពី​ក្លឹប PSG

​    ​ក្រុម​បិសាច​ក្រហម Manchester United កំពុង​ពិភាក្សា​ថា​តើ​គួរតែ​នាំ​កីឡាករ​វ័យ​ចំណាស់ Zlatan Ibrahimovic ឬ​យ៉ាងណា​។​

​    ​ខ្សែប្រយុទ្ធ​សម្បូរ​បទពិសោធន៍​វ័យ ៣៤ ឆ្នាំ​រូបនេះ បច្ចុប្បន្ន​មិនទាន់​ចរចា​ជាមួយ​ក្លឹប​មួយណា​នៅឡើយ​ទេ​បន្ទាប់ពី​សម្រេចចិត្ត​ចាក​ចេញពី​ក្លឹប PSG ដើម្បី​បើក​ទំព័រ​ថ្មី​នៃ​អាជីព​របស់គាត់ ហើយ​គាត់​បានបញ្ជាក់​ប្រាប់​កាលពី​ប៉ុន្មាន​ខែ​មុន​ថា គាត់​ចង់​លេង​នៅ​ក្របខ័ណ្ឌ Premier League​។​

​    ​ហើយ​បន្ទាប់ពី​បាន​បញ្ជូន​អ្នក​សង្កេត​កីឡាករ​ដើម្បី​សង្កេត​គាត់​នៅក្នុង​ការប្រកួត ១-១ ជាមួយ Bordeaux កាលពី​សប្តាហ៍​មុន ក្រុម Man Utd កំពុង​ជជែក​គ្នា​ថា​តើ​គួរតែ​ស្នើ​គាត់​ជា​ផ្លូវការ​ឬ​យ៉ាងណា​។​

​    ​កាលពី​ថ្ងៃ​ចន្ទ សារព័ត៌​មាននៅ​ប្រទេស​បារាំង​បាន​អះអាងថា មានការ​ស្នើ​កីឡាករ​អន្តរជាតិ​ស៊ុយអែត​រូបនេះ​ពី​ទឹកដី Old Trafford ដែល​គាត់​នឹង​លេង​ការប្រកួត​ចុងក្រោយ​ឱ្យ​ក្លឹប PSG សម្រាប់​ពានរង្វាន់ French Cup វគ្គ​ផ្តាច់ព្រ័ត្រ​ជាមួយ Marseille នៅ​ថ្ងៃ​សៅរ៍​នេះ​។​

​    ​ប៉ុន្តែ​មិនមែន​តែ Man Utd ទេ​ដែល​ចង់បាន​កីឡាករ​រូបនេះ មាន​ក្លឹប​នៅ​អាមេរិក​ជាច្រើន​ក៏​ចង់បាន​គាត់​ដែរ ជាពិសេស​គឺ​ក្រុម​របស់លោក David Beckham តែម្តង​៕

adverise with khmeread
ប្រភព៖ Daily Mail

មតិយោបល់