adverise with khmeread Pappu kumar beggar 600x315

ឆ្លាត​គ្រាន់បើ​! បុរស​ឥណ្ឌា​ម្នាក់នេះ​សុំទាន​យកលុយ​ចងការ​ឱ្យ​អ្នករកស៊ី​ក្នុងស្រុក​

    ​គាត់​ប្រហែល​មិនមែនជា​អ្នកមាន​ទេ ប៉ុន្ដែ​អ្នកសុំទាន​វ័យក្មេង​រូបនេះ​គឺ​ពិតណាស់​មាន​ជាង​ជន​វណ្ណៈ​កណ្ដាល​របស់​ប្រទេស​ឥណ្ឌា​ទៅទៀត​។ លោក Pappu Kumar អាច​រកបាន​ទ្រព្យសម្បត្តិ​មួយចំនួន​តូច​អំឡុងពេល​ប្រាំបី​ឆ្នាំ​នៃ​ការដើរ​សុំទាន​នៅតាម​ដងផ្លូវ​នៃ​ទីក្រុង Patna ក្នុង​រដ្ឋ Bihar​។​

​    ​គាត់​ត្រូវបាន​គេ​រាយការណ៍​ថា​មាន​ប្រាក់​ចំនួន ៥០០.០០០ រូពី (៧.៥០០ ដុល្លារ​) ទុក​ក្នុង​គណនី​ធនាគារ​ចំនួន​បួន​និង​មាន​អ​ច​នល​ទ្រព្យ​តម្លៃ ១៨៥.០០០ ដុល្លារ​។ គាត់​ថែមទាំង​មាន​លុយ​កម្ចី​ឱ្យទៅ​ពាណិជ្ជករ​ក្នុងស្រុក​ជាច្រើន​នាក់​និង​រក​ចំណូល​ពី​ចង់​ការប្រាក់​ទៀតផង​។ ប៉ុន្ដែ​គាត់​មាន​អាយុ ៣៣ ឆ្នាំ​ហើយ នៅតែ​មិន​ចង់​ឈប់​ដើរ​សុំទាន​គេ​ទៀត​។​

​    ​លោក Pappu មិន​សម​មាន​វាសនា​ជា​អ្នកសុំទាន​គេ​ទេ​។ គាត់​បាន​ចូលរៀន​វិទ្យាល័យ និង​ថែមទាំង​បានគ្រោង​រៀន​ជំនាញ​វិស្វកម្ម​ក្នុង​មហាវិទ្យាល័យ​ទៀតផង ប៉ុន្ដែ​ជា​អកុសល គាត់​បាន​ជួប​គ្រោះថ្នាក់​មួយ​ដែល​ធ្វើឱ្យ​គាត់​ពិការ​។ ឪពុក​របស់គាត់​បាន​លាចាក​លោក ហើយ​គ្រួសារ​ដែល​នៅ​សេសសល់​មិន​ទទួលស្គាល់​គាត់​ទៀត​។ លោក Pappu បាន​ចាក​ចេញពី​គ្រួសារ​ដោយ​គ្មាន​ជម្រើស ហើយក៏​បាន​ដើរ​សុំទាន​ដើម្បី​ជីវិត​។​

​    ​គាត់​បាន​ប្រាប់​ទៅ​កាសែត​ក្នុងស្រុក​មួយ​ថា "​ខ្ញុំ​បានជា​ប់​ការប្រឡង​កម្រិត​មធ្យម​ជាមួយនឹង​ពិន្ទុ ៥៧ ភាគរយ ហើយ​អ្វីដែល​រួមចំណែក​ធំ​បំផុត​ចំពោះ​ពិន្ទុ​នេះ​គឺ​គណិតវិទ្យា​ដែល​ខ្ញុំ​ទទួលបាន ៧២ ពិន្ទុ ខ្ពស់​ជាងគេ​ក្នុងចំណោម​មុខវិជ្ជា​ទាំងអស់​"​។​

​    ​"​សុបិន​របស់ខ្ញុំ​គឺ​បន្ត​រៀន​ផ្នែក​វិស្វកម្ម​។ ខ្ញុំ​បាន​ព្យាយាម​រៀន​ដើម្បី​បន្ត​ចូល​មហាវិទ្យាល័យ ប៉ុន្ដែ​នៅពេលនោះ ខ្ញុំ​បាន​ជួប​ឧបទ្ទវហេតុ​ដ៏​អាក្រក់​មួយ ដែល​ធ្វើឱ្យ​ខ្ញុំ​ពិការ​។ ខ្ញុំ​គ្មាន​ជម្រើស​អ្វី​ក្រៅពី​សុំទាន​ដើម្បី​ក្រពះ​នោះទេ ព្រោះ​គ្រួសារ​របស់ខ្ញុំ​បាន​កាត់កាល់​ខ្ញុំ​ចោល បន្ទាប់ពី​ឧបទ្ទវហេតុ​នោះ​"​។​

​    ​ដូច្នេះហើយ​លោក Pappu បាន​បោះជំរំ​នៅ​ផ្លូវ​ប្រសព្វ​រទេះភ្លើង​នៅ Patna និង​បាន​បន្ត​ការសុំ​ទាន​នៅ​ទីនោះ​អស់​ប្រាំពីរ​ឆ្នាំ មុនពេល​ប៉ូលិស​ព្យាយាម​ឱ្យ​គាត់​ចេញពី​ទីនោះ​កាលពី​ឆ្នាំមុន​។ ពួកគេ​បាន​ចាប់គាត់​ទៅ​មន្ទីរឃុំឃាំង នៅពេល​គាត់​បាន​បដិសេធ​ចាក​ចេញពី​ទីនោះ ហើយ​នៅពេលនោះ​រឿង​គាត់​ជា​អ្នកមាន​ក៏បាន​លេច​ធ្លាយ​។ ប៉ូលិស​បាន​ស៊ើបអង្កេត​រកឃើញ​គណនី​ធនាគារ​របស់គាត់​និង​អចលនទ្រព្យ​ពីរ​កន្លែង​ដែលមាន​ទំហំ​ដី ២០០០ ម៉ែត្រការ៉េ​ក្នុង​មួយកន្លែង​។​

​    ​ហើយ​ពួកគេ​ក៏បាន​រកឃើញថា​គាត់​បានឱ្យ​ប្រាក់កម្ចី ១៥.០០០ ដុល្លារ ដល់​ពាណិជ្ជករ​ក្នុង​តំបន់​ផ្សារ New Market ជាមួយនឹង​ការប្រាក់​ខ្ពស់​ទៀតផង​។​

​    ​ប៉ូលិស​បានឱ្យ​ដំបូន្មាន​ទៅ​លោក Pappu ឱ្យ​ឈប់​ដើរ​សុំទាន​គេ ហើយ​ចាប់ផ្ដើម​រស់នៅក្នុង​ជីវិត​ធម្មតា​ដោយ​ប្រើ​ប្រាក់​ដែល​គាត់​រកបាន ប៉ុន្ដែ​បុរស​ម្នាក់​នោះបាន​បដិសេធ​។ លោក Rajesh Lal អធិការ​ការពារ​ផ្លូវ​រទេះភ្លើង​បាន​និយាយថា "​យើង​បាន​យក​គាត់​ចេញពី​បរិវេណ​ស្ថានីយ​រថភ្លើង​ហើយ និង​បាន​សុំឱ្យ​គាត់​ឈប់​ដើរ​សុំទាន​គេ​ទៀត ព្រោះ​គាត់​មាន​សាច់ប្រាក់​គ្រប់គ្រាន់​ដើម្បី​ចិញ្ចឹមជីវិត​ហើយ​។ ប៉ុន្ដែ​មូលហេតុ​ដែល​គាត់​ចង់​បន្ត​សុំទាន​គេ​ទៀត​គឺ​នៅ​ហួស​ឆ្ងាយ​ពី​ការគិត​របស់​មនុស្ស​គ្រប់គ្នា​"​។​

​    ​ពេល​គេ​ស្នើឱ្យ​ព្យាបាល​ដៃ​ពិការ Pappu បាន​និយាយថា "​ប្រសិនបើ​ខ្ញុំ​ជាសះស្បើយ តើ​ខ្ញុំ​បន្ត​សុំទៀន​ទៀត​ម្តេច​នឹង​កើត​ទៅ​? តើន​រណា​នឹង​ឱ្យ​លុយ​ខ្ញុំ​នៅពេល​ខ្ញុំ​មាន​កាយសម្បទា​រឹងមាំ​នោះ​?"៕

ប្រភព៖ Odditycentre

adverise with khmeread

អ្នកនឹងចូលចិត្ត

មតិយោបល់